ពង្រឹងទំនាក់ទំនងទ្វេភាគីរវាងវេណេហ្ស៊ុយអេឡា និងវៀតណាម

ពង្រឹងទំនាក់ទំនងទ្វេភាគីរវាងវេណេហ្ស៊ុយអេឡា និងវៀតណាម

ក្នុងដំណើរទស្សនកិច្ចនេះ គណៈប្រតិភូបានជួបប្រជុំ និងធ្វើការជាមួយថ្នាក់ដឹកនាំរដ្ឋាភិបាលវេណេស៊ុយអេឡា និងថ្នាក់ដឹកនាំជាន់ខ្ពស់នៃគណបក្ស PSUV; បានជួប និងផ្លាស់ប្តូរយោបល់ជាមួយថ្នាក់ដឹកនាំនៃក្រសួង ស្ថាប័ន និងខេត្តក្រុងមួយចំនួនរបស់វេណេហ្ស៊ុយអេឡា ដើម្បីជំរុញកិច្ចសហប្រតិបត្តិការលើវិស័យដែលមានផលប្រយោជន៍ទៅវិញទៅមក។ ក្នុងជំនួបពិភាក្សាការងារ លោក Nguyen Duc Dung បានអះអាងថា ទំនាក់ទំនងវៀតណាម-វ៉េណេស៊ុយអេឡាកំពុងអភិវឌ្ឍន៍ និងល្អប្រសើរ ហើយភាគីទាំងពីរកំពុងបន្តជំរុញកិច្ចសហប្រតិបត្តិការលើវិស័យជាច្រើន ជាពិសេសក្នុងវិស័យនយោបាយ តាមរយៈការផ្លាស់ប្តូរគណៈប្រតិភូគ្រប់ជាន់ថ្នាក់ និងរវាងមូលដ្ឋាននានានៃប្រទេសទាំងពីរ ក៏ដូចជាសកម្មភាពផ្លាស់ប្តូរបទពិសោធន៍លើការងារកសាងបក្ស។

ទទួលជួបគណៈប្រតិភូ លោក Diosdado Cabello អនុប្រធានទីមួយនៃគណបក្ស PSUV អនុប្រធានាធិបតីវេណេហ្ស៊ុយអេឡា បានជឿជាក់ថា ដំណើរទស្សនកិច្ចរបស់គណៈប្រតិភូ ក៏ដូចជាសកម្មភាពផ្លាស់ប្តូរគណៈប្រតិភូរវាងគណបក្ស​ទាំង​ពីរ និងប្រទេសទាំងពីរ នាពេលថ្មីៗនេះ នឹងរួមចំណែកពង្រឹងទំនាក់ទំនងទ្វេភាគីឲ្យកាន់តែស៊ីជម្រៅថែមទៀត និងភាពជាដៃគូគ្រប់ជ្រុងជ្រោយរវាងវេណេហ្ស៊ុយអេឡា និងវៀតណាម។ ដោយសង្កត់ធ្ងន់ថា វៀតណាមនឹងបន្តធ្វើជាគំរូដើម្បីវេណេហ្ស៊ុយអេឡា និង PSUV ធ្វើតាមនោះ លោក Cabello បានបញ្ជាក់ថា វេណេហ្ស៊ុយអេឡា តែងតែឲ្យតម្លៃលើទំនាក់ទំនងប្រពៃណីល្អ និងភាពជាដៃគូលើគ្រប់ជ្រុងជ្រោយជាមួយវៀតណាម ហើយសង្សឹម​ថា ក្នុងនាមជាគណបក្សកាន់អំណាចទាំងពីរ PSUV និងបក្សកុម្មុយនិស្តវៀតណាមបន្តជំរុញការផ្លាស់ប្តូរគណៈប្រតិភូគ្រប់ជាន់ថ្នាក់ ក៏ដូចជាបង្កើនការផ្លាស់ប្តូរគណៈប្រតិភូរវាងមូលដ្ឋាននានានៃប្រទេសទាំងពីរ។

ក្នុងជំនួបពិភាក្សា និងការងារជាមួយគណៈប្រតិភូ លោក Carmen Meléndez អភិបាលក្រុង Caracas បានអះអាងថា ទំនាក់ទំនងរវាងមូលដ្ឋាននៃប្រទេសទាំងពីរនៅតែមានឱកាសអភិវឌ្ឍន៍ច្រើន ដោយសង្កត់ធ្ងន់ថា ភាគីទាំងពីរត្រូវបន្តជំរុញសកម្មភាពផ្លាស់ប្តូរ និងចែករំលែកបទពិសោធន៍លើវិស័យដែលមានផលប្រយោជន៍ទៅវិញទៅមក ដូចជាកិច្ចសហប្រតិបត្តិការលើវិស័យកសិកម្ម ការគ្រប់គ្រងទីក្រុង ការកសាងរដ្ឋាភិបាលក្នុងតំបន់ និងការបណ្តុះបណ្តាលបុគ្គលិក។

ក្នុងក្របខ័ណ្ឌនៃសកម្មភាពនៅវេណេហ្ស៊ុយអេឡា គណៈប្រតិភូបានចូលរួមពិធីសម្ពោធរូបសំណាកវីរៈបុរស Nguyen Van Troi និងប្រគល់បន្ទប់កុំព្យូទ័រតម្លៃ ២១០០ USD នៅសាលា Graciela Navas Tovar; ទស្សនកិច្ចនៅស្ថានទូតវៀតណាមប្រចាំនៅវេណេស៊ុយអេឡា។

ជំរុញកិច្ចសហប្រតិបត្តិការយ៉ាងទូលំទូលាយរវាងបណ្ដាមូលដ្ឋានអាល្លឺម៉ង់ និងវៀតណាម អភិបាលក្រុង Leipzig លោក Burkhard Jung បានឲ្យដឹងថា អាជ្ញាធរទីក្រុង Leipzig យកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការជាមួយទីក្រុងហូជីមិញនិយាយដោយឡែក និងជាមួយវៀតណាមនិយាយរួម។

ទីផ្សារនាំចេញចេករបស់ប្រទេសហ្វីលីពីនទៅកាន់ប្រទេសចិនត្រូវបានជំនួសដោយប្រទេសកម្ពុជា និងវៀតណាម ប្រទេសហ្វីលីពីនដែលជាប្រភពនាំចូលចេកដ៏ធំមួយក្នុងប្រទេសចិនត្រូវបានជំនួសដោយប្រទេសកម្ពុជានិងវៀតណាម។ នេះបើយោងតាមរបាយការណ៍នៅក្នុងសារព័ត៌មានមួយរបស់ប្រទេសហ្វីលីពីន។

ហេង វុធ្ធី