Trending now

វៀតណាមស្វាគមន៍រាល់ការខិតខំប្រឹងប្រែងរបស់មជ្ឈមណ្ឌលអង្គការសហប្រជាជាតិសម្រាប់វិស័យការទូតបង្ការនៅតំបន់អាស៊ីកណ្តាល

13:01 | 28/07/2021 ហេង វុធ្ធី

ឯកអគ្គរដ្ឋទូតវៀតណាម លោក Dang Dinh Quy ប្រធានបេសកម្មអចិន្រ្តៃយ៍របស់វៀតណាមប្រចាំនៅអង្គការសហប្រជាជាតិ បានកោតសរសើរចំពោះកិច្ចខិតខំប្រឹងប្រែងរបស់មជ្ឈមណ្ឌលប្រចាំតំបន់របស់អង្គការសហប្រជាជាតិសម្រាប់វិស័យការទូតបង្ការនៅអាស៊ីកណ្តាល (UNRCCA) និងតំណាងពិសេសរបស់ខ្លួន គឺលោកស្រី Natalia Gherman ក្នុងការជំរុញកិច្ចការពារការទូតនៅអាស៊ីកណ្តាល ដែលរួមចំណែកដល់សន្តិភាព ស្ថេរភាព និងការអភិវឌ្ឍនៅក្នុងតំបន់។

លោកឯកអគ្គរដ្ឋទូត Ha Kim Ngoc៖ ជំនួយវ៉ាក់សាំងពីអាមេរិកគឺជាការចែករំលែកទាន់ពេលវេលា និងមានអត្ថន័យសម្រាប់វៀតណាម លោកឯកអគ្គរដ្ឋទូត Ha Kim Ngoc៖ ជំនួយវ៉ាក់សាំងពីអាមេរិកគឺជាការចែករំលែកទាន់ពេលវេលា និងមានអត្ថន័យសម្រាប់វៀតណាម
អ្នកនាំពាក្យក្រសួងការបរទេសវៀតណាម៖ វៀតណាមស្វាគមន៍អាមេរិកដែលមិនកែប្រែគោលនយោបាយពាណិជ្ជកម្ម អ្នកនាំពាក្យក្រសួងការបរទេសវៀតណាម៖ វៀតណាមស្វាគមន៍អាមេរិកដែលមិនកែប្រែគោលនយោបាយពាណិជ្ជកម្ម

វៀតណាមស្វាគមន៍រាល់ការខិតខំប្រឹងប្រែងរបស់មជ្ឈមណ្ឌលអង្គការសហប្រជាជាតិសម្រាប់វិស័យការទូតបង្ការនៅតំបន់អាស៊ីកណ្តាល

ថ្លែងទៅកាន់កិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ ស្តីពីសកម្មភាពរបស់ UNRCCA កាលពីថ្ងៃទី២៦ ខែកក្កដា លោក Quy បានថ្លែងយ៉ាងខ្ពស់អំពីសកម្មភាពរបស់មជ្ឈមណ្ឌលនេះក្នុងការគាំទ្រដល់ដំណើរការនយោបាយនៅក្នុងប្រទេសកៀហ្ស៊ីស្ថាន ជំរុញកិច្ចពិភាក្សាអំពីបញ្ហាព្រំដែនដែលទាក់ទងនឹងកៀហ្ស៊ីស្ថាន និងតាជីគីស្ថាន ក៏ដូចជាជួយកសាងកិច្ចព្រមព្រៀងរួមរវាងបណ្តាប្រទេសនៅតំបន់អាស៊ីកណ្តាល ស្តីពីការគ្រប់គ្រងការឆ្លងកាត់ព្រំដែនទឹកផងដែរ។

លោកបានសម្តែងក្តីសង្ឃឹមថា UNRCCA នឹងបន្តដើរតួនាទីយ៉ាងសំខាន់ក្នុងការគាំទ្រដល់បណ្តាប្រទេសនៅអាស៊ីកណ្តាលក្នុងការឆ្លើយតបនឹងការរីករាលដាលនៃជំងឺកូវីដ-១៩ ការបម្រែបម្រួលអាកាសធាតុ ការប្រយុទ្ធប្រឆាំងនឹងអំពើភេរវកម្ម និងឧក្រិដ្ឋកម្មឆ្លងប្រទេស ការគ្រប់គ្រងធនធានទឹកឆ្លងកាត់ព្រំដែន ការពង្រឹងកិច្ចសហប្រតិបត្តិការក្នុងតំបន់ និងការលើកកម្ពស់ការចូលរួមរបស់យុវជន និងស្ត្រីក្នុងវិស័យការទូតបង្ការ។

អ្នកតំណាងប្រទេសវៀតណាមរុបនេះក៏បានចែករំលែកនូវការព្រួយបារម្ភផងដែរ អំពីផលប៉ះពាល់អវិជ្ជមាននៃស្ថានការណ៍នៅអាហ្វហ្គានីស្ថានចំពោះបណ្តាប្រទេសនៅអាស៊ីកណ្តាល និងមានបំណងថា សហគមន៍អន្តរជាតិ UNRCCA និងបេសកកម្មជំនួយរបស់អង្គការសហប្រជាជាតិនៅអាហ្គានីស្ថាន ត្រូវបន្តធ្វើការងារឱ្យបានកាន់តែជិតស្និទ្ធដើម្បីកាត់បន្ថយផលប៉ះពាល់នេះ និងចូលរួមដល់ស្ថេរភាពក្នុងតំបន់។

UNRCCA គឺជាបេសកកម្មនយោបាយពិសេសមួយរបស់អង្គការសហប្រជាជាតិ ដែលត្រូវបានបង្កើតឡើងក្នុងឆ្នាំ ២០០៧ នៅទីក្រុង Ashgabat ប្រទេសតួកមេនីស្ថាន ក្រោមគំនិតផ្តួចផ្តើមរបស់រដ្ឋទាំង ៥ នៅតំបន់អាស៊ីកណ្តាល។ តួនាទីរបស់វា គឺដើម្បីកំណត់ និងដោះស្រាយការគំរាមកំហែងដែលមានស្រាប់ និងសក្តានុពលចំពោះស្ថេរភាពក្នុងតំបន់។ លើសពីនេះទៀត មជ្ឈមណ្ឌលសម្របសម្រួលភាពជាដៃគូរវាងរដ្ឋាភិបាលនៃតំបន់អាស៊ីកណ្តាលក្នុងកិច្ចសហប្រតិបត្តិការជាមួយអង្គការក្នុងតំបន់ និងអន្តរជាតិ។ ក្រុមប្រឹក្សាសន្តិសុខអង្គការសហប្រជាជាតិបានកោះប្រជុំរាល់សកម្មភាពរបស់មជ្ឈមណ្ឌលនេះរៀងរាល់ ៦ខែម្តង៕

ហេង វុធ្ធី

information.gov.kh/ AKP

មតិពីមិត្តអ្នកអាន

ព័ត៌មានថ្មីៗ

សហគមន៍អណិកជនវៀតណាមជួយឧបត្ថម្ភគម្រោងស្ពាននិងផ្លូវនៅខេត្តកំពតរបស់កម្ពុជា
វៀតណាមគឺជាប្រទេសដែលមានទំនួលខុសត្រូវចំពោះការអភិវឌ្ឍប្រកបដោយចីរភាពរបស់ពិភពលោក
រដ្ឋាភិបាលវៀតណាមកោតសរសើរដល់សមូហភាពនិងបុគ្គល ក្នុងការបង្ការនិងប្រយុទ្ធប្រឆាំងជំងឺកូវីដ ១៩
វៀតណាមទទួលស្គាល់ «លិខិតឆ្លងដែនវ៉ាក់សាំង» ជាមួយបណ្តាប្រទេស
កម្មវិធីប្រគុំតន្តី «តភ្ជាប់រង្វង់ដៃធំ - ប្រទេសទាំងមូលរួមកម្លាំងកាយចិត្តយកឈ្នះលើជំងឺកូវីដ ១៩»