ត្រីមាសទីមួយនៃឆ្នាំ២០២២ កម្ពុជានាំចេញអង្ករ ទៅកាន់៤៩ប្រទេស និងតំបន់ស្វយ័ត បានជាង១៧ម៉ឺនតោន ខណៈនាំចេញស្រូវទៅប្រទេសវៀត បានរហូតដល់ជិត១,៤លានតោន។ បើតាមទិន្នន័យរបស់សហព័ន្ធស្រូវអង្ករកម្ពុជា ការនាំចេញអង្ករ និងស្រូវនេះ គឺមានទំហំទឹកប្រាក់ ៤១៣លានដុល្លារ។
 ក្រសួងពាណិជ្ជកម្មវៀតណាមបញ្ជាក់ពីកូតាពន្ធសម្រាប់អង្ករ ស្លឹកថ្នាំជក់ស្ងួតពីកម្ពុជា |
 វៀតណាមរំពឹងខ្ពស់លើការនាំចេញអង្ករកើនឡើងក្នុងឆ្នាំនេះ |
 |
| កម្ពុជា រកបានចំណូលជាង៤០០លានដុល្លារ ពីការនាំចេញស្រូវ-អង្ករ ក្នុងរយៈពេល៣ខែ |
អង្ករចំនួន១៧០ ៥៣៩តោន ដែលកម្ពុជានាំចេញទៅទីផ្សារពិភពលោក ក្នុងរយៈពេល៣ខែមកនេះ មានតម្លៃជាង ១០០,៤៧ លានដុល្លារ។ ប្រទេសចិន និងតំបន់ស្វយ័តដែលមាន ហុងកុង ម៉ាកាវ គឺជាទីផ្សារធំរបស់កម្ពុជា ដោយបានទិញអង្ករពីកម្ពុជា ក្នុងបរិមាណ ៨៨ ៦៤៦តោន ស្មើនឹង៥២ភាគរយ នៃទីផ្សារសរុប។ នេះបើយោងតាមទិន្នន័យ របស់សហព័ន្ធស្រូវអង្ករកម្ពុជា ដែលចេញផ្សាយ នៅថ្ងៃទី៥ ខែមេសា។
ក្រៅពីការនាំចេញអង្ករនេះ កម្ពុជា ក៏បាននាំចេញស្រូវទៅប្រទេសវៀតណាមក្នុងចំនួន ១ ៣៩០ ១៨១តោន ដែរក្នុងរយៈពេល៣ខែមកនេះ។ បើគិតជាទំហំទឹកប្រាក់ដែលបានមកពីការនាំចេញស្រូវ គឺមានប្រមាណ ៣១៣លានដុល្លារ ដោយកើន ១៣,៦ភាគរយ បើធៀបនឹងរយៈពេលដូចគ្នា កាលឆ្នាំ២០២១។
សូមជម្រាបថា ឆមាសទីមួយ ឆ្នាំ២០២១ កម្ពុជា សម្រេចការនាំចេញអង្ករបាន ១៥៣ ៦៨៨តោន ដែលមានទំហំទឹកប្រាក់ចំនួន ១០៩,៧៣ លានដុល្លារ៕
Thmeythmey/Freshnews
មតិពីមិត្តអ្នកអាន