រដ្ឋមន្ត្រីក្រសួងការពារប្រទេសវៀតណាមបានទទួលជួបសម្តែងការគួរសមជាមួយសម្តេចពិជ័យសេនា ទៀ បាញ់

លោក ទៀ បាញ់ និង​លោកស្រី ម៉ែន សំអន ត្រូវបាន​បោះឆ្នោត​ជ្រើសតាំង​ជា​អនុប្រធាន​គណបក្ស​ប្រជាជន​កម្ពុជា​

សម្តេច​ពិជ័យ​សេនា​ ទៀ បាញ់ អនុញ្ញាតិ​ឱ្យ​ ឯកឧត្តម ក្វាង មិញ ឯកអគ្គរដ្ឋ​ទូតវៀត​ណាម​ប្រចាំកម្ពុជា ចូលជួប​សម្តែង​ការ​គួរ​សម​ និង​ជម្រាប​លា​

លោកនាយឧត្តមសេនីយ៍ Phan Van Giang ពិភាក្សាជាមួយសម្តេចពិជ័យសេនា ទៀ បាញ់

នៅក្នុងជំនួបនេះ លោកនាយឧត្តមសេនីយ៍ Phan Van Giang បានសម្តែងនូវក្តីសោមនស្សរីករាយចំពោះជោគជ័យនៃជំនួបប្រាស្រ័យមិត្តភាពការពារជាតិព្រំដែនវៀតណាម - កម្ពុជា លើកដំបូង ដោយបានអះអាងនូវសារសំខាន់នៃជំនួបប្រាស្រ័យនេះ ដែលរួមចំណែកយ៉ាងសំខាន់ក្នុងការពង្រឹង និងពង្រីកចំណងសាមគ្គីភាព និងមិត្តភាពរវាងប្រទេសទាំងពីរ។

លោកនាយឧត្តមសេនីយ៍ Phan Van Giang បានអបអរសាទរចំពោះកម្ពុជា ដែលបានប្រគល់ភារកិច្ចធ្វើជាម្ចាស់ផ្ទះកីឡាស៊ីហ្គេម លើកទី៣២ អបអរសាទរក្រសួងការពារជាតិកម្ពុជា ដែលបានរៀបចំកិច្ចប្រជុំឧត្តមមន្ដ្រីការពារជាតិអាស៊ាន (ADSOM) និងកិច្ចប្រជុំឧត្តមមន្ត្រីការពារជាតិអាស៊ានបូក (ADSOM-Plus) ប្រកបដោយជោគជ័យ ព្រមទាំងសង្កត់ធ្ងន់ថា ក្រសួងការពារប្រទេសវៀតណាមនឹងបន្តសម្របសម្រួលយ៉ាងជិតស្និទ្ធ និងគាំទ្រក្រសួងការពារជាតិកម្ពុជាឱ្យទទួលបានជោគជ័យក្នុងតួនាទីជាប្រធានអាស៊ាននៅឆ្នាំ២០២២។ ក្រៅពីនេះ លោកនាយឧត្តមសេនីយ៍ Phan Van Giang បានបង្ហាញជំនឿថា ក្រោមការដឹកនាំរបស់រាជរដ្ឋាភិបាល និងសម្តេចតេជោ ហ៊ុន សែន នាយករដ្ឋមន្ត្រី កម្ពុជានឹងរៀបចំការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ប្រកបដោយជោគជ័យ ព្រមទាំងបំពេញល្អតួនាទីជាប្រធានអាស៊ាននៅឆ្នាំ២០២២។

លោកនាយឧត្តមសេនីយ៍ Phan Van Giang ថតរូបអនុស្សាវរីយ៍ជាមួយសម្តេចពិជ័យសេនា ទៀ បាញ់ និងសមាជិកគណៈប្រតិភូ

រីឯខ្លួនវិញ សម្តេចពិជ័យសេនា ទៀ បាញ់ បានវាយតម្លៃខ្ពស់ចំពោះគំនិតផ្តួតផ្តើមរបស់វៀតណាមក្នុងការរៀបចំជំនួបប្រាស្រ័យមិត្តភាពការពារជាតិព្រំដែនវៀតណាម-កម្ពុជា លើកដំបូង ដោយសង្កត់ធ្ងន់ថា នេះគឺជាព្រឹត្តិការណ៍ប្រវត្តិសាស្ត្ររវាងកងទ័ពទាំងពីរ ដោយហេតុនោះបានរួមចំណែកក្នុងការពង្រឹងទំនាក់ទំនងរវាងកងទ័ព និងប្រជាជននៃប្រទេសទាំងពីរ ឱ្យកាន់តែរឹងមាំថែមទៀត។ សម្តេចពិជ័យសេនា ទៀ បាញ់ បានសម្តែងការពេញចិត្តចំពោះលទ្ធផលនៃកិច្ចសហប្រតិបត្តិការលើវិស័យការពារជាតិទ្វេភាគីនាពេលកន្លងមក ជាពិសេសខ្លឹមសារជាច្រើននៃពិធីសារសហប្រតិបត្តិការដំណាក់កាល ២០២០-២០២៤ និងផែនការសហប្រតិបត្តិការឆ្នាំ២០២២ ត្រូវបានអនុវត្តន៍ប្រកបដោយប្រសិទ្ធភាព រួមទាំងខ្លឹមសារនានាលើសពីការរំពឹងទុកផង។

ភាគីទាំងពីរបានឯកភាពបន្តការសម្របសម្រួលយ៉ាងជិតស្និទ្ធ ដើម្បីអនុវត្តសកម្មភាពកិច្ចសហប្រតិបត្តិការតាមផែនការឆ្នាំ២០២២ និងទស្សនៈ​រួមរបស់ថ្នាក់ដឹកនាំក្រសួងការពារជាតិនៃប្រទេសទាំងពីរនៅជំនួបប្រាស្រ័យមិត្តភាពការពារជាតិ​ព្រំដែនវៀតណាម-កម្ពុជា លើកដំបូង​ ធានាប្រសិទ្ធភាព និងជាក់ស្តែង។ នាពេលខាងមុខ ភាគីទាំងពីរនឹងធ្វើការរួមគ្នា ដើម្បីរៀបចំឱ្យទទួលបានជោគជ័យនៃពិធីរំលឹកខួបទី៤៥ នៃទិវាចងចាំដំណើរឆ្ពោះទៅរកការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧ - ២០ មិថុនា ២០២២)៕

យោងតាមកាសែតកងទ័ពប្រជាជន