ពេញមួយឆ្នាំ២០២១ កម្ពុជាចំណូលពីការ ប្រមូលពន្ធដារ និងពន្ធគយបានជាង ៤ ៥០០លានដុល្លារអាម៉េរិក។ ក្នុងនោះចំណូលដែលកម្ពុជាបានពីពន្ធដារ មាន ២ ២៤៣លានដុល្លារ លើសផែនការរហូត ជាង២៤ភាគរយ។ នេះជាការលើកឡើងរបស់សម្តេច ហ៊ុន សែន។
 ប្រធានអាស៊ានឆ្នាំ២០២២-កម្ពុជាសង្កត់ធ្ងន់ពីតម្រូវការបន្ទាន់របស់ COC |
 កិច្ចព្រមពៀងពាណិជ្ជកម្មសេរីកម្ពុជា-ចិន «CCFTA» និង «RCEP» ចូលជាធរមាន នៅដើមឆ្នាំ២០២២ |
 |
| សម្តេចតេជោ នាយករដ្ឋមន្ត្រីកម្ពុជា ហ៊ុនសែន |
កម្ពុជារកចំណូលបានពីពន្ធដារ និងពន្ធគយ សរុប ៤ ៥៣៧ លានដុល្លារ នៅក្នុងឆ្នាំ២០២១។ សម្តេច ហ៊ុន សែន បានថ្លែងដូច្នេះក្នុងពិធីបើកការដ្ឋានសាងសង់ផ្លូវជាតិលេខ៤៨ ភ្ជាប់ពីខេត្តព្រះសីហនុ-កោះកុង នាព្រឹកថ្ងៃទី៣មករា ឆ្នាំ២០២២។ ប្រមុខរដ្ឋាភិបាល បានបញ្ជាក់ថា៖«ទោះបីកម្ពុជាស្ថិតក្នុងវិបត្តិកូវីដ-១៩ ក៏អគ្គនាយកដ្ឋានគយ និងអគ្គនាយកដ្ឋានពន្ធដារ អាចប្រមូលចំណូលបានល្អ ពិសេសនៅឆ្នាំ២០២១ នៅពេលរាជរដ្ឋាភិបាល បើកប្រទេសបានពេញលេញឡើងវិញ»។
បើតាម សម្តេច ហ៊ុន សែន ឆ្នាំ២០២១កន្លងមកនេះ អគ្គនាយកដ្ឋានគយ និងរដ្ឋាករកម្ពុជា ប្រមូលចំណូលបានចំនួន ២ ២៩៤លានដុល្លារ ដែលស្មើនឹង៩៧,១ភាគរយនៃផែនការ ខណៈអគ្គនាយកដ្ឋានពន្ធដារ ប្រមូលចំណូលពន្ធបាន ២ ២៤៣លានដុល្លារ លើសផែនការ២៤,០២ភាគរយ នៃច្បាប់គ្រប់គ្រងហិរញ្ញប្រចាំឆ្នាំរបស់ក្រសួងសេដ្ឋ កិច្ចនិងហិរញ្ញវត្ថុ។
សម្តេច ហ៊ុន សែន បានបន្ថែមថា ចំណូលពន្ធគ្រប់ប្រភេទ ដែលកម្ពុជាប្រមូលនេះ គឺមានភាពល្អប្រសើរ នាចុងឆ្នាំ២០២១។
ចំណូលពន្ធដែលកម្ពុជាទទួលបាននេះ បានបង្ហាញនូវសញ្ញាវិជ្ជមាន ក្នុងការងើបឡើងវិញ នៃសេដ្ឋកិច្ចកម្ពុជា ដោយ សម្តេច ហ៊ុន សែន រំពឹង ថា កម្ពុជានឹងសម្រេចបានកំណើនសេដ្ឋកិច្ច ក្នុងរង្វង់៣ភាគរយ នាឆ្នាំ២០២១៕
មតិពីមិត្តអ្នកអាន