ចំនួនប្រជាជនដែលបានទទួលការចាក់វ៉ាក់សាំង AstraZeneca ជាដូសជំរុញលើកទី៣ ប្រឆាំងនឹងកូវីដ-១៩ ដែលបច្ចុប្បន្នមានចំនួន ៦៦៤,១១៣ នាក់ ត្រូវបានគេរំពឹងថានឹងមានចំនួនកើនឡើងនៅពេលដែលមនុស្សចាស់ ថ្នាក់ដឹកនាំមន្រ្តីរាជការ និងបុគ្គលិកសាលាក្រុង រដ្ឋបាលស្រុកចំនួន ១៤ រដ្ឋបាលឃុំចំនួន ១០៥ឃុំ និងបុគ្គលិកនៃនាយកដ្ឋានឯកទេសនៅក្នុងរាជធានី ក៏ដូចជាប្តីប្រពន្ធ និងប្រជាជនដែលមានអាយុចាប់ពី ៦០ ឆ្នាំឡើងទៅអាចទទួលការចាក់ដូសជំរុញនៅក្នុងទីក្រុងភ្នំពេញ។
 |
| កម្ពុជាបានចាក់វ៉ាក់សាំងការពារជំងឺកូវីដ-១៩ ដូសជំរុញលើកទី៣ អោយប្រជាជនបាន ៦៦៤,០០០នាក់ ហើយនឹងរំពឹងថានឹងមានចំនួនកើនឡើង នៅពេលក្រុមមនុស្សចាស់ជរាបានចាក់ដូសជំរុញនេះ |
ប្រជាជនដែលមានលក្ខណៈសម្បត្តិគ្រប់គ្រាន់ក្នុងការទទួលការចាក់វ៉ាក់សាំងដូសជំរុញលើកទី៣ គួរតែមានរយៈពេលចន្លោះពី៤ ទៅ៦ខែបន្ទាប់ពីបានចាក់ដូសទី២រួច។
វិធានការចាក់វ៉ាក់សាំងបានចែងថា វ៉ាក់សាំង AstraZeneca នឹងត្រូវបានប្រើជាដូសជំរុញចាប់ពីថ្ងៃនេះដល់ថ្ងៃទី ២០ ខែកញ្ញានៅមន្ទីរពេទ្យបង្អែករាជធានីនិងមន្ទីរពេទ្យបង្អែកនៅតាមស្រុកនីមួយៗ។
ប្រទេសសិង្ហបុរីទើបតែបានប្រកាសថា ប្រជាជនដែលមានអាយុលើសពី៦០ ឆ្នាំមានសិទ្ធិទទួលការចាក់ដូសជំរុញលើកទី៣ ចន្លោះពី៦ ទៅ ៩ ខែបន្ទាប់ពីបានចាក់លើកទី២ ហើយក្នុងករណីដែលបុគ្គលមានប្រព័ន្ធភាពស៊ាំខ្សោយ ពួកគេត្រូវបានចាត់ទុកថាមានសិទ្ធិទទួលការចាក់វ៉ាក់សាំងដូសជំរុញនៅចន្លោះពេល២ខែ បន្ទាប់ពីបានចាក់លើកទី២។
រដ្ឋបាលរាជធានីភ្នំពេញបានចែងថាប្រជាពលរដ្ឋត្រូវយកប័ណ្ណវ៉ាក់សាំងការពារជំងឺកូវីដ-១៩ អត្តសញ្ញាណប័ណ្ណមន្រ្តីរាជការ និងអត្តសញ្ញាណប័ណ្ណសញ្ជាតិខ្មែរ ឬឯកសារផ្សេងទៀតដែលប្រើសម្រាប់ចាក់វ៉ាក់សាំងលើកទី១។
រដ្ឋបាលរាជធានីក៏បានអំពាវនាវដល់ប្រជាពលរដ្ឋ និងមន្រ្តីរាជការទាំងអស់ដែលបានទទួលការចាក់វ៉ាក់សាំងការពារជំងឺកូវីដ-១៩ អោយប្រកាន់ខ្ជាប់យ៉ាងម៉ឺងម៉ាត់ក្នុងការរក្សាគម្លាតសង្គម និងពាក់ម៉ាស់ដើម្បីចៀសវាងការឆ្លងជំងឺកូវីដ-១៩ និងជាពិសេសត្រូវធ្វើតាមការណែនាំរបស់ក្រសួងសុខាភិបាល ៣ កុំ និង៣ការពារ។
អង្គការសុខភាពពិភពលោកបាននិយាយថាមានមូលហេតុផលមួយចំនួនដែលត្រូវការការចាក់វ៉ាក់សាំងដូសជំរុញការពារជំងឺកូវីដ-១៩៖ (១) ដើម្បីការពារប្រឆាំងនឹងការឆ្លងមេរោគឬជំងឺជាពិសេសជំងឺធ្ងន់ធ្ងរ (២) កាត់បន្ថយការការពារប្រឆាំងនឹងវីរុសបំលែង (៣) ការការពារមិនគ្រប់គ្រាន់សម្រាប់ក្រុមដែលមានហានិភ័យមួយចំនួន។
ការចាក់វ៉ាក់សាំងដូសជំរុញអាចមានភាពខុសគ្នាទៅតាមប្រភេទវ៉ាក់សាំង ការកំណត់រោគរាតត្បាត ក្រុមដែលមានហានិភ័យ និងអត្រាមានវ៉ាក់សាំងគ្រប់គ្រាន់។
ទីភ្នាក់ងារឱសថអឺរ៉ុប (European Medicines Agency-EMA) បាននិយាយនៅថ្ងៃទី ២ ខែកញ្ញាថា ដូសបន្ថែមគួរតែត្រូវពិចារណាចាក់អោយអ្នកដែលមានប្រព័ន្ធភាពស៊ាំចុះខ្សោយធ្ងន់ធ្ងរ ដែលជាផ្នែកមួយនៃការចាក់វ៉ាក់សាំងបឋមរបស់ពួកគេ។
Khmertimes/FN
មតិពីមិត្តអ្នកអាន