យុគសម័យ - ក្នុងឱកាសអបអរសាទរខួបលើកទី ៤៥ នៃទិវាបង្កើតទំនាក់ទំនងការទូតរវាង វៀតណាមនិងថៃ (១៩៧៦-២០២១) នៅព្រឹកថ្ងៃទី ១៥ ខែកញ្ញា សម្ព័ន្ធអង្គការមិត្តភាពនៃទីក្រុង Ho Chi Minh (HUFO) បានប្រគល់មេដាយអនុស្សាវរីយ៍ “ ដើម្បីសន្តិភាពនិងមិត្តភាពរវាងប្រជាជាតិ” ជូនដល់អគ្គកុងស៊ុលនៃព្រះរាជាណាចក្រថៃប្រចាំនៅទីក្រុង Ho Chi Minh តាមទម្រង់អ៊ីនធើណិត។
សកម្មភាពអបអរសាទរខួបលើកទី ៤៥ ឆ្នាំនៃទំនាក់ទំនងវៀតណាម - ថៃ |
នាំទំហំពាណិជ្ជកម្មថៃ - វៀតណាមឡើងដល់ ២៥ ពាន់លានដុល្លារ នៅឆ្នាំ ២០២៥ |
លោក Apirat Sugondhabhirom អគ្គកុងស៊ុលនៃព្រះរាជាណាចក្រថៃប្រចាំនៅទីក្រុង Ho Chi Minh (ស្តាំ) ទទួលមេដាយអនុស្សាវរីយ៍ “ ដើម្បីសន្តិភាពនិងមិត្តភាពរវាងប្រជាជាតិនានា” ។ |
នេះគឺជាការទទួលស្គាល់នូវការរួមចំណែកដ៏មានតំលៃយ៉ាងសកម្មនិងមានប្រសិទ្ធភាពរបស់លោក Apirat Sugondhabhirom ក្នុងសកម្មភាពថែរក្សាពង្រឹងនិងជំរុញទំនាក់ទំនងមិត្តភាពនិងកិច្ចសហប្រតិបត្តិការរវាងប្រជាជនថៃ - វៀតណាម។
អញ្ជើញចូលរួមនិងថ្លែងសុន្ទរកថាក្នុងពិធីនេះលោក Dinh Khac Duy - ប្រធានសមាគមមិត្តភាពវៀតណាម - ថៃនៅទីក្រុង Ho Chi Minh បានសង្កត់ធ្ងន់ថា៖ មេដាយអនុស្សាវរីយ៍ “ ដើម្បីសន្តិភាពនិងមិត្តភាពរវាងប្រជាជាតិនានា” គឺជារង្វាន់ដ៏ថ្លៃថ្លាដែលបានប្រគល់ដោយសម្ព័ន្ធអង្គការមិត្តភាពវៀតណាមចំពោះបុគ្គលនិងអង្គការដែលបានរួមចំណែកយ៉ាងសំខាន់ក្នុងការពង្រឹងនិងពង្រីកទំនាក់ទំនងមិត្តភាពរវាងប្រជាជននៃប្រទេសដទៃទៀតនិងប្រជាជនវៀតណាម ដើម្បីបុព្វហេតុសន្តិភាព មិត្តភាព កិច្ចសហប្រតិបត្តិការនិងការអភិវឌ្ឍ។
ប្រតិភូបានអញ្ជើញចូលរួមក្នុងពិធីនេះ។ |
ក្នុងនាមជាអគ្គកុងស៊ុលនៃព្រះរាជាណាចក្រថៃប្រចាំនៅទីក្រុង Ho Chi Minh (ចាប់តាំងពីខែឧសភាឆ្នាំ ២០១៩) លោក អា Apirat Sugondhabhirom បានរួមចំណែកយ៉ាងសកម្មជាច្រើនក្នុងការពង្រឹងនិងអភិវឌ្ឍទំនាក់ទំនង មិត្តភាពនិងកិច្ចសហប្រតិបត្តិការជាប្រពៃណីរវាងថៃនិងវៀតណាម រួមទាំងសកម្មភាពសហប្រតិបត្តិការជាមួយ HUFO និងសមាគមមិត្តភាពវៀតណាម - ថៃនៅទីក្រុង Ho Chi Minh ប្រកបដោយប្រសិទ្ធភាព។
ជារៀងរាល់ឆ្នាំ ស្ថានអគ្គកុងស៊ុលថៃប្រចាំទីក្រុង Ho Chi Minh បានជួយឧបត្ថម្ភដល់សមាគមអ្នកជំងឺក្រីក្រ នៅទីក្រុង Ho Chi Minh ដើម្បីរៀបចំកម្មវិធីវះកាត់បេះដូងសម្រាប់កុមារដែលមានជំងឺបេះដូងពីកំណើត ការវះកាត់ភ្នែកសម្រាប់អ្នកជំងឺក្រីក្រ នៅទីក្រុង Ho Chi Minh និងខេត្ត Tay Ninh ផ្តល់អាហារូបករណ៍ដល់កុមារកំព្រាសិស្សនិងនិស្សិតដែលមានស្ថានភាពលំបាក ជួយឧបត្ថម្ភប្រជាជនវៀតណាមដែលរងគ្រោះ ដោយគ្រោះធម្មជាតិព្យុះទឹកជំនន់។ ល។
ថ្លែងមតិ បន្ទាប់ពីទទួលមេដាយអនុស្សាវរីយ៍ លោកអគ្គកុងស៊ុល Apirat Sugondhadbirom បានសម្តែងនូវកិត្តិយសនិងការរំជួលចិត្តចំពោះសម្ព័ន្ធអង្គការមិត្តភាពវៀតណាមនិងទីក្រុង Ho Chi Minhហើយលោកសង្ឃឹមថា ទំនាក់ទំនងមិត្តភាពជិតស្និទរវាងវៀតណាម-ថៃនឹងបន្តអភិវឌ្ឍប្រកបដោយនិរន្តរភាពនាពេលខាងមុខ។
ក្នុងឱកាសនេះ តាមរយៈសមាគមមិត្តភាពវៀតណាម - ថៃនៅទីក្រុង Ho Chi Minh លោក Apirat Sugondhabhirom បានប្រគល់អាហាររូបករណ៍ជូនដល់សិស្សនុសិស្សវៀតណាមដែលមានស្នាដៃសិក្សាល្អចំនួន ៤៥ នាក់ (តំលៃ ១ លានដុង/ម្នាក់) ។
លោក Apirat Sugondhabhirom បានចែករំលែកថា៖ យុវជន ជំនាន់ក្រោយមានតួនាទីសំខាន់ក្នុងការជំរុញការអភិវឌ្ឍប្រទេសជាតិ។ ដូច្នេះមុខសញ្ញានេះគួរតែមានឱកាសទទួលបានការបណ្តុះបណ្តាលនិងការអប់រំអោយបានសមស្រប ដើម្បីក្លាយជាធនធានប្រកបដោយគុណភាពសម្រាប់ប្រទេសជាតិ នាពេលអនាគត ជាពិសេសទាក់ទងនឹងការជំរុញទំនាក់ទំនងជាមួយប្រទេសជាមិត្ត ក្នុងនោះមានប្រទេសថៃផងដែរ។ លោកសង្ឃឹមថា អាហារូបករណ៍នេះនឹងក្លាយជាប្រភពនៃការលើកទឹកចិត្តដល់សិស្សានុសិស្សឱ្យខិតខំប្រឹងប្រែងបន្ថែមទៀតក្នុងការសិក្សាសូត្រដែលរួមចំណែកក្នុងការពង្រីកនិងពង្រឹងទំនាក់ទំនងមិត្តភាពដ៏ល្អប្រសើររវាងប្រទេសថៃនិងវៀតណាម៕
មតិពីមិត្តអ្នកអាន