កងកម្លាំងរក្សាសន្តិភាពវៀតណាមទទួលបានមេដាយអង្គការសហប្រជាជាតិ

ឧត្តមសេនីយទោ Pham Truong Son ប្រគល់មេដាយសម្រាប់បុព្វហេតុថែរក្សាសន្តិភាពរបស់អង្គការសហប្រជាជាតិ ដល់ក្រុមវិស្វកម្ម លេខ ២ និងក្រុមការងារ នៅបេសកកម្ម UNISFA។

នៅក្នុងពិធីនេះ ឧត្តមសេនីយត្រីបម្រុង Ameer Muhammad Umrani អគ្គមេបញ្ជាការស្តីទី និងជាមេបញ្ជាការបេសកកម្ម UNISFA បានអះអាងថា ក្រុមវិស្វកម្មលេខ ២ របស់វៀតណាមបានដើរតួនាទីយ៉ាងសំខាន់ក្នុងការរក្សាសន្តិភាព និងស្ថិរភាពក្នុងតំបន់។ រាល់ការខិតខំប្រឹងប្រែងមិនចេះនឿយហត់របស់ពួកគេមិនត្រឹមតែរួមចំណែកដល់ការកសាង និងថែរក្សាហេដ្ឋារចនាសម្ព័ន្ធសំខាន់ៗប៉ុណ្ណោះទេ ប៉ុន្តែថែមទាំងនាំមកនូវក្តីសង្ឃឹមដល់សហគមន៍មូលដ្ឋានផងដែរ។

នៅថ្ងៃដដែលនោះ គណៈប្រតិភូការងារដឹកនាំដោយឧត្តមសេនីយទោ Pham Truong Son អគ្គសេនាធិការរងនៃកងទ័ពប្រជាជនវៀតណាមបានទៅទស្សនា ត្រួតពិនិត្យ និងលើកទឹកចិត្តដល់កងកម្លាំងរក្សាសន្តិភាពរបស់វៀតណាមនៅមូលដ្ឋាន Highway ជាកន្លែងដែលក្រុមវិស្វករវៀតណាមបោះជើងនៅបេសកកម្ម UNISFA តំបន់ Abyei។

វៀតណាមបានចូលរួមជាផ្លូវការក្នុងប្រតិបត្តិការរក្សាសន្តិភាពរបស់អង្គការសហប្រជាជាតិចាប់តាំងពីខែឧសភា ឆ្នាំ ២០១៤ ជាមួយនឹងការដាក់ពង្រាយកម្មាភិបាលពីរនាក់ជាអ្នកសង្កេតការណ៍យោធាទៅកាន់ប្រទេសស៊ូដង់ខាងត្បូង៕

កងកម្លាំងរក្សាសន្តិភាពវៀតណាមនៃអង្គការសហប្រជាជាតិនៅស៊ូដង់ខាងត្បូង ជួបសំណេះ​សំណាល​ជាមួយយុវជននៅទីក្រុងហូជីមិញ នាយប់ថ្ងៃទី ១៥ ខែមេសា សម្ព័ន្ធយុវជនវៀតណាមនៅទីក្រុងហូជីមិញ បានរៀបចំជំនួបសំណេះសំណាលជាមួយកងកម្លាំងរក្សាសន្តិភាពអង្គការសហប្រជាជាតិនៅសាធារណរដ្ឋស៊ូដង់ខាងត្បូងជាមួយយុវជនទីក្រុង។

សមាគមសហគ្រិនវៀតណាមនៅឯបរទេសបានប្រគល់ទឹកប្រាក់ជាង ២០០ លានដុងដល់កងកម្លាំងរក្សាសន្តិភាពវៀតណាម យុគសម័យ - នាថ្ងៃទី ១៥ ឧសភានៅទីក្រុងហាណូយអនុប្រធានគណៈកម្មាធិការជាតិ ទទួលបន្ទុក កិច្ចការប្រជាជនវៀតណាម​នៅបរិទេស (ក្រសួងការបរទេសវៀតណាម) លោក Luong Thanh Nghi បានប្រគល់អំណោយជាទឹកប្រាក់ជាង ២៣២ លានដុងពីសមាគមសហគ្រិនវៀតណាមជូន ដល់នាយកដ្ឋានរក្សាសន្តិភាពវៀតណាម។

យោងតាមវិទ្យុសំលេងវៀតណាម