WHO៖ «អ្វីដែលសំខាន់បំផុតពេលនេះ គឺការស្វែងរកប្រភពដើមធម្មជាតិនៃ COVID-19 និងរបៀបចម្លងរបស់វាមកកាន់មនុស្ស»

16:03 | 02/05/2020 （បូកសរុបដោយឌីណា）

អង្គការសុខភាពពិភពលោក WHO កាលពីថ្ងៃសុក្រសប្តាហ៍នេះ បានបញ្ជាក់សាជាថ្មីម្តងទៀតថា វីរុសកូរ៉ូណាដែលបង្កជាជំងឺផ្លូវដង្ហើមថ្មី COVID-19 គឺ «មានប្រភពដើមពីធម្មជាតិ» មិនមែនជាស្នាដៃមនុស្សបង្កើតឡើងនោះទេ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នាព្រឹកថ្ងៃសៅរ៍ ទី០២ ខែឧសភា ឆ្នាំ២០២០។

លោក ម៉ៃខឺល រីយ៉ាន (Michael Ryan) ដែលជានាយកប្រតិបត្តិ កម្មវិធីសុខភាពបន្ទាន់របស់អង្គការ WHO។ (រូបថត៖ freshnews)

លោក ម៉ៃខឺល រីយ៉ាន (Michael Ryan) ដែលជានាយកប្រតិបត្តិ កម្មវិធីសុខភាពបន្ទាន់របស់អង្គការ WHO បានធ្វើការគូសបញ្ជាក់ខាងលើ នៅក្នុងសន្និសីទសារព័ត៌មានមួយ ចេញពីទីក្រុងហ្សឺណែវកាលពីម្សិលមិញនេះ។ នាឱកាសនោះ លោកបានលើកឡើងថា ក្រុមអ្នកវីទ្យាសាស្ត្រដែលកំពុងសិក្សា និងពិនិត្យមើលលំដាប់ថ្នាក់ហ្សែនរបស់វីរុសនេះ បានធានាម្តងហើយម្តងទៀតថា «វីរុសនេះគឺមានប្រភពដើម ចេញពីធម្មជាតិសុទ្ធសាត»។

វីរុសកូរ៉ូណាប្រភេទថ្មី (CoV) គឺជាវីរុសថ្មីនៃអម្បូរវីរុសកូរ៉ូណា។

ជំងឺដែលបង្កដោយវីរុសកូរ៉ូណាប្រភេទថ្មីនេះ ត្រូវបានគេរកឃើញដំបូងនៅក្នុងទីក្រុងវូហាន ប្រទេសចិន ដែលត្រូវបានគេដាក់ឈ្មោះថា ជំងឺវីរុសកូរ៉ូណាឆ្នាំ២០១៩ (កូវីដ១៩/COVID-19) ដែលពាក្យកាត់ “CO” តំណាងឱ្យពាក្យ corona (កូរ៉ូណា) “VI” តំណាងឱ្យពាក្យ virus (វីរុស) និង “D” តំណាងឱ្យពាក្យ disease (ជំងឺ)។ កាលពីមុន ជំងឺនេះត្រូវបានគេហៅឈ្មោះថា "វីរុសកូរ៉ូណាប្រភេទថ្មីឆ្នាំ២០១៩" ឬ "2019-nCoV"។

វីរុស COVID-19 គឺជាវីរុសថ្មីមួយដែលមានទំនាក់ទំនងទៅនឹងអម្បូរនៃវីរុសដូចគ្នានឹងជម្ងឺរោគសញ្ញាផ្លូវដង្ហើមធ្ងន់ធ្ងរ (SARS) និងប្រភេទជំងឺផ្តាសាយទូទៅមួយចំនួនទៀត។

ជាមួយគ្នានេះ លោកក៏បានបញ្ជាក់ផងដែរថា អ្វីដែលសំខាន់បំផុតនៅពេលនេះ គឺជាការស្វែងរកប្រភពដើមនៃធម្មជាតិនោះថា តើជាអ្វីឲ្យពិតប្រាកដ ហើយតើវីរុសនេះ វាអាចឆ្លងទៅមនុស្សដោយរបៀបណា។ ជុំវិញរឿងនេះ លោក Ryan បានលើកឡើងថា «គោលបំណងនៃការយល់ដឹងទាំងនេះ គឺដើម្បីអាចឲ្យយើងដាក់ចេញនូវវិធានការចាំបាច់ណាមួយ ក្នុងការទប់ស្កាត់កុំឲ្យវាកើតឡើងសារជាថ្មីម្តងទៀត»./.

（បូកសរុបដោយឌីណា）

Tags: WHO COVID-19 មនុស្ស ប្រភពដើម

មតិពីមិត្តអ្នកអាន

ព័ត៌មានថ្មីៗ

សម្ពោធបណ្តាញចំណេះដឹងវៀតណាមនៅប្រទេសនូវែលសេឡង់

យុគសម័យ - បណ្តាញចំណេះដឹងវៀតណាមនៅប្រទេសនូវែលសេឡង់ ត្រូវបានរំពឹងថានឹងភ្ជាប់ទំនាក់ទំនងនិងបញ្ចេញសមត្ថភាពប្រភពធនធានបញ្ញាញាណនៃសហគមន៍ជនជាតិវៀតណាម បង្កើនការភ្ជាប់ទំនាក់ទំនងសហគមន៍ ជម្រុញទំនាក់ទំនងកិច្ចសហប្រតិបត្តិការប្រជាជន ព្រមទាំងរួមចំណែកយ៉ាងសកម្មដល់ការអភិវឌ្ឍរួមនៃប្រទេសវៀតណាមនិងប្រទេសនូវែលសេឡង់។

វៀតណាមកំណត់គោលដៅចូលក្នុងក្រុមមជ្ឈមណ្ឌលហិរញ្ញវត្ថុជំពូកមុខ ៧៥ លើពិភពលោក

យុគសម័យ - លោក Nguyen Van Thang អនុនាយករដ្ឋមន្ត្រីរដ្ឋាភិបាល ប្រធានក្រុមប្រឹក្សាប្រតិបត្តិនៃមជ្ឈមណ្ឌលហិរញ្ញវត្ថុអន្តរជាតិនៅវៀតណាម បានចុះហត្ថលេខាលើសេចក្តីសម្រេចលេខ ០៤/QD-HDDHTTTC នាថ្ងៃទី ២២ ខែកក្កដា ឆ្នាំ ២០២៦ អនុម័តលើផែនការអភិវឌ្ឍន៍មជ្ឈមណ្ឌលនេះរហូតដល់ឆ្នាំ ២០៣៥។

វៀតណាមអំពាវនាវឱ្យមានកិច្ចសហប្រតិបត្តិការអន្តរជាតិក្នុងការគ្រប់គ្រងធនធានធម្មជាតិដើម្បីសន្តិភាព និងសន្តិសុខ

យុគសម័យ - នាថ្ងៃទី ២២ ខែកក្កដា នៅឯទីស្នាក់ការអង្គការសហប្រជាជាតិក្នុងទីក្រុងញូវយ៉ក ក្រុមប្រឹក្សាសន្តិសុខអង្គការសហប្រជាជាតិបានរៀបចំកិច្ចពិភាក្សាដេញដោលបើកទូលាយថ្នាក់ខ្ពស់ ក្រោមប្រធានបទ "ការគ្រប់គ្រងធនធានធម្មជាតិ៖ គ្រឹះស្ថាននៃសន្តិភាព សន្តិសុខ និងភាពរុងរឿង" ក្រោមអធិបតីភាពរបស់លោករដ្ឋមន្ត្រីការបរទេសនៃសាធារណរដ្ឋប្រជាធិបតេយ្យកុងហ្គោ (ប្រទេសធ្វើជាប្រធានក្រុមប្រឹក្សាសន្តិសុខប្រចាំខែកក្កដា ឆ្នាំ ២០២៦)។

ផ្លាស់ប្តូរថ្មីការងារការទូតប្រជាជន រួមចំណែកបង្កើតកម្លាំងសរុបនៃវិស័យការទូតវៀតណាម

យុគសម័យ - ឆ្ពោះទៅកាន់សន្និសីទការទូតលើកទី ៣៣ និងសន្និសីទការបរទេសទូទាំងប្រទេសលើកទី ២២ នាពេលខាងមុខ លោក Ngo Le Van អនុរដ្ឋមន្ត្រីក្រសួងការបរទេស មានអត្ថបទសរសេរអំពីការងារការទូតប្រជាជន៖ "ផ្លាស់ប្តូរថ្មីការងារការទូតប្រជាជន រួមចំណែកបង្កើតកម្លាំងសរុបនៃវិស័យការទូតវៀតណាម"។

វៀតណាមស្នើឱ្យចិនពង្រីកទីផ្សារសម្រាប់កសិផល

យុគសម័យ - នៅឯជំនួបជួបជាមួយរដ្ឋមន្ត្រីការបរទេសចិន លោក Vuong Nghi នាថ្ងៃទី ២២ ខែកក្កដា នៅឯ Manila (ហ្វីលីពីន) រដ្ឋមន្ត្រីការបរទេស លោក Le Hoai Trung បានស្នើឱ្យចិនបន្តពង្រីកទីផ្សារសម្រាប់ទំនិញ ជាពិសេសគឺកសិផលវៀតណាម ទន្ទឹមនឹងនោះបង្កើតលក្ខខណ្ឌដើម្បីឱ្យវៀតណាមធ្វើជាប្រទេសប្រធានបទនៃសកម្មភាព « ចែករំលែកទីផ្សារធំ នាំចេញទៅកាន់ចិន »។