យុគសម័យ - យោងតាមឯកអគ្គរដ្ឋទូតចិនប្រចាំនៅអាស៊ាន បានឲ្យដឹងថា ប្រទេសជាសមាជិកអាស៊ាន បានចាត់វិធានការភ្លាមៗដូចជាការស្នើជួយគាំទ្រនិងកិច្ចសហប្រតិបត្តិការក្នុងការធ្វើឱ្យមានវិធានការតបតចំពោះការរីករាលដាលនៃជំងឺរាតត្បាតកូវីដ១៩ (COVID-19)។
អ្នកដំណើរពាក់រម៉ាស់ដើម្បីការពារការជមង្ងឺឆ្លងកូវីដនៅអាកាសយានដ្ឋានអន្តរជាតិឆាងជីប្រទេសសិង្ហបុរី (រូបថត៖ AFP / TTXVN)
ឯកអគ្គរដ្ឋទូតចិនប្រចាំនោ អាស៊ាន លោក Deng Xi Jun បានវាយតម្លៃចំពោះយន្តការកិច្ចសហប្រតិបត្តិការអាស៊ានបូក ៣ រួមមានប្រទេសអាស៊ាន រួមជាមួយចិន ជប៉ុន និងកូរ៉េខាងត្បូង។
ឆ្លើយបទសម្ភាសទៅកាន់ទីភ្នាក់ងារសារព័ត៌មានចិនស៊ិនហួ នាថ្ងៃទី ១៣ ខែមេសា លោក Deng Xi Jun បានមានអះអាងថា យន្តការសហប្រតិបត្តិការអាស៊ាន +៣ មានប្រសិទ្ធិភាពចាប់តាំងពីការផ្ទុះឡើងនៃជំងឺរាតត្បាតកូវីដ១៩ ហើយការដែលប្រទេសនានា បានសម្របសម្រួលគ្នាក្នុងការចាត់វិធានការទប់ស្កាត់ជម្ងឺរាតត្បាតនេះ ក៏បានបញ្ជាក់យ៉ាងច្បាស់ពីចំណងមិត្តភាព និងភាពជាអ្នកជិតខាងល្អជិតស្នីទនឹងគ្នាផងដែរ។
លោក Deng Xi Jun បានវាយតម្លៃទៀតថានេះគឺជាកិច្ចប្រជុំថ្នាក់ដឹកនាំអាស៊ានបូក ៣ លើកដំបូង ដើម្បីពិភាក្សាអំពីការទប់ទល់របស់តំបន់អាស៊ីបូព៌ាមុន នៅចំពោះមុខជំងឺរាតត្បាតសកលកូវីដ១៩ ក៏ជាកិច្ចប្រជុំពិសេសជាលើកដំបូងរវាងបណ្តាថ្នាក់ដឹកនាំអាស៊ានបូក ៣ ចាប់តាំងពីយន្តការសហប្រតិបត្តិការត្រូវបានបង្កើតឡើង។
ប្រទេសចិននឹងរក្សាទំនាក់ទំនងជិតស្និទ្ធជាមួយបណ្តាប្រទេសដទៃទៀតដើម្បីទប់ស្កាត់ជំងឺឆ្លងរាលដាល និងវិធានការទាក់ទងនឹងពាណិជ្ជកម្ម ដើម្បីបំពេញពេញលេញតាមការសន្យារក្នុងកិច្ចព្រមព្រៀងពាណិជ្ជកម្មសេរីអាស៊ាន - ចិនផងដែរ ក៏ដូចជាមានភាពម្ចាស់ការក្នុងកិច្ចសហការជាមួយភាគីនានាឆ្ពោះទៅចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចក្នុងតំបន់គ្រប់ជ្រុងជ្រោយ (RCEP) ក្នុងឆ្នាំនេះផងដៃរ៕
(បកប្រែដោយ ហេង វុធ្ធី)
(ប្រភពព័ត៌មាន: vietnamplus.vn)
មតិពីមិត្តអ្នកអាន