យុគសម័យ - នាយប់ថ្ងៃទី ២ ខែកក្កដា ទំនប់មួយនៅស្រុក Ratnagiri រដ្ឋ Maharashtra ភាគខាងលិចប្រទេសឥណ្ឌាត្រូវបាក់ ដែលបណ្តាលឲ្យមនុស្សយ៉ាងហោចណាស់ ២នាក់បានស្លាប់ និង ២២នាក់ទៀតបាត់ខ្លួន។
កម្លាំងសង្គ្រោះបំពេញភារកិច្ច (រូបថតៈ TTXVN)
យោងតាមប្រព័ន្ធផ្សព្វផ្សាយក្នុងស្រុក ភូមិប្រជាជនចំនួន ៦ ទៅ ៧ ត្រូវបានគេជឿថា បានរងផលប៉ះពាល់ដោយសារគ្រោះទឹកជំនន់ដ៏អាក្រក់នេះ ខណៈផ្ទះប្រជាជានសរុប ១២ខ្នង ត្រូវបានទឹកហូរនាំទៅជាមួយ។ ឥឡូវនេះក្រុមកងកម្លាំងជួយសង្រ្គោះជាតិឥណ្ឌា កំពុងតែញាប់ដៃញាប់ជើងក្នុងការបំពេញប្រតិបត្តិការរុករក និងជួយសង្រ្គោះជនរងដែលកំពុងបាត់ខ្លួនទាំងជាង ២០នាក់ខាងលើ។
គួរបញ្ជាក់ផងដែរថា សំណង់ទំនប់នេះមានសមត្ថភាពអាចទប់ទឹកបានរហូតដល់ ២.៤លានម៉ែត្រគូប ត្រូវបានបិទបញ្ចប់ការសាងសង់របស់ខ្លួនកាលពីឆ្នាំ២០១២ ហើយមូលហេតុនៃការបាត់ស្រុតនេះ គឺទំនងជាដោយសារតែភ្លៀងធ្លាក់ខ្លាំងនាប៉ុន្មានថ្ងៃជាប់ៗគ្នា ដែលជាហេតុធ្វើឲ្យកម្រិតទឹកកើនឡើង លើសពីអ្វីដែលទំនប់អាចទ្រទ្រង់។ នៅថ្ងៃអង្គារដដែលនោះ ក៏មានករណីរលំជញ្ជាំងមួយនៅទីក្រុងម៉ុមបៃផងដែរ ដែលបានបណ្តាលឲ្យមនុស្សស្លាប់ ១៥នាក់៕
（សរុបព័ត៌មាន ដោយ ស្រីព្រេជ）
មតិពីមិត្តអ្នកអាន