យុគសម័យ - នាថ្ងៃទី ២៥ ខែសីហា ក្រសួងធនធានធម្មជាតិនិងបរិស្ថានវៀតណាមនិងក្រសួងបរិស្ថានជប៉ុនបានបើកកិច្ចប្រជុំថ្នាក់រដ្ឋមន្ត្រីតាមប្រព័ន្ធវីដេអូក្នុងអំឡុងកិច្ចប្រជុំសន្ទនាគោលនយោបាយបរិស្ថានវៀតណាម - ជប៉ុនលើកទី ៦ ។
កិច្ចពិភាក្សាគោលនយោបាយបរិស្ថានវៀតណាម - ជប៉ុនលើកទី ៦
សម័យប្រជុំលើកទី ៦ នេះ មានគោលបំណងវាយតម្លៃកិច្ចសហប្រតិបត្តិការរវាងក្រសួងធនធានធម្មជាតិនិងបរិស្ថានវៀតណាមនិងក្រសួងបរិស្ថានជប៉ុនក្នុងរយៈពេលកន្លងមកនេះ។ ទន្ទឹមនឹងនេះ ពិភាក្សាអំពីដំណាក់កាលបន្ទាប់នៃកិច្ចសហប្រតិបត្តិការរវាងក្រសួងទាំងពីរលើវិស័យបរិស្ថាននិងការប្រែប្រួលអាកាសធាតុ។
ថ្លែងមតិនៅក្នុងកិច្ចប្រជុំនេះ រដ្ឋមន្ត្រីក្រសួងធនធាននិងបរិស្ថានវៀតណាមលោក Tran Hong Ha បានថ្លែងអំណរគុណនិងវាយតម្លៃខ្ពស់ចំពោះការគាំទ្ររបស់ក្រសួងបរិស្ថានជប៉ុននិងទីភ្នាក់ងារសហប្រតិបត្តិការអន្តរជាតិជប៉ុន (JICA) ប្រចំាំនៅវៀតណាមក្នុងការគាំទ្រដល់ដំណើរការរៀបចំសេចក្តីព្រាងច្បាប់ស្តីពីការការពារបរិស្ថានតាមរយៈទម្រង់ផ្សេងៗគ្នាជាច្រើន។
យោងតាមលោករដ្ឋមន្រ្តី Tran Hong Ha ជំងឺរាតត្បាត COVID-19 កំពុងបង្កើតបញ្ហាប្រឈមជាច្រើនរវាងប្រទេសទាំងពីរនិយាយដោយឡែកនិងពិភពលោកនិយាយរួម។ ហេតុដូច្នេះ បណ្ដាប្រទេសត្រូវផ្លាស់ប្តូរនូវខ្លឹមសារសហប្រតិបត្តិការឱ្យសមស្របទៅនឹងស្ថានភាពជាក់ស្តែង។ លោករដ្ឋមន្ត្រី Tran Hong Ha បានបង្ហាញជំនឿថា ក្នុងរយៈពេលខាងមុខនេះ ប្រទេសទាំងពីរនឹងបន្តជំរុញកិច្ចសហប្រតិបត្តិការលើខ្លឹមសារដូចជា៖ ការឆ្លើយតបនឹងការប្រែប្រួលអាកាសធាតុ ការបង្ការគ្រោះមហន្តរាយធម្មជាតិ ការការពារបរិស្ថាននិងការគ្រប់គ្រងសំរាមប្លាស្ទិចនៅមហាសមុទ្រ។
រឯខ្លួនវិញ លោករដ្ឋមន្រ្តី Koizumi Shinjiro បានមានប្រសាសន៍ថា ជប៉ុនតែងតែគាំទ្រគោលនយោបាយអភិវឌ្ឍន៍ប្រកបដោយចីរភាពរបស់វៀតណាម ហើយទន្ទឹមនឹងនោះនឹងគាំទ្រដល់វៀតណាមដើម្បីទទួលបានសមិទ្ធិផលវិទ្យាសាស្ត្រ ហិរញ្ញវត្ថុ និងបច្ចេកវិទ្យា ហើយបង្កើនសមត្ថភាពដើម្បីអភិវឌ្ឍលើវិស័យការពារបរិស្ថាន ការឆ្លើយតបទៅនឹងការប្រែប្រួលអាកាសធាតុ ការគ្រប់គ្រងនិងកាត់បន្ថយសំរាមប្លាស្ទិកនៅមហាសមុទ្រ។ លោករដ្ឋមន្រ្តី Koizumi Shinjiro ក៏បានបង្ហាញបំណងចង់វៀតណាមរួមដំណើរជាមួយជប៉ុនក្នុងគោលដៅដូចជា៖ ការកាត់បន្ថយការប្រើប្រាស់ឥន្ធនៈហ្វូស៊ីលដើម្បីបន្សាបកាបូន;
កិច្ចសហប្រតិបត្តិការនិងការចែករំលែកបទពិសោធន៍ក្នុងការគ្រប់គ្រង ការប្រមូលនិងការបំលែងកំទេចសម្រាមប្លាស្ទិចនៅមហាសមុទ្រជាដើម។
នៅក្នុងកិច្ចប្រជុំនេះរដ្ឋមន្ត្រី Tran Hong Ha និងរដ្ឋមន្ត្រី Koizumi Shinjiro បានចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការបរិស្ថានរវាងក្រសួងទាំងពីរ។ តាមនោះអនុស្សារណៈនៃការយោគយល់គ្នារវាងបរិស្ថានរវាងក្រសួងទាំងពីរមានគោលបំណងដូចតទៅ៖ ការបង្កើនការសម្របសម្រួលនិងអភិវឌ្ឍកិច្ចសហប្រតិបត្តិការលើវិស័យបរិស្ថាន; បញ្ជាក់ជាថ្មីពីសារៈសំខាន់នៃសកម្មភាពដើម្បីអនុវត្តកិច្ចព្រមព្រៀងទីក្រុងប៉ារីសយ៉ាងឆាប់រហ័សនិងជោគជ័យ; ជំរុញកិច្ចសហប្រតិបត្តិការក្នុងវិស័យបរិស្ថានរវាងប្រទេសទាំងពីរដើម្បីការអភិវឌ្ឍប្រកបដោយចីរភាព; លើកកំពស់សារៈសំខាន់នៃការថែរក្សានិងកែលម្អបរិស្ថានសម្រាប់មនុស្សជំនាន់បច្ចុប្បន្ននិងអនាគត៕（បកប្រែដោយសាមេត）
（ប្រភពព័ត៌មាន: baotintuc.vn）
មតិពីមិត្តអ្នកអាន