បញ្ជាការដ្ឋានយោធភូមិភាគទី៣ កងយោធពលខេមរភូមិន្ទ ជូនពរឆ្នាំថ្មីដល់ថ្នាក់ដឹកនាំ និងប្រជាជនខេត្ត An Giang (វៀតណាម)

ខេត្ត Kien Giang (វៀតណាម)៖ កិច្ចប្រជុំបូកសរុបរយៈពេលមួយឆ្នាំនៃការអនុវត្តកិច្ចសន្យាប្រឡងប្រណាំងកសាងព្រំដែនវៀតណាម-កម្ពុជាប្រកបដោយសន្តិភាព

វៀតណាម៖ ពិធីបើក Festival អាវ Ba Ba នៅខេត្ត Hau Giang ឆ្នាំ២០២៣

លោកមេបញ្ជាការរង ជូនអំណោយឆ្នាំថ្មីដល់ថ្នាក់ដឹកនាំខេត្ត An Giang

ក្នុងជំនួប លោកមេបញ្ជាការរង បានសង្កត់ធ្ងន់ថា ប្រជាជនកម្ពុជានឹងមិនភ្លេចនូវជំនួយដែលវៀតណាមផ្ដល់ដល់កម្ពុជាក្នុងការវាយរំលំរបបប្រល័យពូជសាសន៍ ប៉ុល ពត និងនាពេលកន្លងមកនេះ។ វៀតណាម និងកម្ពុជាមានកិច្ចសហប្រតិបត្តិការលើវិស័យជាច្រើន បង្ហាញពីចំណងសាមគ្គីភាព និងមិត្តភាពរវាងប្រទេសទាំងពីរ។

នាពេលខាងមុខ បញ្ជាការយោធភូមិភាគទី៣ កងយោធពលខេមរភូមិន្ទ នឹងបន្តសហការជាមួយយោធភូមិភាគទី៩ នៃកងទ័ពប្រជាជនវៀតណាម ដើម្បីដឹកនាំកងកម្លាំងនៃភាគីទាំងពីរ អនុវត្តការធានាសន្តិសុខនៅតាមព្រំដែនឲ្យបានល្អ ប្រយុទ្ធប្រឆាំងនឹងបទល្មើសគ្រប់ប្រភេទ បង្កើតលក្ខណៈងាយស្រួលសម្រាប់ប្រជាពលរដ្ឋនៃប្រទេសទាំងពីរក្នុងការដោះដូរទំនិញ។

ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម លោកមេបញ្ជាការរង បានជូនពរថ្នាក់ដឹកនាំ និងប្រជាជនខេត្ត An Giang ជួបតែសេចក្តីសុខ និងសុភមង្គល ព្រមទាំងជូនពរឲ្យចំណងសាមគ្គីភាពរវាងវៀតណាម និងកម្ពុជាកាន់តែរឹងមាំ និងគងវង្សជារៀងរហូត។

ថ្លែងមតិក្នុងជំនួប លោក Le Van Phuoc អនុប្រធានគណៈកម្មាធិការប្រជាជនខេត្ត An Giang បានឲ្យដឹងថា ក្នុងទំនាក់ទំនងសហប្រតិបត្តិការរវាងវៀតណាម និងកម្ពុជា នារយៈពេលកន្លងមក ខេត្ត An Giang តែងតែរក្សា និងពង្រឹងទំនាក់ទំនងសាមគ្គីភាពជាប្រពៃណីជាមួយខេត្តជាប់ព្រំដែនទាំងពីរគឺ ខេត្តតាកែវ និងខេត្តកណ្តាល ក៏ដូចជាបញ្ជាការដ្ឋានយោធភូមិភាគទី៣ និងកងកំលាំងប្រដាប់អាវុធកម្ពុជាមួយចំនួន។

ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម២០២៤ លោក Le Van Phuoc បានជូនពរលោកមេបញ្ជាការរង និងគណៈប្រតិភូ មានសុខភាពល្អ សុភមង្គល និងបំពេញល្អគ្រប់ភារកិច្ចទាំងអស់ ហើយជូនពរឲ្យចំណងសាមគ្គីភាព មិត្តភាព និងប្រពៃណីល្អរវាងវៀតណាម និងកម្ពុជានិយាយរួម និងរវាងខេត្ត An Giang និងយោធភូមិភាគទី៣ កងយោធពលខេមរភូមិន្ទនិយាយដោយឡែកឲ្យស្ថិតស្ថិជាអមត៕

យោងតាមកាសែតកងទ័ពប្រជាជន