យុគសម័យ - អនុវត្តកិច្ចព្រមព្រៀងសហប្រតិបត្តិការរវាងក្រសួងការបរទេសនៃសាធារណរដ្ឋសង្គមនិយមវៀតណាមនិងក្រសួងការបរទេសនៃសាធារណរដ្ឋប្រជាធិបតេយ្យប្រជាមានិតឡាវ ដោយទទួលយកការអញ្ជើញរបស់លោករដ្ឋមន្រ្តីក្រសួងការបរទេសឡាវ Saleumsay Kommasith លោកឧបនាយករដ្ឋមន្រ្តីនិងរដ្ឋមន្រ្តីក្រសួងការបរទេស Pham Binh Minh បានបំពេញទស្សនកិច្ច ជាផ្លូវការ នៅប្រទេសឡាវ ចាប់ពីថ្ងៃទី ២៩-៣០ ខែវិច្ឆិកា ឆ្នាំ ២០២០ និងអញ្ជើញធ្វើជាសហប្រធាននៃកិច្ចពិគ្រោះយោបល់នយោបាយប្រចាំឆ្នាំលើកទី ៧ ថ្នាក់រដ្ឋមន្រ្តីក្រសួងការបរទេសវៀតណាម - ឡាវ រួមផ្សំនឹងការជម្រុញឱ្យអនុវត្ត គម្រោងសហប្រតិបត្តិការសំខាន់ៗរវាងប្រទេសទាំងពីរ។
លោកឧបនាយករដ្ឋមន្រ្តីនិងរដ្ឋមន្រ្តីក្រសួងការបរទេស Pham Binh Minh បានបំពេញទស្សនកិច្ច ជាផ្លូវការ នៅប្រទេសឡាវ ចាប់ពីថ្ងៃទី ២៩-៣០ ខែវិច្ឆិកា ឆ្នាំ ២០២០
ភាគីទាំងពីរបានវាយតម្លៃថា ទោះបីជួបការលំបាកជាច្រើនដែលបណ្តាលមកពី ការរីករាលដាលនៃជំងឺ COVID-19 ក៏ដោយ ក្នុងរយៈពេលប៉ុន្មានឆ្នាំកន្លងមកថ្មីនេះ ទំនាក់ទំនងកិច្ចសហប្រតិបត្តិការវៀតណាម - ឡាវ នៅតែបន្តអភិវឌ្ឍន៍យ៉ាងល្អប្រសើរ។ កិច្ចសហប្រតិបត្តិការនយោបាយបានពង្រឹងនិងកាន់តែធ្វើឲ្យស៊ីជម្រៅ។ ភាគីទាំងពីរបានរក្សាការរៀបចំដំណើរទស្សនកិច្ចជាទៀងទាត់ ការជួបសន្ទនា តាមរយៈទូរស័ព្ទ និងការប្រជុំជាន់ខ្ពស់។ យន្តការសហប្រតិបត្តិការទ្វេភាគីត្រូវបានយកចិត្តទុកដាក់។ កិច្ចសហប្រតិបត្តិការក្នុងវិស័យការពារជាតិ - សន្តិសុខនិងកិច្ចការបរទេសបន្តត្រូវបានលើកកម្ពស់។
លោកឧបនាយករដ្ឋមន្រ្តីនិងរដ្ឋមន្រ្តីក្រសួងការបរទេស Pham Binh Minh អញ្ជើញធ្វើជាសហប្រធាននៃកិច្ចពិគ្រោះយោបល់នយោបាយប្រចាំឆ្នាំលើកទី ៧ ថ្នាក់រដ្ឋមន្រ្តីក្រសួងការបរទេសវៀតណាម - ឡាវ
កិច្ចសហប្រតិបត្តិការសេដ្ឋកិច្ច វប្បធម៌ អប់រំ វិទ្យាសាស្ត្រនិងបច្ចេកទេសបានមានការផ្លាស់ប្តូរជាវិជ្ជមាន។ រដ្ឋមន្រ្តីទាំងពីរបានឯកភាព នឹងដឹកនាំក្រសួងការបរទេសទាំងពីរឱ្យបន្តសម្របសម្រួលយ៉ាងលឱ្យបានល្អ ក្នុងការបម្រើទស្សនកិច្ចនិងកិច្ចប្រជុំកំពូលនានា។ ការចូលរួមចំណែកក្នុងការរៀបចំសម័យប្រជុំលើកទី ៤៣ នៃគណៈកម្មាធិការអន្តររដ្ឋាភិបាលវៀតណាម - ឡាវ ដែលដឹកនាំដោយនាយករដ្ឋមន្រ្តីនៃប្រទេសទាំងពីរ។ គាំទ្រនិងសម្របសម្រួលជាមួយក្រសួងនិងស្ថាប័នពាក់ព័ន្ធនៃប្រទេសទាំងពីរ ដើម្បីអនុវត្តឱ្យបានល្អនូវកិច្ចព្រមព្រៀងកម្មវិធី និងគម្រោងនានាស្តីពី កិច្ចសហប្រតិបត្តិការវៀតណាម - ឡាវ ជាពិសេសគម្រោងកិច្ចសហប្រតិបត្តិការសំខាន់ៗ។
រដ្ឋមន្រ្តីទាំងពីរបានស្វាគមន៍ ថ្នាក់ដឹកនាំនៃនាយកដ្ឋានសំខាន់ៗនៃក្រសួងនិងគណៈប្រតិភូនៅតាមព្រំដែនវៀតណាម - ឡាវ ដែលបានរៀបចំការផ្លាស់ប្តូរនិងពិគ្រោះយោបល់ជាច្រើន នៅក្នុងឱកាសនេះ។ រដ្ឋមន្រ្តីទាំងពីរវាយតម្លៃថា កិច្ចសហប្រតិបត្តិការរវាងក្រសួងទាំងពីរកំពុងបានលើកកម្ពស់កាន់តែខ្លាំងឡើង តាមទិសដៅជាក់ស្តែងនិងមានប្រសិទ្ធភាព តាមរយៈយន្តការសហប្រតិបត្តិការប្រចាំឆ្នាំ ថ្នាក់រដ្ឋមន្ត្រីនិងអនុរដ្ឋមន្រ្តីនិងយន្តការយន្តការនិងទម្រង់ផ្លាស់ប្តូរលើវិស័យជាច្រើន ដូចជា៖ ផ្តល់យោបល់កុងស៊ុលការងារព្រំដែន ការងារសាងសង់វិស័យការទូត កិច្ចសហប្រតិបត្តិការបណ្តុះបណ្តាលបុគ្គលិក ... ជាពិសេស ភាគីទាំងពីរបានសម្របសម្រួលយ៉ាងជិតស្និទ្ធ ដើម្បីរៀបចំកិច្ចពិគ្រោះយោបល់នយោបាយ តាមប្រព័ន្ធវីដេអូប្រកបដោយជោគជ័យ ថ្នាក់អនុរដ្ឋមន្រ្តីក្រសួងការបរទេស កាលពីខែតុលាឆ្នាំ ២០២០ និងបានចុះហត្ថលេខាលើកម្មវិធីសកម្មភាពសម្រាប់កិច្ចសហប្រតិបត្តិការការទូត សេដ្ឋកិច្ច ក្នុងដំណាក់កាល ២០២០-២០២៥ ។
លោកឧបនាយករដ្ឋមន្ត្រីនិងជារដ្ឋមន្រ្តីក្រសួងការបរទេស Pham Binh Minh បានថ្លែងអំណរគុណចំពោះប្រទេសឡាវដែលបានសម្របសម្រួលនិងគាំទ្រ វៀតណាម ក្នុងរយៈពេលកន្លងមកនេះ។ ក៏ដូចជា កិច្ចសហប្រតិបត្តិការនិងការគាំទ្រយ៉ាងសកម្ម ដើម្បីវៀតណាមទទួលបានជោគជ័យក្នុងតួនាទីជាប្រធានអាស៊ាន ២០២០ ។ អះអាងថា ប្រទេសវៀតណាមនឹងសម្របសម្រួលនិងគាំទ្រយ៉ាងសកម្មដល់ប្រទេសឡាវដើម្បីរៀបចំកិច្ចប្រជុំកំពូលយុទ្ធសាស្ត្រសហប្រតិបត្តិការសេដ្ឋកិច្ច ACMECSលើកទី ៩ ប្រកបដោយជោគជ័យ។ កិច្ចប្រជុំកំពូលកម្ពុជា - ឡាវ - មីយ៉ាន់ម៉ា - វៀតណាម (CLMV) លើកទី ១០ និងកិច្ចប្រជុំកំពូលត្រីកោណអភិវឌ្ឍន៍កម្ពុជា - ឡាវ - វៀតណាមលើកទី ១១ (CLV) ។
រដ្ឋមន្រ្តីទាំងពីរក៏បានចែករំលែកទស្សនៈនិងវាយតម្លៃយ៉ាងស៊ីជម្រៅអំពីស្ថានភាពពិភពលោក ស្ថានភាពក្នុងតំបន់និងអាស៊ាន ការប្រកួតប្រជែងរវាងប្រទេសធំ ៗ និងទំនាក់ទំនងរវាងប្រទេសទាំងពីរជាមួយដៃគូសំខាន់ៗ។ ក៏ដូចជាបញ្ហាសមុទ្រខាងកើតនិងការប្រើប្រាស់ធនធានទឹកទន្លេមេគង្គ ប្រកបដោយនិរន្តរភាព។ ភាគីទាំងពីរបានឯកភាពបន្តសហការគ្នាយ៉ាងជិតស្និទ្ធ នៅវេទិកាក្នុងតំបន់និងអន្តរជាតិ។ ចែករំលែកព័ត៌មាននិងផ្លាស់ប្តូរទស្សនៈ ហើយសម្របសម្រួលជំហរពិគ្រោះយោបល់ តាមគ្រប់ជាន់ថ្នាក់ ក៏ដូចជាតាមគ្រប់ទម្រង់ផងដែរ។ សម្របសម្រួលក្នុងការស្វែងរកនិងទាញយកអត្ថប្រយោជន៍ ពីធនធានអន្តរជាតិសម្រាប់គម្រោងសហប្រតិបត្តិការនិងកម្មវិធីរវាងវៀតណាមនិងឡាវ។
លោកឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេស Pham Binh Minh និងលោករដ្ឋមន្រ្តីក្រសួងការបរទេស ឡាវ Saleumsay Kommasith ថតរូបអនុស្សាវរីយ៍។
បន្ទាប់ពីកិច្ចពិគ្រោះយោបល់នយោបាយ លោកឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេស Pham Binh Minh និងលោករដ្ឋមន្រ្តីក្រសួងការបរទេសឡាវ Saleumsay Kommasith បានអញ្ជើញចុះហត្ថលេខាលើកិច្ចព្រមព្រៀងសហប្រតិបត្តិការរវាងក្រសួងការបរទេសវៀតណាមនិងក្រសួងការបរទេស ក្នុងដំណាក់កាលពី ២០២១-២០២៥ ។ ក្នុងឱកាសដែល ក្រុមហ៊ុនអាកាសចរណ៍ជាតិវៀតណាម (VNA) បានចាប់ផ្តើមការហោះហើរពាណិជ្ជកម្មលើកដំបូងរវាងទីក្រុងហាណូយនិងទីក្រុងវៀងចន្ទន៍ បន្ទាប់ពីការរាតត្បាតនៃជំងឺ COVID-19 ./.
（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន