វៀតណាមធានាសិទ្ធិមនុស្សក្នុងការអនុវត្តកម្មវិធីគោលដៅជាតិស្តីពីការលុបបំបាត់ភាពអត់ឃ្លាននិងការកាត់បន្ថយភាពក្រីក្រ

និស្សិតវៀតណាមឈ្នះរង្វាន់ក្នុងការប្រកួតប្រជែងASEAN Youth Video

វៀតណាមអំពាវនាវឱ្យគោរពគោលការណ៍ដោះស្រាយដោយសន្តិវិធីរាល់ជម្លោះអន្តរជាតិ

វៀតណាមធានាសិទ្ធិមនុស្សក្នុងការអនុវត្តកម្មវិធីគោលដៅជាតិស្តីពីការលុបបំបាត់ភាពអត់ឃ្លាននិងការកាត់បន្ថយភាពក្រីក្រ។ (រូបថត៖ tapchitaichinh)

នេះគឺជាទិសដៅសង្គមនិយមដ៏សំខាន់របស់សង្គម វៀតណាម ក្រោមការដឹកនាំរបស់បក្ស ក្នុងគោលបំណងធានាសិទ្ធិមនុស្សជាពិសេសសិទ្ធិទទួលបានសន្តិសុខសង្គមរបស់ប្រជាជន ដូចបានចែងក្នុងមាត្រា ៣៤ រដ្ឋធម្មនុញ្ញនៃសាធារណរដ្ឋសង្គមនិយម វៀតណាម ឆ្នាំ ២០១៣។

នៅដំណាក់កាលឆ្នាំ ២០១៦-២០២០ កិច្ចការលុបបំបាត់ភាពអត់ឃ្លាន កាត់បន្ថយភាពក្រីក្ររបស់វៀតណាម ទទួលបានសមិទ្ធផលលេចធ្លោជាច្រើន ជាក់ស្តែងគឺ អត្រានៃគ្រួសារក្រីក្របានថយចុះពី ៩,៨៨% ក្នុងឆ្នាំ ២០១៥ មកនៅត្រឹម ២,៧៥% នៅឆ្នាំ ២០២០។ រដ្ឋាភិបាលបានចេញផ្សាយប្រកបដោយសមកាលកម្មនូវកម្មវិធី យន្តការ គោលនយោបាយ ច្បាប់ ដើម្បីជួយដល់ជនក្រីក្រក្នុងគ្រប់ទិដ្ឋភាព។ ទន្ទឹមជាមួយគ្នានោះ តែងតែផ្តល់អាទិភាពចំពោះប្រជាជនងាយរងគ្រោះ ប្រជាជននៅតំបន់ព្រៃភ្នំ ជាពិសេសតំបន់ជួបការលំបាកពិសេស។

ប្រភពកម្លាំងពលំសរុបដែលគៀរគរសម្រាប់អនុវត្តន៍កម្មវិធីលុបបំបាត់ភាពអត់ឃ្លាន កាត់បន្ថយភាពក្រីក្ររបស់វៀតណាមក្នុងដំណាក់កាលនេះ គឺប្រហែល ១២០ ពាន់លានដុង។ វៀតណាមបានប្រកាសស្ដង់ដារនៃភាពក្រីក្រថ្នាក់ជាតិចំនួន ៨ ដង តាមគំរូប៉្លុមកាត់បន្ថយភាពក្រីក្រ បំពេញតម្រូវការរបស់ប្រជាជនក្រីក្រពីទាបទៅខ្ពស់ សមស្របទៅនឹងស្ថានភាពសេដ្ឋកិច្ចសង្គមរបស់ប្រទេសតាមរយៈដំណាក់កាលនីមួយៗ។ បច្ចុប្បន្នវៀត ណាមគឺជាប្រទេសមួយក្នុងចំណោមប្រទេសទាំង ៣០ ដំបូងគេនៅលើពិភពលោកនិងជាប្រទេសដំបូងគេនៅតំបន់អាស៊ីដែលបានអនុវត្តការវាយតម្លៃស្ដង់ដារនៃភាពក្រីក្រតាមពហុទិដ្ឋភាពរដោយធានានូវកម្រិតជីវភាពអប្បបរមាសម្រាប់ជនក្រីក្រស្របតាមគោលដៅអភិវឌ្ឍន៍យូរអង្វែង។

ដើម្បីបន្តអនុវត្តន៍ប្រកបដោយប្រសិទ្ធភាពនូវគោលដៅកាត់បន្ថយភាពក្រីក្រ ប្រកបដោយនិរន្តរភាពនិងការធានាសិទ្ធិសន្តិសុខសង្គមរបស់ជនក្រីក្រ វៀតណាមបានចេញផ្សាយនូវខ្សែបន្ទាត់ភាពក្រីក្រពហុវិមាត្រសម្រាប់ដំណាក់កាល ២០២១-២០២៥ ដោយមានលក្ខណៈវិនិច្ឆ័យកំណត់គ្រួសារក្រីក្រលើប្រាក់ចំណូលនិងកង្វះលទ្ធភាពទទួលបានសេវាសង្គមមូលដ្ឋាន ដែលត្រូវបានកើនឡើងបើប្រៀបធៀបទៅនឹងអំឡុងឆ្នាំ ២០១៦-២០២០។ ប្រការនេះ មានគោលបំណងធានាឱ្យបានពេញលេញនូវសិទ្ធិសន្តិសុខសង្គមរបស់ជនក្រីក្រ ធ្វើឱ្យប្រសើរឡើងកម្រិតទាក់ទង់ផ្ទាល់របស់ប្រជាជនក្រីក្រក្នុងការទទួលបានសេវាសង្គមមូលដ្ឋាន ដូចជា ទទួលបានព័ត៌មានការងារ ការថែទាំសុខភាព ការអប់រំ លំនៅដ្ឋាន ទឹកស្អាតនិងអនាម័យ។

ប្រធានគណៈកម្មាធិការរណសិរ្សមាតុភូមិវៀតណាមនៃទីក្រុងហាណូយ លោកស្រី Nguyen Lan Huong ប្រគល់ផ្ទះមហាសាមគ្គីភាពជូនលោកស្រី Du Thi Phuc គ្រួសារដែលមានស្ថានភាពលំបាកនៅឃុំ Hoa Phu ស្រុក Ung Hoa (រូបថត៖ Nguyen Phuong/ hanoimoi.com.vn)

វៀតណាមក៏បានកំណត់ខ្សែបន្ទាត់ភាពក្រីក្រពហុវិមាត្រសម្រាប់ដំណាក់កាល ២០២១-២០២៥ ដោយមានលក្ខណៈ វិនិច្ឆ័យថា ប្រាក់ចំណូលសម្រាប់មនុស្សម្នាក់ក្នុងមួយខែនៅតំបន់ជនបទ គឺ ១.៥០០.០០០ ដុង និងនៅតំបន់ទីក្រុងគឺ ២.០០០.០០០ ដុង។ បច្ចុប្បន្ននេះ រដ្ឋាភិបាលដឹកនាំខេត្ត ក្រុងដើម្បីពិនិត្យនិងចាត់ថ្នាក់គ្រួសារក្រីក្រជាមូលដ្ឋានសម្រាប់បង្កើតនិងអនុវត្តន៍រាល់គោលនយោបាយកម្មវិធីនិងដំណោះស្រាយកាត់បន្ថយភាពក្រីក្រ។ រដ្ឋសភានិងរដ្ឋាភិបាលក៏បានបែងចែកប្រភពធនធានដើម្បីអនុវត្តន៍ប្រព័ន្ធកាត់បន្ថយភាពក្រីក្រជាប្រចាំ ដើម្បីទ្រទ្រង់គ្រប់ទិដ្ឋភាពនៃជីវភាពសេដ្ឋកិច្ចនិងជីវភាពសង្គមសម្រាប់គ្រួសារក្រីក្រ ដូចជាគោលនយោបាយឥណទានអនុគ្រោះ គោលនយោបាយបណ្តុះបណ្តាលវិជ្ជាជីវៈជាដើម។

ទន្ទឹមជាមួយនឹងប្រព័ន្ធកាត់បន្ថយភាពក្រីក្រជាប្រចាំ នៅឆ្នាំ ២០២១ រដ្ឋសភាបានចេញផ្សាយសេចក្តីសម្រេច លេខ ២៤/២០២១/QH១៥ ចុះថ្ងៃទី ២៨ ខែកក្កដាឆ្នាំ ២០២១ ដោយអនុម័តគោលនយោបាយវិនិយោគនៃកម្មវិធីគោលដៅជាតិសម្រាប់កាត់បន្ថយភាពក្រីក្រប្រកបដោយចីរភាពដំណាក់កាល ២០២១-២០២៥ ដោយមានគោលដៅ កាត់បន្ថយភាពក្រីក្រក្នុងលក្ខណៈពហុវិមាត្រ គ្រប់ដណ្តបប្រកបដោយនិរន្តរភាព កំណត់ភាពក្រីក្រឡើងវិញនិងកើតមានឡើងភាពក្រីក្រ។ ជាងនេះទៅទៀត ជួយប្រជាជនក្រីក្រនិងគ្រួសារក្រីក្រឆ្ពោះទៅរកកម្រិតរស់នៅអប្បបរមា ទទួលបានសេវាសង្គមជាមូលដ្ឋានយោងតាមខ្សែបន្ទាត់ភាពក្រីក្រពហុវិមាត្រថ្នាក់ជាតិ លើកកំពស់គុណភាពនៃជីវភាពរស់នៅ។

ក្រៅពីនោះ ជួយឧបត្ថម្ភដល់ស្រុកក្រីក្រ ឃុំសង្កាត់ជួបការលំបាកពិសេសនៅតំបន់ឆ្នេរសមុទ្រនិងកោះដើម្បីបំបាត់ភាពក្រីក្រ រួមផុតពីស្ថានភាពលំបាក។ កម្មវិធីគោលដៅជាតិសម្រាប់កាត់បន្ថយភាពក្រីក្រប្រកបដោយនិរន្តរភាពនៅឆ្នាំ ២០២១-២០២៥ ផ្តោតលើការដោះស្រាយបញ្ហាសំខាន់ ភាពបន្ទាន់ គោលដៅនិងពេលវេលាដែលធានាដល់សិទ្ធិមនុស្ស។ កម្មវិធីនេះក៏វិនិយោគលើការអភិវឌ្ឍហេដ្ឋារចនាសម្ព័ន្ធសេដ្ឋកិច្ចសង្គមនៅតំបន់ក្រីក្រការ កែ លម្អប្រាក់ចំណូលនិងគុណភាពនៃការរស់នៅរបស់ជនក្រីក្រ ការបណ្តុះបណ្តាលជំនាញវិជ្ជាជីវៈ ការបង្កើតការងារល្អនិងការជួយដល់មុខសញ្ញាងាយរងគ្រោះកុំឲ្យធ្លាក់ចូលក្នុងភាពក្រីក្រ។

នៅពេលអនុវត្តន៍គោលដៅធានាសិទ្ធិរបស់ជនក្រីក្រតាមរយៈការកាត់បន្ថយភាពក្រីក្រប្រកបដោយនិរន្តរភាព ទស្សនៈគ្របដណ្តបរបស់វៀតណាមគឺមិន “លះបង់” វឌ្ឍនភាពនិងយុត្តិធម៌សង្គមដើម្បីជាថ្នូរនឹងកំណើនសេដ្ឋកិច្ចសាមញ្ញាឡើយ។ វៀតណាមក៏បានកំណត់ថា ការវិនិយោគលើការកាត់បន្ថយភាពក្រីក្រ ជាការវិនិយោគសម្រាប់ការអភិវឌ្ឍក្នុងគោលបំណងជួយជនក្រីក្រឱ្យរួចផុតពីភាពក្រីក្រនិងកសាងជីវភាពធូរធារ។

វៀតណាមក៏បានលើកកម្ពស់ការអនុវត្តគោលដៅកាត់បន្ថយភាពក្រីក្រប្រកបដោយបរិយាប័ន ជាពិសេស បង្កើនប្រាក់ចំណូលនិងការធានានូវវិមាត្រមូលដ្ឋាននៃសេវាកម្មសង្គមដូចជា ការងារ ការអប់រំ ការថែទាំសុខភាព លំនៅដ្ឋាន ទឹកស្អាតសម្រាប់ជីវភាពប្រចាំថ្ងៃនិងទឹកស្អាតអនាម័យ និងព័ត៌មានជាដើម សំដៅឆ្ពោះទៅរកការលុបបំបាត់ភាពក្រីក្រសម្រាប់មនុស្សគ្រប់រូប គ្រប់ពេលវេលានិងគ្រប់សមាត្រ។ វៀត ណាមក៏បានផ្លាស់ប្តូរថ្មីនូវគោលនយោបាយកាត់បន្ថយភាពក្រីក្រ និងបំផុសស្មារតីឲ្យប្រជាជនមានប្រាថ្នា កសាងជីវភាពរុងរឿងនិងពង្រីកកម្លាំងពលំនៃប្រព័ន្ធនយោបាយទាំងមូល ក្នុងការកាត់បន្ថយភាពក្រីក្រក្រោមលក្ខខណ្ឌថ្មី សំដៅសម្រេចបានការប្តេជ្ញាជាមួយសហគមន៍អន្តរជាតិ អំពីការអភិវឌ្ឍប្រកបដោយនិរន្តរភាពនិងកាត់បន្ថយភាពក្រីក្ររហូតដល់ឆ្នាំ២០៣០៕

យោងតាមវិឡុសំលេងវៀតណាម