ជប៉ុនកំពុងស្វែងរកបង្កើតភូមិខ្មែរចំនួន ៤កន្លែង នៅប្រទេសជប៉ុន ដើម្បីឱ្យប្រជាជនខ្មែរដែលរស់នៅ និងធ្វើការនៅប្រទេសជប៉ុន អាចជួបប្រាស្រ័យទាក់ទង និង រស់នៅដោយមានបរិយាកាសដូចជានៅមាតុប្រទេសរបស់សខ្លួន។ ការលើកឡើងនេះបានធ្វើឡើងនៅក្នុងជំនួបពិភាក្សាការងារ រវាងតំណាងសមាគម JICA ជប៉ុន ប្រចាំអាស៊ីអាគ្នេយ៍ និងលោក យី យ៉ូន រដ្ឋលេខាធិការក្រសួងសង្គមកិច្ច តំណាងលោក វង សូត រដ្ឋមន្ត្រី នាថ្ងៃទី០៣ ខែកក្កដា ឆ្នាំ២១០១៩នេះ។
លោក Fumio Yamada និង លោក យី យ៉ូន
ថ្លែងនៅក្នុងជំនួបពិភាក្សាការងារលោក Fumio Yamada ប្រធានអង្គការ JCIA ជប៉ុន ប្រចាំអាស៊ីអាគ្នេយ៍ បានលើកឡើងថា ដើម្បី ឱ្យកម្មសិក្សាការីខ្មែរអាចជួបប្រាស្រ័យទាក់ទងគ្នារវាងខ្មែរ និង ខ្មែរ នៅប្រទេសជប៉ុន អាចទទួលទានអាហារខ្មែរ និង បរិយាកាសដែលមានលក្ខណៈដូចជានៅប្រទេសកំណើតរបស់ពួកគេ ជប៉ុន កំពុងបង្កើតភូមិខ្មែរចំនួន ៤ កន្លែង នៅក្នុងប្រទេស ជប៉ុន ។ ចំណែកផ្ទៃដី ឬ ទីកន្លែង និង សំណង់អាគារ គឺត្រូវបានរៀបចំចាត់ចែងរួចរាល់ហើយ នៅតែត្រូវការកិច្ចសហការពីថ្នាក់ដឹកនាំកម្ពុជា ដើម្បី បង្កើតភូមិខ្មែរនៅប្រទេស ជប៉ុន ឱ្យកើតចេញជារូបរាង និង ដំណើករាតែម្តង ។
លោក យី យ៉ូន បានថ្លែងអំណរគុណ និង កោតសរសើរចំពោះ គោលបំណងរបស់ ជប៉ុន ក្នុងការបង្កើត ភូមិខ្មែរនៅប្រទេស ជប៉ុន និង ការជួយពង្រឹងជំនាញថែទាំមនុស្សចាស់ ដោយឯកឧត្តម បានលើកឡើងថា នេះគឺជាបំណងដ៏ឧត្តម ហើយថា ភាគីកម្ពុជា នឹងសហការដោយរីករាយ ហើយនេះគឺជាការបង្ហាញមួយទៀត អំពីសាមគ្គីភាព និង មិត្តភាពរវាងរដ្ឋាភិបាល និង រដ្ឋាភិបាល រវាងប្រជាជន និង ប្រជាជន នៃ ប្រទេសទាំង ២ កម្ពុជា-ជប៉ុន ហើយថា នៅកម្ពុជា បើទោះជាមិនទាន់មានភូមិជប៉ុន ក៏មានហាង និង អាហារដ្ឋានជប៉ុនច្រើនណាស់មកហើយដែរ ។
ជាមួយគ្នានោះ លោកប្រធាន JICA ក៏បានស្នើឱ្យសិស្សនិស្សិត ឬមន្ត្រីកម្ពុជា ដែលមានចំណាប់អារម្មណ៍លើជំនាញថែទាំមនុស្សចាស់ អាចសិក្សានៅ JCIA ពោធិ៍សែនជ័យ រួចហើយបន្តទៅសិក្សានៅជប៉ុនទៀតក៏ជាការប្រសើរ។ គួរបញ្ជាក់ថា រហូតមកដល់ពេលនេះ មានកម្មសិក្សាការីកម្ពុជា នៅប្រទេសជប៉ុន ជាង ៩.០០០នាក់មកហើយ៕
（សរុបដោយវិច្ឆិកា）
មតិពីមិត្តអ្នកអាន