វៀតណាមចូលរួមកិច្ចប្រជុំ SOM អាស៊ាន+៣ កិច្ចប្រជុំកំពូលអាស៊ីបូព៌ា និង​វេទិកាតំបន់អាស៊ាន

ថ្លែងមតិក្នុងកិច្ចប្រជុំ លោកអនុរដ្ឋមន្ត្រី Do Hung Viet បានស្នើឱ្យប្រទេសនានាផ្តល់អាទិភាពដល់ការពង្រឹងនិងលើកកំពស់តួនាទីនៃក្របខ័ណ្ឌ អាស៊ាន+៣ EAS និង ARF ដោយអាស៊ានជាមជ្ឈភាព រួមចំណែកយ៉ាងសកម្មក្នុងការធានាបរិយាកាសសន្តិភាព សន្តិសុខ និងស្ថិរភាព ជួយសម្រួលដល់កិច្ចខិតខំប្រឹងប្រែងជំរុញកិច្ចសហប្រតិបត្តិការជាក់ស្តែង ឆ្លៀតយកកម្លាំងចលករកំណើនថ្មីប្រកបដោយប្រសិទ្ធភាព គាំទ្រការបង្រួញគម្លាតអភិវឌ្ឍន៍ អភិវឌ្ឍអនុតំបន់ រួមទាំងអនុតំបន់មេគង្គ ឆ្ពោះទៅរកកំណើនប្រកបដោយបរិយាប័ន្ន និងការអភិវឌ្ឍប្រកបដោយចីរភាព។ ក្នុងតួនាទីជាសហប្រធាននៃកិច្ចប្រជុំពាក់កណ្តាលអាណត្តិ ARF ស្តីពីការជួយសង្គ្រោះគ្រោះមហន្តរាយធម្មជាតិ (ISM-DR) ដំណាក់កាល ២០២៣-២០២៦ លោកអនុរដ្ឋមន្ត្រីបានចែករំលែកផែនការសកម្មភាពដែលនឹងត្រូវបានអនុវត្តន៍នាពេលខាងមុខ; ទន្ទឹមនឹងនោះ បានប្រកាសអំពីសកម្មភាពមួយចំនួនដែលវៀតណាមនឹងធ្វើជាសហប្រធានក្នុងដំណាក់កាល ២០២៤-២០២៥ ផងដែរ៕