កម្ពុជាសម្រេចជោគជ័យ និងបញ្ចប់ជាស្ថាពរលើការងារបោះបង្គោលព្រំដែនរវាងខេត្តព្រៃវែង និងខេត្តទាំងបីនៃប្រទេសវៀតណាម ដែលមានបន្ទាត់ព្រំដែនប្រវែង ៨៤,២គីឡូម៉ែត្រ ស្មើនឹង១៩៦បង្គោល និងច្រកទ្វារព្រំដែនចំនួន៦ ដើម្បីប្រែក្លាយទៅជាព្រំដែនសន្តិភាព និងពង្រឹងកិច្ចសហប្រតិបត្តិការទ្វេភាគី។
 |
| កម្ពុជាជោគជ័យលើការងារបោះបង្គោលព្រំដែនរវាងខេត្តព្រៃវែង និងខេត្តទាំងបីក្នុងប្រទេសវៀតណាម |
ក្នុងកម្មវិធីសិក្ខាសាលាផ្សព្វផ្សាយស្តីពី កិច្ចការព្រំដែនកម្ពុជា នៅសាលាខេត្តព្រៃវែង កាលពីថ្ងៃចន្ទ លោក សួន សុម៉ាលីន អភិបាលខេត្តព្រៃវែង បញ្ជាក់ថា ព្រំដែនរវាងខេត្តព្រៃវែង និងខេត្តទាំងបីនៃប្រទេសវៀតណាម ក្នុងចំណោម១៩៦បង្គោល គឺមានបង្គោលខ្នាតធំចំនួន ២២បង្គោល។
លោកបន្ថែមថា ក្នុងចំណោមបង្គោលខ្នាតធំទាំង ២២បង្គោល គឺមានខាងកម្ពុជា ចំនួន ៧បង្គោល ខាងវៀតណាម ៧បង្គោល និងបង្គោលរួមចំនួន ៨បង្គោល ដែលស្មើនឹង១៣ទីតាំង។
លោកបន្តថា ចំពោះបង្គោលបំពេញបន្ថែមមានចំនួន ១៤៤បង្គោល ក្នុងនោះខាងកម្ពុជាមាន ៦៥បង្គោល និងខាងវៀតណាមមាន ៦៨បង្គោល និងបង្គោលរួមមាន ១១បង្គោល ដែលស្មើនឹង ៧០ទីតាំង។ ដោយឡែកបង្គោលតម្រុយព្រំដែនមានចំនួន ៣០បង្គោល ស្មើនឹង ៣០ទីតាំង។
លោកបន្ថែមថា ការងារគ្រប់គ្រងព្រំដែនក្នុងខេត្តព្រៃវែង គឺមានស្រុកចំនួន៤ ឃុំចំនួន៨ និងភូមិ១៧ ដែលជាប់ព្រំដែនជាមួយវៀតណាម ដោយមានបន្ទាត់ព្រំដែនប្រវែងសរុប ៨៤,២គីឡូម៉ែត្រ និងមានច្រកទ្វារព្រំដែនចំនួន៦ ។
លោកបន្តថា ច្រកទ្វារព្រំដែនទាំង៦ រួមមានច្រកទ្វារព្រំដែនអន្តរជាតិបន្ទាយចក្រី ច្រកទ្វារព្រំដែនអន្តរជាតិកោះរកា ច្រកទ្វារព្រំដែនអន្តរជាតិម៉ឺនជ័យ ច្រកទ្វារព្រំដែនទ្វេភាគីកោះសំពៅ ច្រកទ្វារតំបន់ព្រំដែនពាមមន្ទារ និងច្រកទ្វារតំបន់ព្រំដែនស្វាយអាង៉ោង។
លោក សួន សុម៉ាលីន បញ្ជាក់ថា ចំពោះកិច្ចសហប្រតិបត្តិការរវាងខេត្តព្រៃវែង និងបណ្តាខេត្តរបស់វៀតណាម កងកម្លាំងការពារព្រំដែនទាំងពីរតែងផ្លាស់ប្តូរព័ត៌មានជាប្រចាំ ហើយបានផ្តល់កិច្ចសហការត្រួតពិនិត្យសកម្មភាពតាមព្រំដែន និងចុះល្បាតការពារសន្តិសុខ សណ្តាប់ធ្នាប់ក្នុងតំបន់ព្រំដែន និងការពារខ្សែបន្ទាត់បង្គោលព្រំដែនបានយ៉ាងល្អ និងមានភាពល្អប្រសើរ។
អភិបាលខេត្តអះអាងថា អាជ្ញាធរកម្ពុជា-វៀតណាម បានសហការដោះស្រាយបញ្ហាផ្សេងៗនៅតាមតំបន់ព្រំដែនបានយ៉ាងល្អ ជាពិសេសលើការងារប្រយុទ្ធប្រឆាំង ទប់ស្កាត់ និងកាត់បន្ថយបទល្មើសគ្រប់ប្រភេទ និងបន្តពង្រឹងការងារផ្សព្វផ្សាយចលនាប្រជាជនព្រំដែន ដើម្បីលើកកម្ពស់ការយល់ដឹង និងអនុវត្តឱ្យបានត្រឹមត្រូវតាមការកំណត់ដែលមានចែងក្នុងសន្ធិសញ្ញា អនុសញ្ញា កិច្ចព្រមព្រៀង និងបទប្បញ្ញត្តិនានារវាងរដ្ឋាភិបាលប្រទេសទាំងពីរ៕
 ដំណើរទស្សនកិច្ចថ្នាក់ជាន់ខ្ពស់ពង្រឹងចំណងសាមគ្គីភាព និងមិត្តភាពរវាងវៀតណាម និងកម្ពុជា យុគសម័យ - វៀតណាម និងកម្ពុជា គឺជាប្រទេសជិតខាងទាំងពីរ ដែលតភ្ជាប់គ្នាដោយទំនាក់ទំនងប្រពៃណីដ៏យូរអង្វែង ដែលត្រូវបានចិញ្ចឹមបីបាច់យ៉ាងខ្ជាប់ខ្ជួនដោយមនុស្សជំនាន់ក្រោយ និងមេដឹកនាំនៃប្រទេសទាំងពីរ។ ដោយផ្អែកលើប្រវត្តិសាស្ត្រនៃសាមគ្គីភាព និងកិច្ចសហប្រតិបត្តិការលើគ្រប់ជ្រុងជ្រោយ ដំណើរទស្សនកិច្ចថ្នាក់ខ្ពស់រវាងមេដឹកនាំនៃប្រទេសទាំងពីរមិនត្រឹមតែធ្វើឱ្យចំណងសាមគ្គីភាពស៊ីជម្រៅប៉ុណ្ណោះទេ ថែមទាំងផ្តល់នូវទិសដៅយុទ្ធសាស្ត្រសម្រាប់ការអភិវឌ្ឍន៍គ្រប់ជ្រុងជ្រោយក្នុងទំនាក់ទំនងទ្វេភាគីផងដែរ។ |
 លើកកំពស់ប្រសិទ្ធភាពនៃសកម្មភាពផ្លាស់ប្តូរប្រជាជននៃប្រទេសទាំងបី វៀតណាម - ឡាវ - កម្ពុជា តាមរយៈការផ្លាស់ប្តូរកីឡា យុគសម័យ - ការប្រកួតកីឡាបានបង្កើតកន្លែងលេងកីឡាប្រកបដោយសុខភាពល្អ និងគួរឱ្យរំភើបចិត្តសម្រាប់ប្រជាជននៃប្រទេសទាំងបី វៀតណាម-ឡាវ-កម្ពុជា ដើម្បីប្រាស្រ័យទាក់ទងនិងពង្រឹងសាមគ្គីភាព។ |
មតិពីមិត្តអ្នកអាន