វៀតណាមអំពាវនាវឱ្យជម្រុញការអនុវត្តដំណើរការសន្តិភាពដែលទាក់ទងទៅនឹងអាហ្វហ្គានីស្ថាន

ក្រុមប្រឹក្សាសន្តិសុខអង្គការសហប្រជាជាតិបានធើ្វកិច្ចប្រជុំតាមអនឡាញ

នៅក្នុងកិច្ចប្រជុំនេះ បណ្ដាប្រទេសជាសមាជិកក្រុមប្រឹក្សាសន្តិសុខបានកត់សម្គាល់ពីការរីកចម្រើនផ្នែកនយោបាយមួយចំនួននៅអាហ្គានីស្ថាន ហើយសម្តែងការចាប់អារម្មណ៍ពិសេសទៅលើស្ថានការណ៍សន្តិសុខនិងផលប៉ះពាល់នៃជំងឺរាតត្បាតសកល COVID-19 ចំពោះអាហ្វហ្គានីស្ថាន។ ទន្ទឹមនឹងនេះ ថ្កោលទោសការវាយប្រហារទៅលើជនស៊ីវិល ដោយអំពាវនាវឱ្យភាគីពាក់ព័ន្ធនៅអាហ្វហ្គានីស្ថានចាប់ផ្តើមការចរចាសន្តិភាពឱ្យបានឆាប់ៗ ដែលក្នុងនោះជំរុញការចូលរួមរបស់ស្ត្រីនៅក្នុងដំណើរការនេះបន្ថែមទៀត ហើយបានបញ្ជាក់ជាថ្មីម្តងទៀតនូវការគាំទ្ររបស់បណ្ដាប្រទេសនេះចំពោះ UNAMA។

ឯកអគ្គរដ្ឋទូតលោក Dang Dinh Quy ប្រធានគណៈប្រតិភូអចិន្រ្តៃយ៍វៀតណាមប្រចាំអង្គការសហប្រជាជាតិបានបញ្ជាក់ជាថ្មីនូវការគាំទ្រដល់ដំណើរការសន្តិភាពដែលដឹកនាំនិងគ្រប់គ្រងដោយប្រជាជនអាហ្វហ្គានីស្ថាន។ ទន្ទឹមនឹងនេះ លោកបានសង្កត់ធ្ងន់លើសារៈសំខាន់នៃការបន្តការអនុវត្តសេចក្តីសម្រេចចិត្តលេខ ២៥១៣ របស់ក្រុមប្រឹក្សាសន្តិសុខក្នុងការគាំទ្រដល់កិច្ចព្រមព្រៀងសន្តិភាពកាលពីថ្ងៃទី ២៩ ខែកុម្ភៈ លើកដំបូង ចាប់ផ្តើមចរចាឆ្ពោះទៅរកកិច្ចព្រមព្រៀងឈប់បាញ់រយៈពេលវែងមួយយ៉ាងឆាប់រហ័ស។ ក្រៅពីនេះ លោកក៏បានចែករំលែកការព្រួយបារម្ភអំពីការវាយប្រហាររបស់តាលីបង់និងអង្គការភេរវករ ដោយអំពាវនាវឱ្យមានការធ្វើឱ្យប្រសើរឡើងនូវស្ថានភាពសន្តិសុខនៅក្នុងបរិបទនៃការឆ្លងរាលដាលនៃជំងឺរាតត្បាត COVID-19 និងផលប៉ះពាល់នៃការប្រែប្រួលអាកាសធាតុនៅអាហ្គានីស្ថាន។

លោកឯកអគ្គរដ្ឋទូត Dang Dinh Quy បានសម្តែងក្តីសង្ឃឹមថា នឹងមានការចូលរួមកាន់តែច្រើនឡើងរបស់ស្ត្រីនៅក្នុងដំណើរការសន្តិភាព ក៏ដូចជាសង្កត់ធ្ងន់លើសារៈសំខាន់នៃការជំរុញការកសាងនិងការពារសិទ្ធិរបស់ក្រុមងាយរងគ្រោះ និងការទប់ស្កាត់នឹងគ្រឿងញៀននិងឧក្រិដ្ឋកម្ម៕

（បកប្រែដោយសាមេត）

（ប្រភពព័ត៌មាន: baochinhphu.vn）

（បកប្រែដោយសាមេត）