អង្គការអន្តរជាតិសម្រាប់ការបណ្តុះបណ្តាលការទូត៖ វៀតណាមស្ថិតក្នុងជម្រើសកំពូលនៃគោលដៅសុវត្ថិភាពបំផុតទាំង ១០ នៅអាស៊ី

វៀតណាមស្ថិតក្នុងជម្រើសកំពូលនៃគោលដៅសុវត្ថិភាពបំផុតទាំង ១០ នៅអាស៊ី

Best Diplomats ដែលជាអង្គការអន្តរជាតិសម្រាប់ការបណ្តុះបណ្តាលការទូត ដែលមានទីស្នាក់ការនៅទីក្រុងញូវយ៉ក សហរដ្ឋអាមេរិក ទើបតែបានប្រកាសបញ្ជី ឈ្មោះគោលដៅដែលមានសុវត្ថិភាពបំផុតទាំង ១០ ក្នុងតំបន់អាស៊ី ដែលក្នុងនោះ ប្រទេសវៀតណាមជាប់ចំណាត់ថ្នាក់លេខ ៨។ បញ្ជីតាមលំដាប់រួមមាន៖ សិង្ហបុរី ជប៉ុន ប៊ូតាន ម៉ាឡេស៊ី កាតា តៃវ៉ាន់ គុយវ៉ែត វៀតណាម កូរ៉េខាងត្បូង និងម៉ុងហ្គោលី។ សម្រាប់ប្រទេសវៀតណាម Best Diplomats បានធ្វើអត្ថាធិប្បាយថា មានទេសភាពដ៏ ស្រស់បំព្រង វប្បធម៌សម្បូរបែប និងម្ហូបអាហារដ៏ល្អឥតខ្ចោះ។ លើសពីនេះ វៀតណាម មានអត្រាបទល្មើសទាប និងពិន្ទុ សុវត្ថិភាពខ្ពស់... ដែលនឹងក្លាយជាគោលដៅដ៏ល្អឥត ខ្ចោះសម្រាប់ភ្ញៀវទេសចរ។

Best Diplomats ចាត់ទុកថា គោលដៅទេសចរណ៍មួយដែលមានសុវត្ថិភាព និងល្បីល្បាញបំផុតក្នុងប្រទេសវៀតណាមគឺ ឈូងសមុទ្រ Ha Long ជាតំបន់បេតិក ភណ្ឌពិភពលោកដែលត្រូវបានទទួលស្គាល់ដោយអង្គការវិទ្យាសាស្ត្រ អប់រំ និងវប្បធម៌ របស់អង្គការសហប្រជាជាតិ (UNESCO) ដែលល្បីល្បាញដោយសារកោះថ្មកំបោរ និងទឹកពណ៌ខៀវថ្លាដូចត្បូងអញ្ចឹង។ ឈូងសមុទ្រនេះគឺជាគោលដៅដ៏ពេញនិយម សម្រាប់ការធ្វើដំណើរកម្សាន្តនៅសមុទ្រ និងការចែវទូកកាយ៉ាក។ គោលដៅសុវត្ថិភាព មួយទៀតនៅវៀតណាមគឺ Hoi An (ខេត្ត Quang Nam) ដែលជាទីក្រុងបុរាណដ៏ល្បី ល្បាញដោយស្ថាបត្យកម្ម ចង្កៀងគោមចម្រុះពណ៌ និងម្ហូបអាហារដ៏ទាក់ទាញ។ ទីក្រុង បុរាណ គឺជាកន្លែងដែលមានសុវត្ថិភាព និងងាយស្រួលសម្រាប់ការរុករកដោយ ថ្មើរជើង។ ទីបំផុត រដ្ឋធានីហាណូយរបស់វៀតណាមក៏ត្រូវបានចាត់ទុកថាជាគោលដៅ ពេញនិយមសម្រាប់ភ្ញៀវទេសចរផងដែរ៕

ទីក្រុងហាណូយ និងទីក្រុងហូយអានចូលក្នុងចំណោមបទពិសោធន៍គួរឱ្យចាប់អារម្មណ៍បំផុតទាំង ២៥ នៅអាស៊ី យុគសម័យ - TripAdvisor បានបោះឆ្នោតជ្រើសរើសបទពិសោធន៍គួរឱ្យចាប់អារម្មណ៍បំផុតចំនួន ២៥ នៅអាស៊ីឆ្នាំ ២០២២ រួមទាំងការរុករកទីក្រុងហាណូយ និងទីក្រុងហូយអាន (Hoi An) នៅវៀតណាមផងដែរ។

ទីក្រុងហាណូយ និង ដាណាំង នៅអាស៊ី ២០២២ ដែលនិយមចូលចិត្តជាងគេបំផុត។ យុកសម័យ - នៅក្នុងបញ្ជីរបស់ TripAdvisor នៃ ២៥ ទីតាំងពេញនិយមបំផុតនៅអាស៊ី ទីក្រុងហាណូយជាប់ចំណាត់ថ្នាក់ទី ១៣ ទីក្រុង Da Nang ទី ២១ ។

យោងតាមវិទ្យុសំលេងវៀតណាម