រដ្ឋមន្រ្តីការបរទេសស៊ីរី៖ «ស៊ីរីអាចនឹងប្រើប្រាស់កម្លាំងយោធាដើម្បីដោះស្រាយបញ្ហាតំបន់ Golan Heights ជាមួយអ៊ីស្រាអែល តែមិនមែនពេលនេះឡើយ»

23:45 | 04/04/2019

ជុំវិញភាពតានតឹងនៃតំបន់ Golan Heights ជាមួយប្រទេសអ៊ីស្រាអែល ដែលបានកើនឡើងកម្តៅក្រោយអាមេរិក បានបចេញមុខទទួលស្គាល់ជាកម្មសិទ្ធិរបស់អ៊ីស្រាអែល ស៊ីរីបានបញ្ជាក់ថាខ្លួននឹងមិនលុបចោលជម្រើសនៃការប្រើប្រាស់យោធា ដើម្បីដោះស្រាយបញ្ហានៃតំបន់វិវាទនេះឡើយ ក៏ប៉ុន្តែនាពេលបច្ចុប្បន្នគឺត្រូវផ្តោតសំខាន់តែទៅលើការកម្ចាត់ក្រុមភេរវករ នៅក្នុងប្រទេសសិន។

រដ្ឋមន្រ្តីការបរទេសស៊ីរីលោក Walid Muallem

ថ្លែងក្នុងសន្និសីទសារព័ត៌មានមួយនាថ្ងៃព្រហស្បតិ៍នេះ ជាមួយប្រមុខការទូតវេណេស៊ុយអេឡា លោក Jorge Arreaza លោក Walid Muallem ដែលជារដ្ឋមន្រ្តីការបរទេសស៊ីរីបានលើកឡើងថា «នៅពេលដែលយើងនិយាយអំពីជម្រើសទាំងអស់ យើងក៏ចង់សំដៅទៅលើ ជម្រើសនៃការប្រើកម្លាំងយោធាផងដែរ គឺយើងមិនលុបចោលឡើយ ប៉ុន្តែបច្ចុប្បន្នស៊ីរីគឺផ្តោតអាទិភាពទៅលើការរំដោះទឹកដីឲ្យបានទាំងស្រុងចេញពីកណ្តាប់ដៃក្រុមភេរវករ»។

គួរជម្រាបថា កាលពីថ្ងៃទី២៥ ខែមីនា ប្រធានាធិបតីអាមេរិក លោក ដូណាល់ ត្រាំ បានចុះហត្ថលេខាលើបទបញ្ជាមួយ ដើម្បីទទួលស្គាល់តំបន់ Golan Heights ជារបស់អ៊ីស្រាអែល។ តំបន់ Golan Heights ស្ទើរតែទាំងអស់បានស្ថិតក្រោមការគ្រប់គ្រង របស់អ៊ីស្រាអែល ចាប់តាំងតែពីប្រទេសនេះបានដណ្តើមកាន់កាប់វាពីស៊ីរី ក្នុងអំឡុងសង្រ្គាមរយៈពេល០៦ថ្ងៃជាមួយបណ្តាប្រទេសអារ៉ាប់ជិតខាង កាលពីឆ្នាំ១៩៦៧។

នៅឆ្នាំ១៩៨១ សភាអ៊ីស្រាអែលបានអនុម័តច្បាប់ថ្មីមួយ ដើម្បីចាត់បញ្ជូលតំបន់នេះជាដែនដីពេញសិទ្ធិរបស់ខ្លួន ប៉ុន្តែពុំមានការទទួលស្គាល់ពីអង្គការសហប្រជាជាតិឡើយ។ នៅឆ្នាំ២០១៨ មហាសន្និបាត UN ក៏បានអនុម័តដំណោះស្រាយមួយ ដែលទទូចឲ្យអ៊ីស្រាអែលដកទ័ពចេញពីតំបន់ Golan Heights ជាបន្ទាន់៕

（ប្រភពព័ត៌មាន: FRESH NEWS）

Tags: រដ្ឋមន្រ្តីការបរទេសស៊ីរី ប្រើប្រាស់ កម្លាំង យោធា ដោះស្រាយ តំបន់ Golan Heights អ៊ីស្រាអែល

មតិពីមិត្តអ្នកអាន

ព័ត៌មានថ្មីៗ

សម្ពោធបណ្តាញចំណេះដឹងវៀតណាមនៅប្រទេសនូវែលសេឡង់

យុគសម័យ - បណ្តាញចំណេះដឹងវៀតណាមនៅប្រទេសនូវែលសេឡង់ ត្រូវបានរំពឹងថានឹងភ្ជាប់ទំនាក់ទំនងនិងបញ្ចេញសមត្ថភាពប្រភពធនធានបញ្ញាញាណនៃសហគមន៍ជនជាតិវៀតណាម បង្កើនការភ្ជាប់ទំនាក់ទំនងសហគមន៍ ជម្រុញទំនាក់ទំនងកិច្ចសហប្រតិបត្តិការប្រជាជន ព្រមទាំងរួមចំណែកយ៉ាងសកម្មដល់ការអភិវឌ្ឍរួមនៃប្រទេសវៀតណាមនិងប្រទេសនូវែលសេឡង់។

វៀតណាមកំណត់គោលដៅចូលក្នុងក្រុមមជ្ឈមណ្ឌលហិរញ្ញវត្ថុជំពូកមុខ ៧៥ លើពិភពលោក

យុគសម័យ - លោក Nguyen Van Thang អនុនាយករដ្ឋមន្ត្រីរដ្ឋាភិបាល ប្រធានក្រុមប្រឹក្សាប្រតិបត្តិនៃមជ្ឈមណ្ឌលហិរញ្ញវត្ថុអន្តរជាតិនៅវៀតណាម បានចុះហត្ថលេខាលើសេចក្តីសម្រេចលេខ ០៤/QD-HDDHTTTC នាថ្ងៃទី ២២ ខែកក្កដា ឆ្នាំ ២០២៦ អនុម័តលើផែនការអភិវឌ្ឍន៍មជ្ឈមណ្ឌលនេះរហូតដល់ឆ្នាំ ២០៣៥។

វៀតណាមអំពាវនាវឱ្យមានកិច្ចសហប្រតិបត្តិការអន្តរជាតិក្នុងការគ្រប់គ្រងធនធានធម្មជាតិដើម្បីសន្តិភាព និងសន្តិសុខ

យុគសម័យ - នាថ្ងៃទី ២២ ខែកក្កដា នៅឯទីស្នាក់ការអង្គការសហប្រជាជាតិក្នុងទីក្រុងញូវយ៉ក ក្រុមប្រឹក្សាសន្តិសុខអង្គការសហប្រជាជាតិបានរៀបចំកិច្ចពិភាក្សាដេញដោលបើកទូលាយថ្នាក់ខ្ពស់ ក្រោមប្រធានបទ "ការគ្រប់គ្រងធនធានធម្មជាតិ៖ គ្រឹះស្ថាននៃសន្តិភាព សន្តិសុខ និងភាពរុងរឿង" ក្រោមអធិបតីភាពរបស់លោករដ្ឋមន្ត្រីការបរទេសនៃសាធារណរដ្ឋប្រជាធិបតេយ្យកុងហ្គោ (ប្រទេសធ្វើជាប្រធានក្រុមប្រឹក្សាសន្តិសុខប្រចាំខែកក្កដា ឆ្នាំ ២០២៦)។

ផ្លាស់ប្តូរថ្មីការងារការទូតប្រជាជន រួមចំណែកបង្កើតកម្លាំងសរុបនៃវិស័យការទូតវៀតណាម

យុគសម័យ - ឆ្ពោះទៅកាន់សន្និសីទការទូតលើកទី ៣៣ និងសន្និសីទការបរទេសទូទាំងប្រទេសលើកទី ២២ នាពេលខាងមុខ លោក Ngo Le Van អនុរដ្ឋមន្ត្រីក្រសួងការបរទេស មានអត្ថបទសរសេរអំពីការងារការទូតប្រជាជន៖ "ផ្លាស់ប្តូរថ្មីការងារការទូតប្រជាជន រួមចំណែកបង្កើតកម្លាំងសរុបនៃវិស័យការទូតវៀតណាម"។

វៀតណាមស្នើឱ្យចិនពង្រីកទីផ្សារសម្រាប់កសិផល

យុគសម័យ - នៅឯជំនួបជួបជាមួយរដ្ឋមន្ត្រីការបរទេសចិន លោក Vuong Nghi នាថ្ងៃទី ២២ ខែកក្កដា នៅឯ Manila (ហ្វីលីពីន) រដ្ឋមន្ត្រីការបរទេស លោក Le Hoai Trung បានស្នើឱ្យចិនបន្តពង្រីកទីផ្សារសម្រាប់ទំនិញ ជាពិសេសគឺកសិផលវៀតណាម ទន្ទឹមនឹងនោះបង្កើតលក្ខខណ្ឌដើម្បីឱ្យវៀតណាមធ្វើជាប្រទេសប្រធានបទនៃសកម្មភាព « ចែករំលែកទីផ្សារធំ នាំចេញទៅកាន់ចិន »។