ផ្ទុះគ្រាប់បែកនៅទីក្រុងបាងកក ចំពេលថៃធ្វើជាម្ចាស់ផ្ទះរៀបចំកិច្ចប្រជុំកំពូលអន្តរជាតិ

13:23 | 02/08/2019 （សរុបព័ត៌មាន ដោយ ស្រីព្រេជ）

យុគសម័យ - ហេតុការណ៍ផ្ទុះមួយចំនួនបានលឺសូរឡើងក្នុងទីក្រុងបាងកក នៅទីតាំងយ៉ាងហោចណាស់ចំនួន ៣ កន្លែង នាព្រឹកថ្ងៃទី២ សីហានេះតែម្តង។ ព័ត៌មានដំបូងបានផ្សព្វផ្សាយថា មានអ្នករងបួសនៅកុងហេតុការណ៍នេះ។

កន្លែងកើតហេតុ (រូបថតៈ Bangkok Post )

ហេតុការណ៍ផ្ទុះជាបន្តបន្ទាប់នាព្រឹកថ្ងៃទី ២ ខែសីហានេះ ក្នុងទីក្រុងបាងកកនៃប្រទេសថៃ បានកើតឡើងនៅទីតាំងរួមមាន មុខអគារមជ្ឈមណ្ឌលរដ្ឋាភិបាល ឈាងវឌ្ឍនា (Chaeng Watthana Government Complex) ក្នុងសង្កាត់ឡាក់ស៊ី (Lak Si), នៅស្ថានីយរថភ្លើងផ្លូវអាកាស ឆុងណុនស៊ី BTS (Chong Nonsi BTS), នៅមុខអគារខ្ពស់មហានគរ (King Power Mahanakhon), និងនៅលើផ្លូវរាមាទី ៩ (Rama 9)។

រូបថត៖ RT

បើតាមអ្នកនាំពាក្យរដ្ឋាភិបាលថៃ លោកស្រី Narumon Pinyosinwat ក្រោយពីបានទទួលដំណឹងនេះ នាយករដ្ឋមន្រ្តីថៃលោក Prayut Chan O-cha បានបញ្ជាឲ្យមានការស៊ើបអង្កេតជាបន្ទាន់ ខណៈចំណាត់ការសន្តិសុខត្រូវបានរឹងបន្តឹង ហើយលោកស្រីបានទទូចកុំឲ្យសាធារណជនមានការភ័យស្លន់ស្លោ។ ហេតុការណ៍ទាំងនេះ បានបណ្តាលឲ្យមនុស្សពីរនាក់រងរបួស ហើយទំនងជាបង្កឡើងដោយគ្រាប់បែកច្នៃ ខណៈមិនមានអ្នកបាត់បង់ជីវិតឡើយ។

កន្លែងកើតហេតុ

គួរជម្រាបថា ទីក្រុងបាងកកកំពុងធ្វើជាម្ចាស់ផ្ទះនៃកិច្ចប្រជុំរដ្ឋមន្រ្តីការបរទេសអាស៊ានលើកទី ៥២ (AMM-52) និងកិច្ចប្រជុំពាក់ព័ន្ធនានា ដូចជាវេទិកាតំបន់អាស៊ាន (ARF), កិច្ចប្រជុំរដ្ឋមន្ត្រីការបរទេសអាស៊ាន+៣ (APT) និងកិច្ចប្រជុំកំពូលថ្នាក់រដ្ឋមន្ត្រីអាស៊ីបូព៌ា (EAS) ដោយមានការចូលរួមពីមន្រ្តីជាន់ខ្ពស់អាស៊ានជាច្រើនក៏ដូចជាសហរដ្ឋអាមេរិក ចិននិងរុស្ស៊ីផងដែរ។

（សរុបព័ត៌មាន ដោយ ស្រីព្រេជ）

Tags: ករណី បំផ្ទុះគ្រាប់បែក ទីក្រុងបាងកក កើតមានឡើង នៅ៥ទីតាំង កន្លែងទីប្រជុំជន

មតិពីមិត្តអ្នកអាន

ព័ត៌មានថ្មីៗ

សម្ពោធបណ្តាញចំណេះដឹងវៀតណាមនៅប្រទេសនូវែលសេឡង់

យុគសម័យ - បណ្តាញចំណេះដឹងវៀតណាមនៅប្រទេសនូវែលសេឡង់ ត្រូវបានរំពឹងថានឹងភ្ជាប់ទំនាក់ទំនងនិងបញ្ចេញសមត្ថភាពប្រភពធនធានបញ្ញាញាណនៃសហគមន៍ជនជាតិវៀតណាម បង្កើនការភ្ជាប់ទំនាក់ទំនងសហគមន៍ ជម្រុញទំនាក់ទំនងកិច្ចសហប្រតិបត្តិការប្រជាជន ព្រមទាំងរួមចំណែកយ៉ាងសកម្មដល់ការអភិវឌ្ឍរួមនៃប្រទេសវៀតណាមនិងប្រទេសនូវែលសេឡង់។

វៀតណាមកំណត់គោលដៅចូលក្នុងក្រុមមជ្ឈមណ្ឌលហិរញ្ញវត្ថុជំពូកមុខ ៧៥ លើពិភពលោក

យុគសម័យ - លោក Nguyen Van Thang អនុនាយករដ្ឋមន្ត្រីរដ្ឋាភិបាល ប្រធានក្រុមប្រឹក្សាប្រតិបត្តិនៃមជ្ឈមណ្ឌលហិរញ្ញវត្ថុអន្តរជាតិនៅវៀតណាម បានចុះហត្ថលេខាលើសេចក្តីសម្រេចលេខ ០៤/QD-HDDHTTTC នាថ្ងៃទី ២២ ខែកក្កដា ឆ្នាំ ២០២៦ អនុម័តលើផែនការអភិវឌ្ឍន៍មជ្ឈមណ្ឌលនេះរហូតដល់ឆ្នាំ ២០៣៥។

វៀតណាមអំពាវនាវឱ្យមានកិច្ចសហប្រតិបត្តិការអន្តរជាតិក្នុងការគ្រប់គ្រងធនធានធម្មជាតិដើម្បីសន្តិភាព និងសន្តិសុខ

យុគសម័យ - នាថ្ងៃទី ២២ ខែកក្កដា នៅឯទីស្នាក់ការអង្គការសហប្រជាជាតិក្នុងទីក្រុងញូវយ៉ក ក្រុមប្រឹក្សាសន្តិសុខអង្គការសហប្រជាជាតិបានរៀបចំកិច្ចពិភាក្សាដេញដោលបើកទូលាយថ្នាក់ខ្ពស់ ក្រោមប្រធានបទ "ការគ្រប់គ្រងធនធានធម្មជាតិ៖ គ្រឹះស្ថាននៃសន្តិភាព សន្តិសុខ និងភាពរុងរឿង" ក្រោមអធិបតីភាពរបស់លោករដ្ឋមន្ត្រីការបរទេសនៃសាធារណរដ្ឋប្រជាធិបតេយ្យកុងហ្គោ (ប្រទេសធ្វើជាប្រធានក្រុមប្រឹក្សាសន្តិសុខប្រចាំខែកក្កដា ឆ្នាំ ២០២៦)។

ផ្លាស់ប្តូរថ្មីការងារការទូតប្រជាជន រួមចំណែកបង្កើតកម្លាំងសរុបនៃវិស័យការទូតវៀតណាម

យុគសម័យ - ឆ្ពោះទៅកាន់សន្និសីទការទូតលើកទី ៣៣ និងសន្និសីទការបរទេសទូទាំងប្រទេសលើកទី ២២ នាពេលខាងមុខ លោក Ngo Le Van អនុរដ្ឋមន្ត្រីក្រសួងការបរទេស មានអត្ថបទសរសេរអំពីការងារការទូតប្រជាជន៖ "ផ្លាស់ប្តូរថ្មីការងារការទូតប្រជាជន រួមចំណែកបង្កើតកម្លាំងសរុបនៃវិស័យការទូតវៀតណាម"។

វៀតណាមស្នើឱ្យចិនពង្រីកទីផ្សារសម្រាប់កសិផល

យុគសម័យ - នៅឯជំនួបជួបជាមួយរដ្ឋមន្ត្រីការបរទេសចិន លោក Vuong Nghi នាថ្ងៃទី ២២ ខែកក្កដា នៅឯ Manila (ហ្វីលីពីន) រដ្ឋមន្ត្រីការបរទេស លោក Le Hoai Trung បានស្នើឱ្យចិនបន្តពង្រីកទីផ្សារសម្រាប់ទំនិញ ជាពិសេសគឺកសិផលវៀតណាម ទន្ទឹមនឹងនោះបង្កើតលក្ខខណ្ឌដើម្បីឱ្យវៀតណាមធ្វើជាប្រទេសប្រធានបទនៃសកម្មភាព « ចែករំលែកទីផ្សារធំ នាំចេញទៅកាន់ចិន »។