យុគសម័យ - មនុស្សរាប់ពាន់នាក់ក្នុងនោះភាគច្រើនជាភ្ញៀវទេសចរ បានប្រមូលគ្នានៅមហាវិថី Champs Alysees ដើម្បីទស្សនាការដើរក្បួនព្យុះហយាត្រាដ៏ធំមួយនេះដោយមានការចូលរួមរបស់ កងទ័ព៤២៩០នាក់ រថយន្ត២២០គ្រឿង សេះ២៥០ក្បាល យន្តហោះប្រតិកម្មចំនួន៦៤គ្រឿង និងឧទ្ធម្ភាគចក្រ៣០គ្រឿង។
យន្តហោះចម្បាំងហោះលើផ្ទៃមេឃ ការរៀបចំក្បួនព្យុះហយាត្រាដ៏ធំនៅដងវិថី រូបភាពទីក្រុងប៉ារីសអបអរសាទរទិវាឯករាជជាតិថ្ងៃទី១៤ កក្កដារបស់បារាំង។ មនុស្សរាប់ពាន់នាក់ក្នុងនោះភាគច្រើនជាភ្ញៀវទេសចរ បានប្រមូលគ្នានៅមហាវិថី Champs Alysees ដើម្បីទស្សនាការដើរក្បួនព្យុះហយាត្រាដ៏ធំមួយនេះដោយមានការចូលរួមរបស់ កងទ័ព៤២៩០នាក់ រថយន្ត២២០គ្រឿង សេះ២៥០ក្បាល យន្តហោះប្រតិកម្មចំនួន៦៤គ្រឿង និងឧទ្ធម្ភាគចក្រ៣០គ្រឿង។
ចូលរួមក្នុងពិធីអបអរសាទរទិវាបុណ្យឯករាជ្យជាតិបារាំងជាមួយប្រធានាធិបតី Emmanuel Macron មានភ្ញៀវពិសេសពីរនាក់ គឺលោកនាយករដ្ឋមន្ត្រីសិង្ហបុរី លី សៀនឡុង និងរដ្ឋមន្ត្រីការបរទេសជប៉ុន លោក Taro Kono។ ក្នុងពេលជាមួយគ្នានោះ ប្រជាជនបារាំងកំពុងសង្ឃឹមថា ក្តីសប្បាយរីករាយនេះនឹងអូសបន្លាយបន្ថែមច្រើនថ្ងៃទៀត ប្រសិនបើក្រុមជម្រើសជាតិបារាំងយកឈ្នះក្រូអាតក្នុងវគ្គ ផ្តាច់ព្រ័ត្រ FIFA World Cup នៅយប់ថ្ងៃទី១៥កក្កដា៕
（រូបថត៖ thmeythmey.com សរុបព័ត៌មានដោយស្រីពេជ្រ）
មតិពីមិត្តអ្នកអាន