យុគសម័យ - នាថ្ងៃ ២៣ ខែ មិថុនា នៅមហាវិទ្យាល័យឧស្សាហកម្ម កៅស៊ូ ខែត្ត Binh Phuoc បានរៀបចំឡើង កម្មវិធីផ្លាស់ប្តូរវប្បធម៍រវាងយុវជននិងនិស្សិត វៀតណាម ឡាវ កម្ពុជា។
កម្មវិធីផ្លាស់ប្តូរវប្បធម៍រវាងយុវជននិងនិស្សិត វៀតណាម - ឡាវ - កម្ពុជា
កម្មវិធីនេះបានរៀបចំដោយសម្ព័ន្ធយុវជនខេត្ត មន្ទីទំនាក់ទំនងការបរទេសនិងសហជីព អង្គការមិត្តភាពខេត្ត Binh Phuoc ដែលមានការចូលរួមរបស់និស្សិត ៦០នាក់ រួមមាន និស្សិតឡាវ ២៤ នាក់ និស្សិត កម្ពុជា ៧ នាក់់។
នៅក្នុងកម្មវិធីនេះប្រតិភូនិងនិស្សិតនៃប្រទេសទាំងបីបានពិនិត្យមើលឡើងវិញនូវប្រពៃណីដ៏ល្អប្រសើរនៃប្រទេស វៀតណាម - ឡាវ - កម្ពុជា ដោយបានផឹកទឹករួមគ្នាតាមដងទន្លេមេគង្គ។
ថ្លែងនៅក្នុងពិធីនេះលោកស្រី Huynh Thi Thu Hang អនុប្រធានគណៈកម្មាធិការប្រជាជនខេត្ត Binh Phuoc បានឲ្យដឹងថា ថ្ងៃនេះយុវជនជំនាន់ថ្មីនៃប្រទេសទាំងបី តែងតែមានមោទនភាព ព្រមទាំងគឺជាការទទួលខុសត្រូវដ៏ធំធេងមួយដើម្បីទទួលមរតកនិងលើកកម្ពស់ទំនាក់ទំនងមិត្តភាពជាប្រពៃណីរវាងវៀតណាម - ឡាវ - កម្ពុជា ដែលជំនាន់មុនបានពូនជ្រុំមក។
លោកស្រី Thu Hang ជឿជាក់ថានិស្សិតនៃប្រទេសឡាវនិងកម្ពុជាដែលកំពុងសិក្សានៅវៀតណាមនឹងក្លាយជាកត្តាវិជ្ជមានដែលរួមចំណែកក្នុងការរឹតបន្តឹងទំនាក់ទំនងសាមគ្គីភាព ចំណងមិត្តភាពរបស់ប្រជាជននៃប្រទេសទាំងបី។
ក្នុងនាមជាម្ចាស់អនាគតនៃប្រទេស ហើយមិត្តវ័យក្មេងមានការទទួលខុសត្រូវក្នុងការពូនជ្រុំទំនាក់ទំនងល្អរវាងប្រទេសទាំងបី រួមចំណែកក្នុងការកសាងប្រទេសប្រកបដោយវិបុលភាពដែលឆ្ពោះទៅរកគោលដៅ កសាងសហគមន៍អាស៊ានមួយប្រកបដោយសន្តិភាព កិច្ចសហប្រតិបត្តិការនិងការអភិវឌ្ឍន៍។
ក្នុងកម្មវិធីនេះ សមាគមមិត្តភាពវៀតណាម - ឡាវនៅទីក្រុងហូជីមិញបានប្រគល់សៀវភៅដែលបោះពុម្ពផ្សាយដោយក្រុមហ៊ុនបោះពុម្ពផ្សាយវ័យក្មេងចំនួន ២ដល់សម្ព័ន្ធយុវជនមហាវិទ្យាល័យឧស្សាហកម្មកៅស៊ូនិងវិទ្យាល័យជនជាតិភាគតិចនៅខេត្ត Binh Phuoc ។
សមាគមមិត្តភាពវៀតណាម - កម្ពុជានៅទីក្រុង Ho Chi Minh បានផ្តល់អំណោយដល់សិស្សានុសិស្សក្រីក្រដែលមានស្នាដៃសិក្សាល្អនៅខេត្ត Binh Phuoc ផងដែរ៕
(ប្រែសម្រូលដោយវិច្ឆិកា)
មតិពីមិត្តអ្នកអាន