យុគ្គសម័យ - នាថ្ងៃទី ២៩ ខែឧសភា អនុរដ្ឋមន្រ្តីក្រសួងការបរទេសកូរ៉េខាងត្បូងលោក Lee Tae-ho បានវាយតម្លៃថា ការពង្រឹង "សន្តិភាពប្រកបដោយនិរន្តភាព" នៅលើឧបទ្វីបកូរ៉េគឺជាលក្ខខណ្ឌគន្លឹះ ដើម្បីសម្រេចបាននូវគោលដៅ "សន្តិភាពរយៈពេលវែង" នៅអាស៊ី។
ប្រធានាធិបតីកូរ៉េខាងត្បូងលោក Moon Jae-In និងថ្នាក់ដឹកនាំកូរ៉េខាងជើង លោក Kim Jong-Un
ថ្លែងនៅវេទិកាសន្តិភាពនិងវិបុលភាពនៅរមណីយដ្ឋានកោះ Jeju លោក Lee Tae-ho បានឲ្យដឹងថា ដើម្បីពង្រឹងសន្តិភាពប្រកបដោយនិរន្តរភាពគឺត្រូវទាមទារឱ្យមានកិច្ចសហប្រតិបត្តិការ ផ្លាស់ប្តូរពាណិជ្ជកម្មឲ្យកាន់តែទូលំទូលាយថែមទៀតរវាងបណ្តាប្រទេសជាច្រើននៅក្នុងតំបន់ ព្រមទាំងជួយឲ្យភាគីនានាអាចយល់ចិត្តយល់ថ្លើមពីគ្នា ក៏ដូចជាបង្កើនទំនុកទុកចិត្តចំពោះគ្នាទៅវិញទៅមកថែមទៀតផង។ លោក Lee ក៏សង្ឃឹមផងដែរថាសំណើរ ដែលប្រធានាធិបតីកូរ៉េខាងត្បូងលោក Moon Jae-In លើកឡើងកាលពីឆ្នាំមុន នេះគឺសំដៅទៅកសាងសហគមន៍ផ្លូវដែកអាស៊ីបូព៌ា នឹងជួយបង្កើតនូវមូលដ្ឋានពហុភាគី ដើម្បីជម្រុញសន្តិភាពនិងសន្តិសុខនៅក្នុងតំបន់ផងដែរ។ គួរបញ្ជាក់ថាវេទិការសន្តិភាពនិងវិបុលភាពនៅកោះ Jeju នឹងប្រព្រឹត្តទៅក្នុងរយៈពេល ៣ថ្ងៃ៕
（ប្រភព៖ baotintuc.vn បកប្រែដោយហេង វុធ្ធី）
មតិពីមិត្តអ្នកអាន