យោងតាមការស្ថិតិបឋមនាពេលថ្មីៗ របស់អគ្គនាយកដ្ឋានគយវៀតណាម នៅឆមាសទី១ ឆ្នាំ២០២៣នេះ ទំហំពាណិជ្ជកម្មទ្វេភាគីរវាងវៀតណាម និងកម្ពុជាសម្រេចបានជាង ៤.៥ ពាន់លានដុល្លារអាមេរិក។
ទំហំពាណិជ្ជកម្មរវាងវៀតណាម និងឡាវ កើនឡើងលើសពីការរំពឹងទុក |
ទំហំពាណិជ្ជកម្មរវាងវៀតណាម និងឡាវបន្តកើនឡើង |
ទំហំពាណិជ្ជកម្មរវាងវៀតណាម និងកម្ពុជា |
ក្នុងនោះ ទំហំនៃការនាំចេញរបស់វៀតណាមសម្រេចបានជាង ២.៤៦ ពាន់លានដុល្លារអាមេរិក។ ទំនិញដែលវៀតណាមនាំចេញមានភាពសម្បូរបែបណាស់ ក្នុងនោះ ទំនិញជាច្រើនឈានដល់ទំហំរាប់រយលានដុល្លារ។ នាំមុខគេគឺជាទំហំនៃការនាំចេញផលិតផលវាយនភណ្ឌសម្រេចជាង ៤០១ លានដុល្លារអាមេរិក។ បន្ទាប់គឺដែកដែលមានជិត ៣៩៥ លានដុល្លារអាមេរិក និងចំណែកប្រេង ២៦៦.៥ លានដុល្លារអាមេរិក។ល។
ផ្ទុយទៅវិញ ទំហំនៃការនាំចូលពីកម្ពុជាសម្រេចបានជិត ២.០៨ ពាន់លានដុល្លារអាមេរិក។ ទំនិញដែលនាំចូលច្រើនជាងគេគឺគ្រាប់ស្វាយចន្ទីដោយមានទំហំពាណិជ្ជកម្ម ៧៨៣ លានដុល្លារ។ នៅពេលថ្មីៗនេះ កម្ពុជាគឺជាទីផ្សារនាំចូលគ្រាប់ស្វាយចន្ទីធំជាងគេរបស់វៀតណាម។ ជ័រកៅស៊ូគឺជាទំនិញធំទីពីរដែលសម្រេចបាន ៣៤៦ លានដុល្លារ។
ក្រោមឥទ្ធិពលពីការធ្លាក់ចុះនៃពាណិជ្ជកម្មពិភពលោក នៅឆមាសទី១ នៃឆ្នាំនេះ ទំហំនៃការនាំចូល និងនាំចេញរវាងវៀតណាម និងកម្ពុជាក៏បានធ្លាក់ចុះយ៉ាងខ្លាំង បើធៀបនឹងរយៈពេលដូចគ្នាកាលពីឆ្នាំមុន (ក្នុងរយៈពេលដូចគ្នាក្នុងឆ្នាំ២០២២ ទំហំនៃការនាំចេញរបស់វៀតណាមឈានដល់ ៣.២៥ ពាន់លានដុល្លារ ហើយទំហំនៃការនាំចូលឈានដល់ ៣.០៧ ពាន់លានដុល្លារ)៕
មតិពីមិត្តអ្នកអាន