យុគសម័យ - នារសៀលថ្ងៃទី ២៤ ឧសភា ថ្នាក់ដឹកនាំគណៈកម្មាធិការមជ្ឈិមរសិរ្សមាតុភូមិវៀតណាមបានប្រគល់ថវិការឧបត្ថម្ភចំនួន ៤ ពាន់លានដុង ពីមូលនិធិទទួលការគាំទ្រសំរាប់ការបង្ការនិងប្រយុទ្ធប្រឆាំងនឹងជំងឺកូវីដ ១៩ ដល់គណៈកម្មាធិការរដ្ឋទទួលបន្ទុកជនវៀតណាមនៅឯបរទេស - ក្រសួងការបរទេស ។
 |
| អនុប្រធានគណៈកម្មាធិការមជ្ឈិមរណសិរ្សមាតុភូមិវៀតណាម លោកស្រី Truong Thi Ngoc Anh បានប្រគល់ថវិការចំនួន ៤ ពាន់លានដុងដល់គណៈកម្មាធិការរដ្ឋទទួលបន្ទុកជនវៀតណាមនៅឯបរទេស។ (រូបថត៖ Quang Vinh) |
ថវិកានេះនឹងត្រូវប្រើប្រាស់ដោយក្រសួងការបរទេស ដើម្បីគាំទ្រសហគមន៍ប្រជាជនវៀតណាមនៅប្រទេស ឡាវ កម្ពុជា ថៃ និងម៉ាឡេស៊ី ដើម្បីជំនះរាល់ការលំបាកដែលបង្កឡើងដោយជំងឺរាតត្បាតកូវីដ ១៩ ។
អនុប្រធានគណៈកម្មាធិការមជ្ឈិមរណសិរ្សមាតុភូមិវៀតណាម លោកស្រី Truong Thi Ngoc Anh បានមានប្រសាសន៍ថា ថវិការនេះគឺជាទឹកចិត្ត ការចែករំលែករបស់ប្រជាជននៅទូទាំងប្រទេសជូនដល់សហគមន៍ប្រជាជនវៀតណាមនៅឯបរទេសដែលកំពុងជួបការលំបាក ដោយជំងឺកូវីដ ១៩ ។
លោកស្រី Truong Thi Ngoc Anh បានអះអាងថា សកម្មភាព នេះជាការបង្ហាញយ៉ាងច្បាស់អំពីសាមគ្គីភាពរបស់ប្រជាជនវៀតណាម។ នោះក៏ជាប្រភពកម្លាំងផងដែរសម្រាប់ប្រជាជនយើងជំនះរាល់ការលំបាកនិងឧបសគ្គ។
អនុប្រធានគណៈកម្មាធិការមជ្ឈិមរណសិរ្សមាតុភូមិវៀតណាម លោកស្រី Truong Thi Ngoc Anh សង្ឃឹមថា ថវិកានេះនឹងត្រូវបានចែកចាយឱ្យបានទាន់ពេលវេលាដល់ប្រជាជនវៀតណាម នៅប្រទេសឡវ ថៃ កម្ពុជា និងម៉ាឡេស៊ី ដោយគណៈកម្មាធិការរដ្ឋទទួលបន្ទុកជនវៀតណាមនៅឯបរទេសដើម្បីជំនះការលំបាកនិងឧបសគ្គដែលបណ្តាលមកពី ជំងឺរាតត្បាតកូវីដ ១៩ ។
ក្នុងនាមប្រជាជនវៀតណាមនៅឯបរទេស ជាពិសេសសហគមន៍ជនវៀតណាមក្នុងប្រទេសទាំងបួនខាង លើនេះ លោកអនុរដ្ឋមន្ត្រីក្រសួងការបរទេស Dang Minh Khoi បានថ្លែងអំណរគុណចំពោះគណៈកម្មាធិការរណសិរ្សមាតុភូមិវៀតណាម។ ទន្ទឹមនឹងនេះបញ្ជាក់ថា ថវិកានេះគឺជាការលើកទឹកចិត្តដល់ប្រជាជនក្នុងគ្រាលំបាកបំផុតនិងបង្ហាញយ៉ាងច្បាស់នូវគោលនយោបាយសាមគ្គីភាពដ៏ធំធេងរបស់បក្ស រដ្ឋនិងការយកចិត្តទុកដាក់របស់ប្រជាជននៅក្នុងប្រទេសឆ្ពោះទៅជនរួមជាតិនៅឯបរទេស ក្នុងស្មារតី "មិនទុកនរណាម្នាក់នៅខាងក្រោយ" ។ ជាមួយគ្នានេះក្រសួងការបរទេសនឹងប្រគល់ថវិកាជំនួយនេះដល់ប្រជាជននៅបណ្តាប្រទេសខាងលើ តាមរយៈស្ថានទូតវៀតណាមនៅឯបរទេស។
លោកអនុរដ្ឋមន្រ្តី Dang Minh Khoi ក៏បានបន្ថែមទៀតថា ក្នុងរយៈពេលកន្លងមក ក្រសួងការបរទេសបានសម្របសម្រួលជាមួយស្ថាប័នសមត្ថកិច្ចដែលរៀបចំជើងហោះហើរជិត ៥០០ ជើង ដើម្បីដឹកជញ្ជូនប្រជាជនវៀតណាមនៅឯបរទេសប្រមាណ ១៣០.០០០ នាក់ដែលមានតម្រូវការត្រឡប់មកប្រទេស វៀតណាមវិញ។ នៅក្នុងខែមិថុនាខាងមុខនេះ ក្រសួងនឹងសម្របសម្រួលជាមួយស្ថាប័នមានសមត្ថកិច្ច ដើម្បីបន្តរៀបចំជើងហោះហើរមួយចំនួនដែលបន្តដឹកជញ្ជូនប្រជាជនជួបការលំបាក ដោយសារតែការ រីករាលដាលនៃជំងឺរាតត្បាតគម្រប ១៩ បានត្រឡប់ទៅវៀតណាមវិញ រៀបចំពីធីរៃអង្គាសម៉ាស់ ឧបករណ៍វេជ្ជសាស្រ្តនិងគ្រឿងផ្គត់ផ្គង់ ដើម្បីគាំទ្រជនរួមជាតិវៀតណាមនៅបរទេស… / ។
មតិពីមិត្តអ្នកអាន