យុគសម័យ - កាសែត Egyptian Gazette បានចេញផ្សាយនៅថ្ងៃទី ១៦ ខែឧសភា ដែលចុះផ្សាយ អត្ថបទដ៏ឧឡារិកមួយ មានចំណងជើងថា“លោកប្រធាន Ho Chi Minh រូបភាពរបស់លោកប្រធាននៅប្រទេសអេហ្ស៊ីប” ។ អ្នកនិពន្ធរបស់អត្ថបទនេះ លោក Hany Abdel Fattah បានសម្តែងនូវអារម្មណ៍ល្អប្រសើរការកោតសរសើរ និងការគោរពចំពោះលោកប្រធាន Ho Chi Minh ។
អត្ថបទរបស់អ្នកនិពន្ធ Hany Abdel Fattah បានសរសេរអំពីជីវប្រវត្តិ បុព្វហេតុរបស់លោកប្រធាន Ho Chi Minh តួនាទីរបស់លោកប្រធាន Ho Chi Minh ក្នុងការបង្កើតនៃបក្សកុម្មុយនិស្តវៀតណាមនិងបុព្វហេតុនៃការតស៊ូនិងការរំដោះជាតិ រូបភាពលោកប្រធាន Ho Chi Minh នៅប្រទេសអេហ្ស៊ីប តាមរយៈការបំពេញទស្សនកិច្ចចំនួន ៣ សើក ទៅកាន់ប្រទេសអេហ្ស៊ីប ក្នុងឆ្នាំ ១៩១១ និង ១៩៤៦ និងទំនាក់ទំនងយ៉ាងជិតស្និទ្ធរវាងលោកប្រធាន Ho Chi Minh និងប្រធានាធិបតីអេហ្ស៊ីប Gamal- Abdel-Nasser ក្នុងអំឡុងពេលនៃជីវិតរបស់គាត់។
អ្នកសារព័ត៌មាន Fattah បានសន្និដ្ឋានថា លោកប្រធាន Ho Chi Minh គឺជាវីរៈបុរសឆ្នើមរបស់ប្រទេសវៀតណាម ដែលជាសកម្មជនបដិវត្តម្នាក់ បានអញ្ជើញទៅបំពេញទស្សនាកិច្ច នៅប្រទេសអេហ្ស៊ីបចំនួន ៣ លើក និងបានចាក់គ្រឹះស្ថានសម្រាប់ទំនាក់ទំនងនៃកិច្ចសហប្រតិបត្តិការជាប្រពៃណីរវាងប្រទេសអេហ្ស៊ីប - វៀតណាម។ អ្នកសារព័ត៌មាន Fattah ក៏បានសង្កត់ធ្ងន់ថា លោកប្រធាន Ho Chi Minh គឺជាបុគ្គលម្នាក់ដ៏អស្ចារ្យ ក្នុងសតវត្សរ៍ទី ២០ ។ ប្រទេសវៀតណាមក្រោមការដឹកនាំរបស់បក្សកុម្មុយនិស្តវៀតណាមនិងលោកប្រធាន Ho Chi Minh បានទទួលជោគជ័យដ៏អស្ចារ្យ។
យោងតាមអ្នកសារព័ត៌មាន Fattah នៅពេលដែលនិយាយអំពីលោកប្រធាន Ho Chi Minh ប្រជាជនអេហ្ស៊ីបតែងតែផ្តល់ការកោតសរសើរនិងការគោរពរាប់អានចំពោះលោកប្រធាន Ho Chi Minh ។ មនុស្សជាច្រើននាក់មានការចាប់អារម្មណ៍និងគោរពរាប់អាន ចំពោះរូបភាពសាមញ្ញនិងស្និទ្ធស្នាលរបស់មេដឹកនាំវៀតណាម នៅពេលដែលអញ្ជើញទៅបំពេញទស្សនកិច្ច នៅប្រទេសអេហ្ស៊ីប នៅឆ្នាំ ១៩៤៦ ។
លោកប្រធាន Ho Chi Minh អញ្ជើញបំពេញទស្សនកិច្ច នៅប្រទេសអេហ្ស៊ីប
“លោកប្រធាន Ho Chi Minh ក៏ជាគំរូភ្លឺស្វាងនៃយុទ្ធជនកុម្មុយនិស្តដែលពលីពេញមួយជីវិត ដើម្បីប្រទេសជាតិ ដើម្បីប្រជាជននិងជាអ្នកធ្វើបដិវត្តដែលមានបទពិសោធន៍ជាច្រើន ក្នុងការតស៊ូ ដើម្បីឯករាជ្យនិងសេរីភាពរបស់ប្រជាជនវៀតណាម។ ចំពោះពិភពលោក លោកប្រធាន Ho Chi Minh បានបង្កើតប្រវត្តិសាស្ត្រទំនើប ជាយុទ្ធជនអន្តរជាតិគំរូម្នាក់ក្នុងចំណោមឥស្សរជនដែលគួរឱ្យគោរពបំផុតនៃសម័យកាលរបស់យើង " ដកស្រង់ប្រយោគមួយពីអត្ថបទនេះ។
កាសែត The Egyptian Gazette បានសរសេរថា ការដឹកនាំឆ្នើមរបស់លោកប្រធាន Ho Chi Minh ក្នុងការតស៊ូ ដើម្បីឯករាជ្យនៅវៀតណាមមានឥទ្ធិពលយ៉ាងខ្លាំងទៅលើចលនាបដិវត្តពិភពលោក ជាពិសេសសម្រាប់ប្រជាជនអាណានិគមអាហ្វ្រិកនិងអាមេរិកឡាតាំង។ ប្រជាជននៃបណ្តាប្រទេសអាហ្វ្រិកក៏ដូចជាបណ្តាប្រទេសដែលស្រឡាញ់សន្តិភាព ផ្តល់ការគោរពដល់លោកលោកប្រធាន Ho Chi Minh ។ ប្រជាជនជាច្រើននាក់បានហៅលោកប្រធាន Ho Chi Minh តាមពាក្យគួរឲ្យគោរព “អ៊ុំ Ho” “លោក Ho”។
កាសែត The Egyptian Gazette ចេញនៅថ្ងៃទី ១៦ ឧសភា។
ជាពិសេសក្នុងរយៈពេលប៉ុន្មានឆ្នាំនៃសកម្មភាពបដិវត្ត លោកប្រធាន Ho Chi Minh អញ្ជើញទៅទស្សនាកិច្ច នៅប្រទេសអេហ្ស៊ីប ចំនួន ៣ លើក ក្នុងឆ្នាំ ១៩១១, ១៩៤៦ (២ លើក) ។ នៅថ្ងៃទី ៣០ ខែមិថុនាឆ្នាំ ១៩១១ កប៉ាល់ Touche Treville ចូលចតនៅកំពង់ផែ Port Said ស្ថិតនៅភាគខាងជើងនៃព្រែកជីក Suez លោកប្រធាន Ho Chi Minh បានទៅបំពេញទស្សនកិច្ច នៅប្រទេសអេហ្ស៊ីបជាលើកដំបូង។ នៅថ្ងៃទី ៨ ខែមិថុនាឆ្នាំ ១៩៤៦ លោកប្រធាន Ho Chi Minh បានធ្វើដំណើរទៅកាន់ប្រទេសអេហ្ស៊ីបនិងមានឱកាសជួបជាមួយប្រជាជនទស្សនាវិទ្យាស្ថានបុរាណអេហ្ស៊ីប ទស្សនាប្រាសាទពីរ៉ាមីតដ៏ល្បីល្បាញរបស់ប្រទេសអាហ្វ្រិកខាងជើងមួយនេះ។ នោះជាដំណើរទស្សនកិច្ចនៅប្រទេសអេហ្ស៊ីបលើកទីពីរ។
នៅថ្ងៃទី ២២ ខែមិថុនាឆ្នាំ ១៩៤៦ ពេលធ្វើដំណើរត្រឡប់វៀតណាមពីប្រទេសបារាំង លោកប្រធាន Ho Chi Minh បានអញ្ជើញមកកំពង់ផែ Port Said ដែលជាកន្លែងលោកបានមកដល់តាំងពី ៣៥ ឆ្នាំមុន./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន