រយៈពេល ២០ ឆ្នាំ អង្គការ World Vision រួមដំណើរជាមួយកុមារ និងសហគមន៍ Dien Bien

តាមរបាយការណ៍នៅក្នុងសន្និសីទ ក្នុងរយៈពេល ២០ ឆ្នាំនៃសកម្មភាពនៅ Dien Bien អង្គការ WVI បានអនុវត្តកម្មវិធីអភិវឌ្ឍន៍តំបន់ចំនួន ៧ រួមជាមួយគម្រោងសង្គ្រោះបន្ទាន់ និងអភិវឌ្ឍន៍សហគមន៍នានា ដោយមានប្រភពទុនជំនួយឧបត្ថម្ភសរុបចំនួន ៤៦,៤ លានដុល្លារអាមេរិក ស្មើនឹងប្រមាណ ១.២០០ ពាន់លានដុង។

ធនធានត្រូវបានប្រមូលផ្តុំដើម្បីជួយឧបត្ថម្ភប្រជាជន និងសិស្សានុសិស្សនៅតំបន់ដាច់ស្រយាល តំបន់ជួបការលំបាកខ្លាំង អនុវត្តបណ្តាកម្មវិធីថែទាំ ការពារកុមារ អភិវឌ្ឍជីវភាពរស់នៅរបស់សហគមន៍ និងកសាងហេដ្ឋារចនាសម្ព័ន្ធចាំបាច់នានា។

សន្និសីទ ២០ ឆ្នាំ អង្គការ World Vision រួមដំណើរជាមួយកុមារ និងសហគមន៍ខេត្ត Dien Bien (២០០៦ - ២០២៦)៖ «ដំណើរដើម្បីកុមារ ដើម្បីសហគមន៍» នៅ Dien Bien នាថ្ងៃទី ២៩ ខែកញ្ញា។

តាមរយៈបណ្តាកម្មវិធី និងគម្រោង គ្រួសារក្រីក្រ សិស្សានុសិស្សនៅតំបន់ដាច់ស្រយាល និងតំបន់ជនជាតិភាគតិចជាច្រើន ត្រូវបានជួយឧបត្ថម្ភទាន់ពេលវេលា ដោយបានបោះជំហានមួយៗកែលម្អលក្ខខណ្ឌការងារ ការសិក្សា និងជីវភាពរស់នៅ។

ពីរទសវត្សរ៍ត្រូវបានកសាងឡើងចេញពីកិច្ចសហប្រតិបត្តិការ និងទំនុកចិត្ត

ថ្លែងសុន្ទរកថាបើកសន្និសីទ លោក Doseba Sinay ប្រធានតំណាង WVI ប្រចាំនៅវៀតណាម បានឱ្យដឹងថា ដំណើររបស់អង្គការនៅ Dien Bien បានចាប់ផ្តើមចេញពីការតភ្ជាប់ ការជំរុញកិច្ចសហប្រតិបត្តិការអន្តរជាតិនៃសហភាពបណ្តាអង្គការមិត្តភាពវៀតណាម និងគណៈសម្របសម្រួលជំនួយប្រជាជន (PACCOM) តាមរយៈនោះបានតភ្ជាប់ World Vision ជាមួយបណ្តាអាទិភាពអភិវឌ្ឍន៍របស់មូលដ្ឋាន និងសហគមន៍។

កាលពីឆ្នាំ ២០០៦ អង្គការ WVI បានចាប់ផ្តើមអនុវត្តកម្មវិធី និងគម្រោងដំបូងគេនៅ Dien Bien។ តាមលោក Doseba Sinay រយៈពេល ២០ ឆ្នាំកន្លងមក គឺជាដំណើរនៃកិច្ចសហប្រតិបត្តិការ ទំនុកចិត្ត និងការប្តេជ្ញាចិត្តរួម សំដៅបង្កើតកាលានុវត្តភាពកាន់តែល្អប្រសើរសម្រាប់កុមារ និងក្រុមគ្រួសារ ជាពិសេសគឺកុមារដែលងាយរងគ្រោះបំផុត។

លោកបានឱ្យដឹងថា វៀតណាមសម្រេចបាននូវវឌ្ឍនភាពគួរឱ្យកត់សម្គាល់លើវិស័យសេដ្ឋកិច្ច និងសង្គម។ ធនាគារពិភពលោកបានចាត់ថ្នាក់វៀតណាមចូលទៅក្នុងក្រុមប្រទេសដែលមានប្រាក់ចំណូលមធ្យមកម្រិតខ្ពស់។ ទោះជាយ៉ាងណាក៏ដោយ ការអភិវឌ្ឍយ៉ាងឆាប់រហ័សនៃសេដ្ឋកិច្ច ក៏បានបង្កើតនូវគម្លាតរវាងអ្នកមាននិងអ្នកក្រផងដែរ កុមារនៅតាមសហគមន៍តំបន់ដាច់ស្រយាលនៅតែជួបការលំបាកជាច្រើន ខណៈដែលបញ្ហាប្រឈមថ្មីៗនៅតែបន្តលេចឡើង។

លោក Doseba Sinay ប្រធានតំណាងអង្គការ World Vision International ប្រចាំនៅវៀតណាម ថ្លែងសុន្ទរកថាបើកសន្និសីទ។

«បរិបទអាចមានការផ្លាស់ប្តូរ ប៉ុន្តែបេសកកម្មរបស់ WVI នៅតែមិនផ្លាស់ប្តូរឡើយ» លោក Doseba Sinay បានអះអាង ព្រមទាំងសង្កត់ធ្ងន់ថា គោលដៅរបស់អង្គការគឺរួមចំណែកនាំមកនូវជីវិតដ៏ពេញលេញ និងមានអត្ថន័យសម្រាប់កុមារគ្រប់រូប ជាពិសេសគឺកុមារដែលមានកាលៈទេសៈលំបាកបំផុត។

តំណាង WVI បានប្តេជ្ញាបន្តរួមដំណើរជាមួយខេត្ត Dien Bien តាមរយៈបណ្តាកម្មវិធី និងគម្រោងដែលកំពុងត្រូវបានអនុវត្ត ព្រមទាំងស្វែងរកកាលានុវត្តភាពកៀរគរធនធានបន្ថែម ដើម្បីបម្រើដល់កុមារ និងសហគមន៍កាន់តែច្រើនថែមទៀតក្នុងប៉ុន្មានឆ្នាំខាងមុខ។

កិច្ចពិភាក្សា និងការផ្លាស់ប្តូរយោបល់នៅក្នុងសន្និសីទ។

ស្ពានតភ្ជាប់ចេញពីកិច្ចការបរទេសប្រជាជន

ថ្លែងមតិនៅក្នុងសន្និសីទ លោកស្រី Do Thi Kim Dung ប្រធានស្តីទីគណៈ PACCOM បានចាត់ទុកថា រយៈពេល ២០ ឆ្នាំ គឺជាពេលវេលាដ៏យូរល្មមសម្រាប់អង្គការមួយដែលធ្វើសកម្មភាពនៅមូលដ្ឋានកសាងទំនុកចិត្ត ស្វែងយល់ពីមូលដ្ឋាន រួមជាមួយសហគមន៍ដោះស្រាយបញ្ហាជាក់ស្តែងនានា និងបន្សល់ទុកនូវតម្លៃដែលហួសផុតពីវិសាលភាពនៃកម្មវិធី និងគម្រោងនីមួយៗ។

តាមលោកស្រី សន្និសីទនេះក៏ជាឱកាសកត់សម្គាល់នូវការរួមដំណើរដ៏យូរអង្វែង កិច្ចសហប្រតិបត្តិការ និងទំនុកចិត្តរវាងដៃគូវៀតណាមទាំងឡាយជាមួយ WVI ក្នុងអំឡុងពេលពីរទសវត្សរ៍កន្លងមក។

ចេញពីជ្រុងនៃកិច្ចការបរទេសប្រជាជន លោកស្រី Do Thi Kim Dung បានយល់ឃើញថា កិច្ចសហប្រតិបត្តិការជាមួយបណ្តាអង្គការមិនមែនរដ្ឋាភិបាលបរទេស មានអត្ថន័យទូលំទូលាយជាងកម្មវិធី គម្រោង ឬខ្ទង់ជំនួយឧបត្ថម្ភនីមួយៗ។

ចុះហត្ថលេខាផ្ទេរប្រគល់លទ្ធផល និងបណ្តាគំរូនានាក្នុងក្របខ័ណ្ឌកម្មវិធីអភិវឌ្ឍន៍តំបន់ Tuan Giao ដើម្បីឱ្យមូលដ្ឋានទទួលយក បន្តរក្សា និងពង្រីកបន្ថែម។

នោះគឺជាស្ពានតភ្ជាប់វៀតណាមជាមួយមិត្តភក្តិអន្តរជាតិ ជាទីកន្លែងដែលធនធាន ចំណេះដឹង បទពិសោធន៍ និងសុឆន្ទៈត្រូវបានចែករំលែក ជាទីកន្លែងដែលដៃគូអន្តរជាតិនានាយល់ដឹងបន្ថែមអំពីប្រទេសជាតិ មនុស្ស និងតម្រូវការអភិវឌ្ឍន៍ជាក់ស្តែងរបស់វៀតណាម ព្រមទាំងរួមចំណែកកសាងទំនាក់ទំនងមិត្តភាពចេញពីសកម្មភាពជាក់ស្តែងនៅសហគមន៍។

លោកស្រី Chu Thi Thuy អនុប្រធានមន្ទីរការបរទេសខេត្ត Dien Bien បានវាយតម្លៃខ្ពស់ចំពោះកិច្ចសហប្រតិបត្តិការរបស់ WVI ក្នុងរយៈពេល ២០ ឆ្នាំកន្លងមក។

តាមលោកស្រី Dien Bien គឺជាខេត្តតំបន់ភ្នំ ព្រំដែន លក្ខខណ្ឌសេដ្ឋកិច្ច-សង្គមនៅជួបការលំបាកជាច្រើន អត្រាគ្រួសារក្រីក្រនៅតែមានកម្រិតខ្ពស់។ ក្នុងដំណាក់កាល ២០០៦-២០២៦ ការទាក់ទាញ និងការប្រើប្រាស់ប្រកបដោយប្រសិទ្ធភាពនូវប្រភពទុន និងធនធានជំនួយឧបត្ថម្ភមិនមែនរដ្ឋាភិបាលបរទេស គឺជាភារកិច្ចសំខាន់មួយក្នុងចំណោមភារកិច្ចសំខាន់ៗនៃកិច្ចការបរទេសរបស់មូលដ្ឋាន។

អង្គការ WVI ត្រូវបានវាយតម្លៃថាជាអង្គការមិនមែនរដ្ឋាភិបាលមួយក្នុងចំណោមអង្គការមិនមែនរដ្ឋាភិបាលនានា ដែលមានរយៈពេលធ្វើសកម្មភាពយ៉ាងខ្ជាប់ខ្ជួន យូរអង្វែង ទ្រង់ទ្រាយធំ និងនាំមកនូវប្រសិទ្ធភាពយ៉ាងច្បាស់ក្រឡែតនៅតាមតំបន់ជួបការលំបាកនៃខេត្ត Dien Bien។

ពិធីកត់សម្គាល់ព្រឹត្តិការណ៍ជាប្រវត្តិសាស្ត្រ «ផ្កា Ban អនាគត» កត់សម្គាល់ដំណើររយៈពេល ២០ ឆ្នាំ រួមដំណើរជាមួយកុមារ និងសហគមន៍ Dien Bien។

ផ្ទេរប្រគល់ដើម្បីឱ្យមូលដ្ឋានបន្តថែរក្សា

អនុប្រធានគណៈកម្មាធិការប្រជាជនខេត្ត Dien Bien លោក Nguyen Van Doat បានអះអាងថា ក្នុងរយៈពេល ២០ ឆ្នាំកន្លងមក ការរួមដំណើររបស់ WVI ប្រចាំនៅវៀតណាម បានរួមចំណែកនាំមកជូនកុមារ Dien Bien ជាច្រើននូវលក្ខខណ្ឌរស់នៅ ការសិក្សា និងកាលានុវត្តភាពអភិវឌ្ឍន៍កាន់តែល្អប្រសើរ។

លោកបានឱ្យដឹងថា ខេត្តនឹងបន្តយកចិត្តទុកដាក់ថែទាំកុមារឱ្យកាន់តែល្អប្រសើរ ចេញពីមូលដ្ឋានគ្រឹះទាំងឡាយដែល WVI បានរួមជាមួយមូលដ្ឋានកសាងឡើង។

នៅក្នុងសន្និសីទ អង្គការ WVI បានអនុវត្តការផ្ទេរប្រគល់លទ្ធផល និងគំរូនានាក្នុងក្របខ័ណ្ឌកម្មវិធីអភិវឌ្ឍន៍តំបន់ Tuan Giao ដើម្បីឱ្យមូលដ្ឋានទទួលយក បន្តថែរក្សា និងពង្រីកបន្ថែម។

ក្នុងឱកាសនេះ ពិធីកត់សម្គាល់ព្រឹត្តិការណ៍ជាប្រវត្តិសាស្ត្រ «ផ្កា Ban អនាគត» ត្រូវបានរៀបចំឡើង ដោយកត់ត្រានូវដំណើរកាលកំណត់រយៈពេល ២០ ឆ្នាំ ដែល WVI បានរួមដំណើរជាមួយកុមារ និងសហគមន៍ Dien Bien។

លោក Nguyen Van Doat អនុប្រធានគណៈកម្មាធិការប្រជាជនខេត្ត Dien Bien៖ សំណើចំនួន ៦ ក្នុងកិច្ចសម្របសម្រួលជាមួយ WVI លោក Nguyen Van Doat អនុប្រធានគណៈកម្មាធិការប្រជាជនខេត្ត Dien Bien ថ្លែងមតិនៅក្នុងសន្និសីទ។ ទីមួយ បណ្តាស្ថាប័នពាក់ព័ន្ធ និងគណៈកម្មាធិការប្រជាជនឃុំ Pu Nhung ស្ថិតក្នុងភូមិសាស្ត្រកម្មវិធីអភិវឌ្ឍន៍តំបន់ Tuan Giao ត្រូវសម្របសម្រួលជាមួយអង្គការ WVI ប្រចាំនៅវៀតណាម ដើម្បីទទួលយកលទ្ធផល និងគំរូនានាឱ្យបានពេញលេញ ឯកភាពលើផែនការរក្សា កំណត់ឱ្យបានច្បាស់លាស់នូវអង្គភាពគ្រប់គ្រង អ្នកទទួលបន្ទុក និងធនធានអនុវត្ត។ ខ្លឹមសារទាំងឡាយណាដែលសមស្រប ចាំបាច់ត្រូវដាក់បញ្ចូលទៅក្នុងផែនការការងារជាប្រចាំរបស់មូលដ្ឋាន ដោយផ្សារភ្ជាប់ជាមួយលទ្ធភាពថ្លឹងថ្លែងធនធានតាមការកំណត់។ ទីពីរ បន្តជួយឧបត្ថម្ភដល់បណ្តាក្លឹបកុមារ ក្រុមសន្សំប្រាក់ ក្រុមជីវភាពរស់នៅ និងកម្លាំងស្នូលនៅសហគមន៍ឱ្យដំណើរការប្រកបដោយប្រសិទ្ធភាព។ រក្សាចំណុចបង្គោលតាមដាន តភ្ជាប់សេវាកម្មសម្រាប់កុមារដែលមានកាលៈទេសៈលំបាក ជាពិសេសគឺកុមារតំបន់ជនជាតិភាគតិច កុមារមានពិការភាព កុមារដែលមានហានិភ័យងាយរងគ្រោះ ដោយធានាថាការជួយឧបត្ថម្ភដល់ប្អូនៗមិនត្រូវកាត់ផ្តាច់ឡើយ។ បណ្តាគំរូល្អៗចាំបាច់ត្រូវវាយតម្លៃអំពីប្រសិទ្ធភាព និងលក្ខខណ្ឌរក្សាទុក ដើម្បីជ្រើសរើសយកមកពង្រីកបន្ថែម។ ទីបី មន្ទីរការបរទេសបន្តដើរតួនាទីជាចំណុចបង្គោលតភ្ជាប់ជាមួយអង្គការ WVI ចំណែកបណ្តាស្ថាប័នជំនាញត្រូវធ្វើការណែនាំ និងជួយឧបត្ថម្ភដល់អាជ្ញាធរថ្នាក់ឃុំតាមវិស័យដែលខ្លួនទទួលបន្ទុក។ ទីបួន ខេត្ត Dien Bien មានបំណងចង់ឱ្យអង្គការ WVI បន្តចែករំលែកបទពិសោធន៍ ជួយឧបត្ថម្ភបច្ចេកទេសសមស្របនៅក្នុងដំណាក់កាលក្រោយការផ្ទេរប្រគល់។ ទីប្រាំ ខេត្តសូមស្វាគមន៍ចំពោះទិសដៅបន្តកិច្ចសហប្រតិបត្តិការ តាមរយៈកម្មវិធីអភិវឌ្ឍន៍តំបន់ Tuan Giao ២ នៅឃុំ Tuan Giao, Muong Mun, Chieng Sinh និងបណ្តាកម្មវិធីអភិវឌ្ឍន៍តំបន់ដែលកំពុងត្រូវបានអនុវត្តនៅលើភូមិសាស្ត្រខេត្ត។ យើងខ្ញុំសង្ឃឹមថា គ្រប់ភាគីនឹងបន្តផ្តល់អាទិភាពដល់កុមារជនជាតិភាគតិច កុមារដែលមានកាលៈទេសៈលំបាក កុមារមានពិការភាព និងបណ្តាភូមិសាស្ត្រដែលនៅខ្វះខាតលក្ខខណ្ឌថែទាំ និងការពារកុមារ។ ទីប្រាំមួយ ខេត្តមានបំណងចង់ឱ្យដៃគូនានាប្រមូលផ្តុំកែលម្អអាហារូបត្ថម្ភ សុខភាព ការពារទប់ស្កាត់អាពាហ៍ពិពាហ៍វ័យក្មេង ការបោះបង់ការសិក្សា អំពើហិង្សា ការរំលោភបំពាន និងធានាសុវត្ថិភាពសម្រាប់កុមារនៅលើបរិយាកាសបណ្តាញអ៊ីនធឺណិត។ បន្តពង្រីករបៀបធ្វើសមស្របនានាចេញពីគម្រោងសាលារៀនស្នាក់នៅពាក់កណ្តាល ផ្ទះសំបែងសុភមង្គល ដោយផ្សារភ្ជាប់ការកែលម្អលក្ខខណ្ឌសិក្សា និងការរស់នៅរបស់កុមារ ជាមួយការជួយឧបត្ថម្ភជីវភាពរស់នៅសម្រាប់ក្រុមគ្រួសារ និងការលើកកម្ពស់សមត្ថភាពសម្រាប់ជួរកម្មាភិបាលនៅនឹងកន្លែង។ គណៈកម្មាធិការប្រជាជនខេត្តនឹងបន្តចង្អុលបង្ហាញដល់បណ្តាស្ថាប័ន និងមូលដ្ឋានឱ្យសម្របសម្រួល បង្កើតលក្ខខណ្ឌអំណោយផលតាមការកំណត់ ដើម្បីឱ្យសកម្មភាពសហប្រតិបត្តិការត្រូវបានអនុវត្តប្រកបដោយប្រសិទ្ធភាព ព្រមទាំងពិចារណាដោះស្រាយការលំបាកនានាដែលស្ថិតនៅក្រោមសមត្ថកិច្ចឱ្យបានទាន់ពេលវេលា។ ខេត្តយកចិត្តទុកដាក់យ៉ាងខ្លាំងចំពោះការប្រើប្រាស់ធនធានជំនួយឧបត្ថម្ភឱ្យចំគោលដៅ បើកចំហ តម្លាភាព និងផ្សារភ្ជាប់ជាមួយការទទួលខុសត្រូវរបស់មូលដ្ឋានក្នុងការការពារ ថែទាំ និងអប់រំកុមារ៕

អង្គការ World Vision Vietnam ប្រគល់គម្រោងផ្គត់ផ្គង់ទឹកស្អាតដល់ប្រជាជនខេត្ត Quang Tri យុគសម័យ - អង្គការ World Vision Vietnam ទើបតែបានគាំទ្រដល់ការសាងសង់ និងប្រគល់ការងារផ្គត់ផ្គង់ទឹកស្អាតសម្រាប់ប្រជាជន ជាពិសេសសហគមន៍នៅតំបន់ “អូអាស” ដាច់ស្រយាលក្នុងឃុំ Hai Phong ស្រុក Hai Lang (ខេត្ត Quang Tri)។

អង្គការ World Vision វៀតណាមអប់រំកុមារអំពីបំណិន ជីវិត នៅខេត្ត Thanh Hoa យុគសម័យ - អង្គការ World Vision វៀតណាមទើបតែបានរៀបចំវគ្គបណ្តុះបណ្តាលស្តីពី “គំនិតផ្តួចផ្តើមធ្វើ​ចលនាគោលនយោបាយ” ដល់កុមារសំខាន់ៗ ចំនួន ២៧ នាក់នៅឃុំ Yen Lac ស្រុក Nhu Thanh ខេត្ត Thanh Hoa។

វ៉ាន់ណាំ