នាថ្ងៃទី ២៣ ខែធ្នូ រដ្ឋាភិបាលចិនបានព្រមានថាអាមេរិកកំពុងប្រែក្លាយលំហអវកាសទៅជា“ សមរភូមិ” បន្ទាប់ពីរដ្ឋអំណាចទីក្រុងវ៉ាស៊ីនតោនប្រកាសកងទ័ពជំនាញថ្មីដែលហៅថាកងកម្លាំងអវកាស។
អ្នកនាំពាក្យក្រសួងការបរទេសចិនលោក Geng Sheng (រូបថត៖ AFP/TTXVN)
ថ្លែងមតិនៅក្នុងសន្និសីទសារព័ត៌មានជាប្រចាំ អ្នកនាំពាក្យក្រសួងការបរទេសចិនលោក Geng Sheng បានចោទប្រកាន់សហរដ្ឋអាមេរិកពីការប្រដេញតាមគោលដៅ"ប្រដាប់អាវុធ"លើអវកាស ដោយរំលោភបំពានលើការឯកភាពអន្តរជាតិស្តីពីការប្រើប្រាស់សន្តិភាពលើលំហរអវកាស ព្រមទាំងបង្កការគំរាមកំហែងដោយផ្ទាល់ដល់លំហអវកាស សន្តិភាពនិងសន្តិសុខផងដែរ។ មុននេះ នាថ្ងៃទី ២០ ខែធ្នូប្រធានាធិបតីអាមេរិកលោក ដូណាល់ត្រាំ បានចុះហត្ថលេខាលើការផ្តល់សច្ចា ប័នលើច្បាប់ចំណាយថវិកាការពារជាតិឆ្នាំ ២០២០ (NDAA) ដែលក្នុងនោះរួមមានការបង្កើតកងកម្លាំងប្រដាប់អាវុធជំនាញទី ៦ របស់កងទ័ពអាមេរិក ហើយកងទ័ពអវកាសនឹងមានសមាជិកប្រមាណ ១៦.០០០ នាក់ ដែលស្ថិតក្រោមការបញ្ជារបស់លោកឧត្តមសេនីយ៍ Jay Raymond ៕
（ប្រភព៖ vovworld.vn សរុបដោយ ហេង វុធ្ធី）
មតិពីមិត្តអ្នកអាន