យុគសម័យ - នារសៀលថ្ងៃទី១២ ខែឧសភា ឆ្នាំ២០២១ វេលាម៉ោង ១៥:៣០ នាទីឯកឧត្តម ចាយ ណាវុធ ឯកអគ្គរាជទូត នៃព្រះរាជាណាចក្រកម្ពុជា ប្រចាំវៀតណាម និងមន្ត្រីស្ថានទូត បានទទួលជានិមិត្តរូបនូវទឹកប្រាក់ចំនួន ៥០០លានដុង ជាថវិកាឧបត្ថម្ភដោយសមាគមមិត្តភាពវៀតណាម-កម្ពុជា ជូនសមាគមមិត្តភាពកម្ពុជា-វៀតណាម ក្នុងការប្រយុទ្ធប្រឆាំងជំងឺកូវីដ-១៩ នៅពេលកម្ពុជាជួបការលំបាក។
លោកជំទាវ Nguyen Phuong Nga និង ឯកឧត្តម ចាយ ណាវុធ ឯកអគ្គរាជទូត នៃព្រះរាជាណាចក្រកម្ពុជា ប្រចាំវៀតណាម។ |
ភ្ញៀវកិត្តិយស មាន លោកជំទាវ Nguyen Phuong Nga ប្រធានសម្ព័ន្ធអង្គការមិត្តភាពវៀតណាម (VUFO) បានដឹកនាំគណៈប្រតិភូ នៃVUFO និងសមាគមមិត្តភាពវៀតណាម -កម្ពុជា តំណាងដោយលោក Vu Vuong Viet។
ក្នុងពិធីនោះ ប្រធានសម្ព័ន្ធអង្គការមិត្តភាពវៀតណាម លោកជំទាវ Nguyen Phuong Nga តាងនាមសមាគម បានផ្តល់ជូនឯកអគ្គរាជទូតកម្ពុជាប្រចាំប្រទេសវៀតណាម លោក ចាយ ណាវុធ នូវថវិកាចំនួន ៥០០ លានដុង ហើយសង្ឃឹមថាលោកឯកអគ្គរាជទូតអាចជួយផ្ទេរថវិកាខាងលើទៅសមាគមមិត្តភាពកម្ពុជា - វៀតណាមដើម្បីជួយគាំទ្រប្រជាជនកម្ពុជាក្នុងគ្រាលំបាកនេះ។
ថ្លែងនៅក្នុងពិធីនេះ លោកជំទាវ Nguyen Phuong Nga មានប្រសាសន៍ថា វៀតណាម និងកម្ពុជាគឺជាប្រទេសជិតខាងដែលមានទំនាក់ទំនងជិតស្និទ្ធ មិត្តភាពជាប្រពៃណី ហើយតែងតែចែករំលែក និងជួយគាំទ្រគ្នាទៅវិញទៅមកក្នុងគ្រាលំបាក។ អំណោយខាងលើគឺជាទឹកចិត្តរបស់សមាគមមិត្តភាពវៀតណាម - កម្ពុជា ដោយមានបំណងចង់ជួយប្រជាជនកម្ពុជាជំនះរាល់ការលំបាក យកឈ្នះលើការរីករាលដាលនៃ ជំងឺកូវីដ-១៩ ហើយទន្ទឹមនឹងនោះរួមចំណែកពង្រឹង និងពង្រីកចំណងសាមគ្គីភាព មិត្តភាពល្អរវាងប្រជាជន នៃប្រទេសទាំងពីរ។
ឯកឧត្តម ចាយ ណាវុធ ឯកអគ្គរាជទូត នៃព្រះរាជាណាចក្រកម្ពុជា ប្រចាំវៀតណាម និងមន្ត្រីស្ថានទូត បានទទួលជានិមិត្តរូបនូវទឹកប្រាក់ចំនួន ៥០០លានដុង ជាថវិកាឧបត្ថម្ភដោយសមាគមមិត្តភាពវៀតណាម-កម្ពុជា ជូនសមាគមមិត្តភាពកម្ពុជា-វៀតណាម ក្នុងការប្រយុទ្ធប្រឆាំងជំងឺកូវីដ-១៩ នៅពេលកម្ពុជាជួបការលំបាក។ |
ការបរិច្ចាគខាងលើ គឺទទួលបានការចូលរួមចំណែកឧបត្ថម្ភ ពីអតីតប្រធានរដ្ឋវៀតណាម ចំនួនពីររូប គឺឯកឧត្តម TRUONG TAN SANG និងឯកឧត្តម NGUYEN MINH TRIET។
នាឱកាសនោះ ថ្លែងអំណរគុណយ៉ាងជ្រាលជ្រៅចំពោះសមាគម បុគ្គល និងអង្គការទាំងឡាយ ដែលបានជួយប្រជាជនកម្ពុជាក្នុងការបង្ការ និងទប់ស្កាត់នឹងជំងឺកូវីដ-១៩ ឯកឧត្តមឯកអគ្គរាជទូតចាយ ណាវុធ បានបញ្ជាក់ថា នេះមិនត្រឹមតែជាកាយវិការមនុស្សធម៌ប៉ុណ្ណោះទេ ថែមទាំងវាក៏ជាការឆ្លុះបញ្ចាំងពីចំណងមិត្តភាពជាប្រពៃណី សាមគ្គីភាព និងភាពជាអ្នកជិតខាងល្អរប្រើសើរវាងប្រជាជាតិទាំងពីរទៀតផង៕
thoidai.com.vn
មតិពីមិត្តអ្នកអាន