រុស្ស៊ីនិងវៀតណាមជំរុញកិច្ចសហប្រតិបត្តិការទ្វេភាគីលើវិស័យពន្ធគយ

21:08 2019/09/12

យុគសម័យ - ក្នុងក្របខ័ណ្ឌនៃកិច្ចសហប្រតិបត្តិការទ្វេភាគីរវាងគយវៀតណាមនិងស្ថាប័នគយសហព័ន្ធរុស្ស៊ី ប្រធានអគ្គនាយកដ្ឋានគយវៀតណាមនិងប្រធានស្ថាប័នគយសហព័ន្ធរុស្ស៊ីបានជួបពិភាក្សាទ្វេភាគីនៅទីក្រុងមូស្គូ។

រុស្ស៊ីនិងវៀតណាមជំរុញកិច្ចសហប្រតិបត្តិការទ្វេភាគីលើវិស័យពន្ធគយ
ទិដ្ឋភាពនៃជំនួបពិភាក្សា (រូបថត៖ tapchithongtindoimngoai.vn)

កិច្ចពិភាក្សាទ្វេភាគីនេះមានគោលបំណងពង្រឹងការអនុវត្តប្រកបដោយប្រសិទ្ធភាពនិងជាក់ស្តែងនៃការប្តេជ្ញាចិត្ត សំដៅជំរុញកិច្ចសហប្រតិបត្តិការពាណិជ្ជកម្មនិងសម្រួលពាណិជ្ជកម្មឲ្យស្របតាមកិច្ចព្រមព្រៀងពាណិជ្ជកម្មសេរីរវាងវៀតណាមនិងសហភាពសេដ្ឋកិច្ចអាស៊ី-អឺរ៉ុប (FTA VIETNAM - EAEU) ដែលបានចុះហត្ថលេខានិងចូលជាធរមានចាប់ពីថ្ងៃទី ៥ ខែតុលាឆ្នាំ ២០១៦ ។

ប្រធានអគ្គនាយកដ្ឋានគយវៀតណាមលោក Nguyen Van Can  បានអះអាងថាវៀតណាមកំពុងខិតខំប្រឹងប្រែងអស់ពីកម្លាំងកាយចិត្តដើម្បីបង្កើតបរិយាកាសធុរកិច្ចប្រកបដោយសមភាព ត្រឹមត្រូវ និងស្របតាមច្បាប់សម្រាប់អាជីវកម្ម ព្រមទាំងត្រៀមខ្លួនសម្របសម្រួលជាមួយស្ថាប័នគយនានានៅលើពិភពលោក ក្នុងនោះមានស្ថាប័នគយសហព័ន្ធរុស្ស៊ីដើម្បីទប់ស្កាត់ការរត់ពន្ធនិងការក្លែងបន្លំពាណិជ្ជកម្មផងដែរ។

ជាទីបញ្ចប់នៃជំនួបពិភាក្សានេះ ភាគីទាំងពីរបានឯកភាពគ្នាបង្កើនកិច្ចខិតខំប្រឹងប្រែងបន្ថែមទៀតក្នុងការអនុវត្តប្រកបដោយប្រសិទ្ធភាពនិងជាក់ស្តែងនូវការសន្យាស្តីពីការសម្របសម្រួលពាណិជ្ជកម្មនិងសន្តិសុខនៃប្រព័ន្ធខ្សែសង្វាក់ផ្គត់ផ្គង់ដើម្បីរួមចំណែកក្នុងការបង្កើនទំហំពាណិជ្ជកម្មនាំចេញ - នាំចេញ ព្រមទាំងលើកកម្ពស់ការអភិវឌ្ឍន៍ទំនាក់ទំនងពាណិជ្ជកម្មនិងសេដ្ឋកិច្ចរវាងវៀតណាមនិងសហព័ន្ធរុស្ស៊ីនាពេលខាងមុខនេះផងដែរ៕
(ហេង វុធ្ធី)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll