នារសៀលថ្ងៃទី ៣០ ខែតុលា នៅទីក្រុង Dien Bien Phu ខេត្ត Dien Bien ប្រទេសវៀតណាម គណៈប្រតិភូបញ្ជាការដ្ឋានកងរាជអាវុធហត្ថលើផ្ទៃប្រទេស កងយោធពលខេមរភូមិន្ទដឹកនាំដោយលោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេសបានអញ្ជើញទៅទស្សនាសារមន្ទីរជ័យជំនះ Dien Bien Phu និងទស្សនាកេរ្ដិ៍ដំណែលប្រវត្តិសាស្ត្រលេណដ្ឋានក្រោមដីរបស់លោកឧត្តមសេនីយ៍ De Castries។
លោកវរសេនីយ៍ឯក Vu A Khua មេបញ្ជាការរងនៃកងទ័ពការពារព្រំដែនខេត្ដ Dien Bien បានទទួលស្វាគមន៍គណៈប្រតិភូនៅអាកាសយានដ្ឋានខេត្ត Dien Bien (រូបថត៖bienphong.com.vn)
នៅសារមន្ទីរជ័យជំនះ Dien Bien Phu គណៈប្រតិភូបញ្ជាការដ្ឋានកងរាជអាវុធហត្ថលើផ្ទៃប្រទេសកងយោធពលខេមរភូមិន្ទ ត្រូវបានគេឧទ្ទេសនាមអំពីរូបភាព សំភារៈសង្គ្រាមចំនួនជាង ១០០០ ដែលបង្ហាញពីសកម្មភាពនៃយុទ្ធនាការ Dien Bien Phu ជាប្រវត្តិសាស្ត្រក្នុងអំឡុងពេល ៥៦ ថ្ងៃនិងយប់។
គណៈប្រតិភូទៅទស្សនាសារមន្ទីរជ័យជំនះ Dien Bien Phu (រូបថត៖bienphong.com.vn)
គណៈប្រតិភូទៅទស្សនាកន្លែងតាំងបង្ហាញវត្ថុអនុស្សាវរីយ៍របស់លោកនាយឧត្តមសេនីយ៍ Vo Nguyen Giap និងអង្គភាពសំខាន់ៗនៃកងទ័ពប្រជាជនវៀតណាមដែលចូលរួមដោយផ្ទាល់នៅក្នុងយុទ្ធនាការ Dien Bien Phu (រូបថត៖bienphong.com.vn)
បន្ទាប់ពីទស្សនាសារមន្ទីរជ័យជំនះ Dien Bien Phu គណៈប្រតិភូបានទៅទស្សនាតំបន់កេរ្ដិ៍ដំណែលប្រវត្តិសាស្ត្រលេណដ្ឋានក្រោមដីរបស់លោកឧត្តមសេនីយ៍ De Castries។ នៅទីនេះគណៈប្រតិភូត្រូវបានគេឧទ្ទេសនាមអំពីលេណដ្ឋានក្រោមដីរបស់លោកឧត្តមសេនីយ៍ De Castries ដែលជាកន្លែងដាក់ពង្រាយមូលដ្ឋានសឹក Dien Bien Phu និងការតស៊ូប្រយុទ្ធក្នុងយុទ្ធនាការ Dien Bien Phu៕
គណៈប្រតិភូបានទៅទស្សនាតំបន់កេរ្ដិ៍ដំណែលប្រវត្តិសាស្ត្រលេណដ្ឋានក្រោមដីរបស់លោកឧត្តមសេនីយ៍ De Castries
（ប្រភព៖ kh.qdnd.vn ហេង វុធ្ធីសរុប）
មតិពីមិត្តអ្នកអាន