ឥណ្ឌូណេស៊ីបានបន្តរកឃើញនាវាចិនបានរំលោភបំពានលើតំបន់សេដ្ឋកិច្ចផ្តាច់មុខ

16:16 | 13/01/2020 （បកប្រែដោយ ហេង វុធ្ធី）

យុគសម័យ - បណ្តានាវាកងទ័ពជើងទឹកឥណ្ឌូនេស៊ីបានបន្តរកឃើញមាននាវានេសាទនិងនាវាឆ្មាំសមុទ្រ ចិនជាច្រើនគ្រឿងបានរំលោភបំពានលើតំបន់សេដ្ឋកិច្ចផ្តាច់មុខរបស់ឥណ្ឌូនេស៊ី (EEZ) នៅតំបន់សមុទ្រណាទូណា (Natuna)។

ឥណ្ឌូណេស៊ីបានបន្តរកឃើញនាវាចិនបានរំលោភបំពានលើតំបន់សេដ្ឋកិច្ចផ្តាច់មុខ (រូបថត៖ Vietnamplus.vn)

យោងតាមទីភ្នាក់សារព័ត៌មានវៀតណាមប្រចាំនៅទីក្រុងក្រុងហ្សាការតា (ឥណ្ឌូនេស៊ី)កាលពីថ្ងៃទី ១២ ខែមករាបានឲ្យដឹងថានាវាកងទ័ពជើងទឹករបស់ឥណ្ឌូនេស៊ី បានបន្តរកឃើញមាននាវានេសាទនិងនាវាឆ្មាំសមុទ្រ ចិនជាច្រើនគ្រឿង បានរំលោភបំពានលើតំបន់សេដ្ឋកិច្ចផ្តាច់មុខរបស់ឥណ្ឌូនេស៊ី (EEZ) នៅតំបន់សមុទ្រណាទូណា (Natuna)។

ការរំលោភបំពានអធិបតេយ្យភាពនេះបានប្រព្រឹត្តទៅក្នុងរយៈពេល ៤ ថ្ងៃបន្ទាប់ពីដំណើរទស្សនកិច្ចពិនិត្យមើលរបស់ប្រធានាធិបតីឥណ្ឌូនេស៊ី លោក Joko Widodo នៅស្រុកណាទូណាចំណុះប្រជុំកោះ Riau កាលពីថ្ងៃទី ៨ ខែមករា។

យោងតាមមេបញ្ជាការនៃបញ្ជាការតំបន់ការពារចម្រុះលេខ ១ លោកឧត្តមនាវាត្រី Rear Adm Margono បានឲ្យដឹងថានាវាឆ្មាំសមុទ្រចិនចំនួន ៦ គ្រឿងនិងនាវាឃ្លាំមើលចិនមួយគ្រឿងទៀត ត្រូវបានរកឃើញអមដំណើរនាវានេសាទចិនបានធ្វើនេសាទដោយខុសច្បាប់នៅក្នុងតំបន់ EEZ នៃឥណ្ឌូនេស៊ី។

នៅក្នុងសេចក្តីប្រកាសព័ត៌មានមួយ បន្ទាប់ពីដំណើរទស្សនកិច្ចពិនិត្យមើលនេះ ដោយយន្តហោះឈ្លបយកការណ៍នៃកងទ័ពជើងអាកាសឥណ្ឌូណេស៊ីលោកឧត្តមនាវាត្រី Rear Adm Margono បានសង្កត់ធ្ងន់ថា ប្រសិនបើនាវានេសាទចិននៅតែបន្តរំលោភបំពានលើតំបន់ EEZ របស់ឥណ្ឌូណេស៊ី នោះអាជ្ញាធរមានសមត្ថកិច្ចឥណ្ឌូនេស៊ី នឹងចាប់ខ្លួននាវាទាំងនេះ ហើយរៀបចំសំណុំរឿងនិងបញ្ជូនទៅកាត់ទោសនៅតុលាការតែម្តង។ លោកឧត្តមនាវាត្រី Rear Adm Margono បានឲ្យដឹងថា ប្រធានាធិបតីឥណ្ឌូនេស៊ី លោក Joko Widodo បានបញ្ជាឱ្យស្ថាប័នមានសមត្ថកិច្ចឥណ្ឌូនេស៊ីមានសកម្មភាពយ៉ាងខ្លាំងក្លាចំពោះអំពើរទាំងនេះ៕

（បកប្រែដោយ ហេង វុធ្ធី）

Tags: ឥណ្ឌូណេស៊ី នាវាចិន តំបន់សេដ្ឋកិច្ចផ្តាច់មុខ EEZ

មតិពីមិត្តអ្នកអាន

ព័ត៌មានថ្មីៗ

សំណុំឯកសារជាង ៥០ បើកបន្ថែមតម្រុយស្វែងរកព្រមទាំងកំណត់អត្តសញ្ញាណយុទ្ធជនពលី

យុគសម័យ - សំណុំឯកសារដោះស្រាយកូដសម្ងាត់អង្គភាព ៩៦២ ផ្លង់ដីកន្លែងបញ្ចុះសពយុទ្ធជនពលីចំនួន ២១ រូបនៅឯមន្ទីរពេទ្យ K76A T7 យោធភូមិភាគ ៧ សំណុំឯកសារព្រមទាំងវត្ថុអនុស្សាវរីយ៍ពាក់ព័ន្ធនិងសមរភូមិភាគអាគ្នេយ៍ដំណាក់កាល ១៩៦៦-១៩៧២... ទើបតែត្រូវបានគម្រោង "គំនិតផ្តួចផ្តើមស្វែងរកជនជាតិវៀតណាមបាត់ខ្លួននៅក្នុងសង្គ្រាម" VWAI ប្រគល់ជូនស្ថាប័នសមត្ថកិច្ចវៀតណាម បម្រើឱ្យការកំណត់តំបន់ទីតាំងផ្នូរ ស្វែងរកសាច់ញាតិព្រមទាំងប្រៀបធៀប ADN នៅក្នុងយុទ្ធនាការ ៥០០ ថ្ងៃយប់។

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។