ខេត្ត Dong Thap នឹងរៀបចំសន្និសីទស្តីពីការជំរុញពាណិជ្ជកម្ម និងការផ្លាស់ប្តូរវប្បធម៌ជាមួយបណ្តាប្រទេសអាស៊ាន

កិច្ចប្រជុំបូកសរុបលទ្ធផលនៃកិច្ចសហប្រតិបត្តិការឆ្នាំ ២០២២ រវាងកងទ័ពការពារព្រំដែនខេត្ត Dong Thap (វៀតណាម) និងតំបន់ប្រតិបត្តការសឹករងខេត្តព្រៃវែង

គណៈប្រតិភូខេត្តព្រៃវែង និងខេត្តបន្ទាយមានជ័យ ជូនពរឆ្នាំថ្មីថ្នាក់ដឹកនាំខេត្ត Dong Thap

អនុប្រធានគណៈកម្មាធិការប្រជាជនខេត្ត Dong Thap លោក Doan Tan Buu បានពិភាក្សាអំពីការរៀបចំសន្និសីទ “ជំរុញពាណិជ្ជកម្ម វិនិយោគ ការផ្លាស់ប្តូរវប្បធម៌ និងអប់រំរវាងខេត្ត Dong Thap និងបណ្តាប្រទេសអាស៊ាន” (ពង្រីក)។

នាថ្ងៃទី ១៥ មិនា អនុប្រធានគណៈកម្មាធិការប្រជាជនខេត្ត Dong Thap លោក Doan Tan Buu និងថ្នាក់ដឹកនាំមន្ទីរ អង្គភាពពាក់ព័ន្ធបានជួបសំណេះសំណាល និងធ្វើការជាមួយសមាគមមិត្តភាពវៀតណាម - អាស៊ីអាគ្នេយ៍នៅទីក្រុងហូជីមិញ ដឹកនាំដោយលោកស្រី Phan Thi Hong Xuan - ប្រធានសមាគមជាប្រធានគណៈប្រតិភូរៀបចំសន្និសីទ “ការជំរុញពាណិជ្ជកម្ម ការវិនិយោគ ការផ្លាស់ប្តូរវប្បធម៌ និងអប់រំរវាងខេត្ត Dong Thap និងបណ្តាប្រទេសអាស៊ាន” (ពង្រីក)។

លោកស្រី Phan Thi Hong Xuan បានមានប្រសាសន៍ថា ក្នុងក្របខ័ណ្ឌនៃព្រឹត្តិការណ៍នេះ សកម្មភាពជាច្រើននឹងប្រព្រឹត្តទៅដូចជា៖ ការផ្លាស់ប្តូរវប្បធម៌ និងសិល្បៈ; ចុះហត្ថលេខាលើកិច្ចព្រមព្រៀងសហប្រតិបត្តិការយុទ្ធសាស្ត្ររវាង Dong Thap និងអគ្គកុងស៊ុលនៃប្រទេសអាស៊ាន, រវាងសហគ្រាសក្នុងខេត្ត Dong Thap និងសហគ្រាសក្នុងបណ្តាប្រទេសអាស៊ាន; ទស្សនា បទពិសោធន៍តំបន់ទេសចរណ៍ និងភូមិសិប្បកម្មប្រពៃណីនៃខេត្ត Dong Thap ... ជាពិសេសនៅក្នុងសន្និសីទធំ អ្នកជំនាញមកពីបណ្តាប្រទេសអាស៊ាននឹងពិភាក្សាអំពីទីក្រុងឆ្លាតវៃ និងកសិកម្មឆ្លាតវៃ។

អនុប្រធានគណៈកម្មាធិការប្រជាជនខេត្ត Dong Thap លោក Doan Tan Buu បានចាត់ទុកថា នេះជាសកម្មភាពដ៏មានអត្ថន័យ រួមចំណែកលើកកម្ពស់សក្ដានុពល និងភាពរឹងមាំរបស់ខេត្ត ព្រមទាំងជំរុញការផ្លាស់ប្តូរវប្បធម៌ កិច្ចសហប្រតិបត្តិការសេដ្ឋកិច្ច និងការទាក់ទាញវិនិយោគរវាងខេត្ត Dong Thap និងបណ្តាប្រទេសអាស៊ាន។ តាមនោះ អនុប្រធានគណៈកម្មាធិការប្រជាជនខេត្ត Dong Thap បានស្នើឱ្យមជ្ឈមណ្ឌលជំរុញពាណិជ្ជកម្ម ទេសចរណ៍ និងវិនិយោគខេត្ត Dong Thap សម្របសម្រួលជាមួយសមាគមមិត្តភាពវៀតណាម - អាស៊ីអាគ្នេយ៍នៅទីក្រុងហូជីមិញ ដើម្បីពន្លឿនការបញ្ចប់ផែនការរៀបចំឱ្យបានល្អសម្រាប់ព្រឹត្តិការណ៍ដ៏សំខាន់នេះ៕

ឌឹកអាញ់

Thoidai.com.vn