យុគសម័យ - នៅខេត្ត Lai Chau នៅមានម្ហូបមួយចំនួនទៀតច្នៃពីស្លែជ្រោះដូចជាសម្ល ស្លែអាំង និងស្លែឆាខ្ទឹមស។ក្រៅពីនោះក៏មានស្រាMong Ke ដែលបិទពីពោតដែរ។ម្ហូបទាំងនេះរួមជាមួយវប្បធម៌ប្រពៃណីរបស់ប្រជាជនគ្រប់ជនជាតិបានទាក់ទាញភ្ញៀវជាតិនិងអន្តរជាតិជាច្រើនមកទស្សនាទឹកដី Lai Chau
 ខ្ពង់រាប Moc Chau ខ្សែផ្លូវ, ដំណើរកំសាន្ត, ស្វែងរក, តំបន់ពាយព្យនៃប្រទេសវៀតណាម |
 ឧបករណ៍តន្រ្តីប្រពៃណីរបស់ជនជាតិភាគតិច Dao Khau នៅស្រុក Sin Ho ខេត្ត Lai Chau |
 |
| កូនជ្រូកអាំង |
ក្រៅពីមានទេសភាពធម្មជាតិស្រស់ស្អាតនិងមនុស្ស រាក់ទាក់ខេត្ត Lai Chauនៅប៉ែកពាយព្យវៀតណាមក៏ល្បីឈ្មោះដោយសារមាន ម្ហូបអាហារឈ្ងុយឆ្ងាញ់ជាច្រើនប្រភេទទៀតផង។មុខម្ហូបស្ទើរតែទាំងអស់ សុទ្ធតែបានច្នៃពីគ្រឿងផ្សំដែលផ្សាភ្ជាប់ជាមួយនឹងជីវភាពរស់នៅប្រចាំថ្ងៃ របស់ប្រជាជនគ្រប់ជនជាតិនៅក្នុងខេត្ត។
ប្រជាពលរដ្ឋគ្រប់ជនជាតិនៅខេត្ត Lai Chau ភាគច្រើនគឺប្រកបរបរ ធ្វើស្រែចំការនិងចិញ្ចឹមសត្វដូចជាគោ ក្របី ជ្រូក មាន់ ទា ជាដើម។សត្វទាំង នេះសុទ្ធតែបានចិញ្ចឹមតាមបែបធម្មជាតិដើម្បីបំរើឲ្យតម្រូវការខាងម្ហូបអាហារជារៀងរាល់ថ្ងៃក៏ដូចជាពេលមានពិធីបុណ្យទានផងដែរ។នៅខេត្ត Lai Chau មានជ្រូកមួយប្រភេទដែលសាច់ឆ្ងាញ់ដោយមួយក្បាលមានទំងន់ ពី១០ដល់១៥គីឡូក្រាមតែប៉ុណ្ណោះ។
 |
| បាយដំណើបពណ៌ស្វាយ |
ជ្រូកប្រភទនេះស៊ីតែស្លឹកឈើនិងមើមក្នុងព្រៃបានជាសាច់ឆ្ងាញ់និងមានខ្លាញ់តិច។ពីសាច់ជ្រូកនេះ បងប្អូនជនជាតិភាគតិចក្នុងខេត្តបានធ្វើម្ហូបគ្រប់មុខដូចជា សាច់ជ្រូកចំហុយ សាច់ជ្រូកអាំង ជាពិសេសគឺមុខម្ហូបសាច់ជ្រូកឆ្អើរ។តាមលោក Nguyen Thanh Trung នៅទីក្រុង Lai Chauបានឲ្យដឹងថា“សាច់ជ្រូកឆ្អើរគឺជាមុខម្ហូបប្រពៃណីរបស់ជនជាតិស្ទើរតែទាំងអស់នៅតំបន់ព្រៃភ្នំ។គេច្នៃសាច់ជ្រូកឆ្អើរច្រើនតែនៅរដូវរងាដោយសារធ្វើនៅរដូវផ្សេងគឺសាច់ជ្រូកនឹងមិនឆាប់ស្ងួតហើយត្រូវខូចទៀត។ស្ដីពីវិធីច្នៃគឺក្រោយពីកាប់ជ្រូក គេចហាន់សាច់ជាបន្ទះធំរួចប្រឡាក់ជាមួយគ្រឿងទេសដូចជាអំបិល ម្ទេស និងគ្រាប់ផ្សេងៗក្នុងព្រៃ។ក្រោយមកគេយកសាច់ជ្រូកដែលបានប្រឡាក់ហើយនោះព្យួរនៅលើចង្ក្រានដើម្បីឆ្អើរ។លុះដល់ពេលណាសាច់ស្ងួតគឺហូបបាន”។
 |
| ញាំលាយមួយបន្លែម្យ៉ាងដ៏ប្លែកៗនៅខេត្ត Lai Chau |
បើមកទស្សនាខេត្ត Lai Chauភ្ញៀវទេសចរតែងតែដើរផ្សារDao San ផ្សារSin Ho និងផ្សារSan Thang ដើម្បីភ្លក់មុខម្ហូបបាយដំណើបចំហុយពណ៌ស្វាយដោយប្រជាពលរដ្ឋនៅលើភ្នំច្នៃហើយយកមកលក់នៅផ្សារ។បាយនេះហូបជាមួយសាច់អាំងឬត្រីដុតគឺឆ្ងាញ់ណាស់។ទោះបីជាស្ថិតនៅតំបន់ខ្ពង់រាបក្ដីតែខេត្តLai Chauក៏សំបូរទន្លេនិងជ្រោះដែរ។ហេតុនេះហើយប្រជាជនក្នុងខេត្តមានម្ហូបជាច្រើនមុខច្នៃពីត្រីដែលក្នុងនោះល្បីល្បាញបំផុតគឺម្ហូបត្រីដុត Pa pinh top។ត្រីសំរាប់ធ្វើម្ហូបនេះជាត្រីគល់រាំងចាប់ក្នុងអូរមកធ្វើឲ្យស្អាតរួចប្រឡាក់ជាមួយគ្រឿងទេសរួមមានជីក្រអូប គ្រាប់ឈូក គ្រាប់mac ken ស្លឹកក្រី ម្ទេសជាដើម។បន្ទាប់មកគេអាំងត្រីនេះលើអុសលុះដល់ឆ្អិន។ម្ហូបនេះឈ្ងុយឆ្ងាញ់ដែលតែងតែបានប្រជាជនធ្វើនៅក្នុងពិធីបុណ្យទានឬពេលទទួលភ្ញៀវមកលេងផ្ទះ។
m |
| ម្ហូបនេះគេហៅថា Pa Pinh Top (ត្រីអាំងម្យ៉ាង) |
ភ្ញៀវទេសចរដែលមកទស្សនាភូមិរបស់ជនជាតិThaiនោះតែងតែបានភ្លក់ម្ហូបញាំទំពាំងផ្កាជើងគោដែលមានឱជារសជូរផ្អែមហឹរល្វីងប្រៃ។តាមអ្នកស្រី Nguyen Phuong Anh ជាភ្ញៀវទេសចរមួយរូបមកពីក្រុងហាណូយបានឲ្យដឹងថា“ម្ហូបញាំនេះមានរសជាតិដ៏ចំឡែកហើយមានពណ៌សំបុរស្អាតគឺពណ៌ស្វាយនិងពណ៌សរបស់ផ្កាជើងគោ។ញាំទំពាំងផ្កាជើងគោនេះមានឱជារសឈ្ងុយផ្អែមរបស់សាច់ត្រីអាំងនិងជាតិល្វីងរបស់ទំពាំងស្រស់និងជាតិជូរផ្អែមរបស់ទឹកជ្រលក់។ខ្ញុំចូលចិត្តមុខម្ហូបនេះណាស់”។
នៅខេត្ត Lai Chau នៅមានម្ហូបមួយចំនួនទៀតច្នៃពីស្លែជ្រោះដូចជាសម្ល ស្លែអាំង និងស្លែឆាខ្ទឹមស។ក្រៅពីនោះក៏មានស្រាMong Ke ដែលបិទពីពោតដែរ។ម្ហូបទាំងនេះរួមជាមួយវប្បធម៌ប្រពៃណីរបស់ប្រជាជនគ្រប់ជនជាតិបានទាក់ទាញភ្ញៀវជាតិនិងអន្តរជាតិជាច្រើនមកទស្សនាទឹកដី Lai Chau៕
dulich24/VOV
មតិពីមិត្តអ្នកអាន