យុគសម័យ - ប្រធានាធិបតីអាមេរិក លោក Donald Trump និងប្រមុខដឹកនាំកំពូលកូរ៉េខាងជើង លោក Kim Jong -un នឹងត្រូវជួបមុខគ្នានៅឯសណ្ឋាគារ Capella ដែលស្ថិតនៅលើកោះ Sentosa នៃប្រទេសសិង្ហបុរី។ នេះបើតាមការឲ្យដឹងពីសេតវិមាន ដកស្រង់ខ្លឹមសារដោយទីភ្នាក់ងារព័ត៌មានចិនស៊ីនហួរ នៅរសៀលថ្ងៃទី០៦ ខែមិថុនា ឆ្នាំ២០១៨។
អ្នកនាំពាក្យសេតវិមានលោកស្រី Sarah Sanders បានបង្ហោះសារលើបណ្តាញសង្គម Twitter ថា «ទីតាំង សម្រាប់កិច្ចប្រជុំកំពូលរវាងលោកប្រធានាធិបតីអាមេរិកលោក Donald Trump និងមេដឹកនាំកូរ៉េខាងជើង លោក Kim Jong –un នឹងត្រូវធ្វើឡើងនៅសណ្ឋាគារ Capella នៅកោះ Sentosa ហើយយើងសូមអរគុណចំពោះម្ចាស់ផ្ទះសិង្ហបុរី សម្រាប់ទទួលរៀបចំយ៉ាងកក់ក្តៅរបស់ពួកគេ»។
គួរបញ្ជាក់ថា បើតាមសេតវិមាន ជំនួបជាប្រវត្តិសាស្រ្តខាងលើកនេះ នឹងប្រព្រឹត្តទៅនាវេលាម៉ោង ០៩៖០០ នាទីព្រឹកថ្ងៃទី១២ ខែមិថុនា សប្តាហ៍ក្រោយនេះនៅសិង្ហបុរី។
（ដោយ ស្រីព្រេជ）
មតិពីមិត្តអ្នកអាន