ក្នុងឱកាសចូលឆ្នាំថ្មីប្រពៃណីខ្មែរណាមបូឆ្នាំ ២០២៤ លោកនាយករដ្ឋមន្ត្រី Pham Minh Chinh បានផ្ញើសារលិខិតជូនពរជូនចំពោះជនរួមជាតិខ្មែរណាមបូ និងព្រះសង្ឃ។
លោកនាយករដ្ឋមន្ត្រី Pham Minh Chinh ផ្ញើលិខិតជូនពរដល់ជនរួមជាតិខ្មែរក្នុងឱកាសបុណ្យចូលឆ្នាំថ្មីប្រពៃណីខ្មែរណាមបូ |
ក្នុងសារលិខិត លោកនាយករដ្ឋមន្ត្រី បានសង្កត់ធ្ងន់ថា៖ បុណ្យចូលឆ្នាំថ្មីប្រពៃណីខ្មែរណាមបូ គឺជាអត្ដសញ្ញាណវប្បធម៌ដ៏វិសេសវិសាលរបស់ជនជាតិខ្មែរណាមបូ ហើយជាពិធីបុណ្យដ៏ធំបំផុត និងមានអត្ថន័យដ៏សំខាន់ ដោយចាប់ផ្តើមឆ្នាំថ្មីជាមួយភាពជឿទុកចិត្ដ សេចក្តីប្រាថ្នា និងសូមឲ្យជីវភាពរស់នៅល្អប្រសើរ និងសុភមង្គល។
ក្នុងឱកាសនេះ តាងនាមថ្នាក់ដឹកនាំបក្សនិងរដ្ឋ លោកនាយករដ្ឋមន្ត្រី ជូនពរជ័យមង្គលវិបុលសុខ មហាប្រសើរក្នុងឱកាសបុណ្យចូលឆ្នាំថ្មីប្រពៃណីខ្មែរណាមបូ ដល់ជនរួមជាតិខ្មែរ និងព្រះសង្ឃ។
ដោយមានប្រជាជនជាង ១.៣ លាននាក់ ជនរួមជាតិខ្មែរគឺជាផ្នែកមួយដែលមិនអាចបំបែកចេញពីសហគមន៍ជនជាតិវៀតណាមដែលដើរតួនាទីយ៉ាងសំខាន់ក្នុងបុព្វហេតុកសាង និងការពារមាតុភូមិ។ នាពេលកន្លងមក ជនរួមជាតិខ្មែរតែងតែជឿជាក់ និងគោរពយ៉ាងខ្ជាប់ខ្ជួននូវគោលការណ៍ណែនាំរបស់បក្ស គោលនយោបាយ និងច្បាប់របស់រដ្ឋ រួមសុខរួមទុក្ខជាមួយប្រជាជនទូទាំងប្រទេស រួមចំណែកយ៉ាងសកម្មដល់សមិទ្ធិផលដ៏ធំធេងរបស់ប្រទេសជាតិ។ តំបន់ជនរួមជាតិខ្មែរមានជំហានអភិវឌ្ឍន៍ថ្មី ជីវភាពខាងសម្ភារៈ និងស្មារតីរបស់ប្រជាពលរដ្ឋបន្តមានភាពប្រសើរឡើង។
លោកនាយករដ្ឋមន្ត្រី បានស្នើឲ្យគ្រប់លំដាប់ថ្នាក់ និងមូលដ្ឋានរៀបចំ និងបង្កលក្ខខណ្ឌល្អសម្រាប់បងប្អូនជនរួមជាតិខ្មែរ ទទួលអំណរបុណ្យចូលឆ្នាំថ្មី ២០២៤ ក្នុងក្ដីសប្បាយរីករាយ សាមគ្គីភាព សុវត្ថិភាព ស្របតាមទំនៀមទម្លាប់ប្រពៃណី និងអត្ដសញ្ញាណវប្បធម៌ដ៏ល្អរបស់ជនជាតិ៕
មតិពីមិត្តអ្នកអាន