ហត្ថលេខាឌីជីថលចាំបាច់ត្រូវផ្លាស់ប្តូរពី «ការផ្តល់ជូនបាន» ទៅជា «ការប្រើប្រាស់បាន»

នៅថ្ងៃទី ២៥ ខែកញ្ញា នៅ Phu Tho មជ្ឈមណ្ឌលបញ្ជាក់ភាពត្រឹមត្រូវអេឡិចត្រូនិកជាតិ (NEAC) នៃក្រសួងវិទ្យាសាស្ត្រ និងបច្ចេកវិទ្យា បានសហការជាមួយមន្ទីរវិទ្យាសាស្ត្រ និងបច្ចេកវិទ្យាខេត្ត Phu Tho រៀបចំសន្និសីទតភ្ជាប់ និងជំរុញការអភិវឌ្ឍហត្ថលេខាឌីជីថល និងសេវាទំនុកចិត្តតំបន់ភាគខាងជើងឆ្នាំ ២០២៦។

ថ្លែងបើកសន្និសីទ អនុរដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យា Pham Duc Long បានឱ្យដឹងថា ការអភិវឌ្ឍ និងការអនុវត្តហត្ថលេខាឌីជីថលក្នុងរយៈពេលកន្លងមក បានរួមចំណែកបង្កើតហេដ្ឋារចនាសម្ព័ន្ធទំនុកចិត្តឌីជីថល បង្កើតមូលដ្ឋានគ្រឹះសម្រាប់ប្រតិបត្តិការអេឡិចត្រូនិកប្រកបដោយសុវត្ថិភាព តម្លាភាព តាមរយៈនោះជំរុញសេដ្ឋកិច្ចឌីជីថល និងសង្គមឌីជីថល។

ដោយវាយតម្លៃខ្ពស់ចំពោះភាពម្ចាស់ការរបស់ Phu Tho ក្នុងការផ្លាស់ប្តូរឌីជីថល អនុរដ្ឋមន្ត្រីបានស្នើឱ្យបណ្តាមូលដ្ឋានក្នុងតំបន់ភាគខាងជើង បន្តនាំយកហត្ថលេខាឌីជីថល និងសេវាទំនុកចិត្តឱ្យជ្រួតជ្រាបចូលទៅក្នុងភាពជាក់ស្តែង ផ្សារភ្ជាប់ជាមួយសេវាសាធារណៈ និងប្រតិបត្តិការចាំបាច់នានារបស់ប្រជាពលរដ្ឋ និងសហគ្រាស។

អនុរដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យា Pham Duc Long ថ្លែងមតិនៅក្នុងសន្និសីទ។

តាមនោះ ដំណើរការអនុវត្តចាំបាច់ត្រូវផ្លាស់ប្តូរពីការឃោសនាផ្សព្វផ្សាយទៅជាការអនុវត្ត ពីការសាកល្បងទៅជាការធ្វើឱ្យពេញនិយមជាសកល និងពីទស្សនទានទៅជាការអនុវត្តជាក់ស្តែង។

តំណាង NEAC លោក Dao Quang Duc បានឱ្យដឹងថា គិតត្រឹមចុងខែសីហា ឆ្នាំ ២០២៦ ទូទាំងប្រទេសមានវិញ្ញាបនបត្រហត្ថលេខាឌីជីថលជាង ៣៣,៦ លាន ដែលស្មើនឹង ៤៨,៦៥% នៃចំនួនប្រជាជនពេញវ័យ កើនឡើងធៀបនឹងកម្រិត ៣៨,២% នៅចុងឆ្នាំ ២០២៥។

ទោះជាយ៉ាងនេះក្តី ដំណើរការធ្វើឱ្យពេញនិយមនូវហត្ថលេខាឌីជីថល នៅតែចោទឡើងនូវបញ្ហានានាដែលពាក់ព័ន្ធនឹងទំនុកចិត្តរបស់អ្នកប្រើប្រាស់ ការចំណាយ វិសាលភាពនៃការអនុវត្ត ក៏ដូចជាការណែនាំប្រជាពលរដ្ឋឱ្យប្រើប្រាស់ហត្ថលេខាឌីជីថលនៅក្នុងប្រតិបត្តិការជាក់លាក់នីមួយៗ។

លោក Nguyen Kho Din តំណាងសហគមន៍បញ្ជាក់ភាពត្រឹមត្រូវនៃហត្ថលេខាឌីជីថលសាធារណៈ បានចាត់ទុកថា ចាំបាច់ត្រូវផ្លាស់ប្តូរពី «ការផ្តល់ជូនបាន» ទៅជា «ការប្រើប្រាស់បាន» នូវហត្ថលេខាឌីជីថល។

តាមលោក ប្រសិទ្ធភាពនៃការធ្វើឱ្យពេញនិយមជាសកល ចាំបាច់ត្រូវវាយតម្លៃតាមរយៈចំនួនប្រតិបត្តិការចុះហត្ថលេខាឌីជីថលដែលទទួលបានជោគជ័យ និងសមត្ថភាពរក្សាការប្រើប្រាស់ជាប្រចាំ ជាជាងការផ្អែកតែលើចំនួនវិញ្ញាបនបត្រដែលបានផ្តល់ជូន។

ចេញពីការអនុវត្តជាក់ស្តែងនៅ Phu Tho បណ្ឌិត Nguyen Minh Tuong ប្រធានមន្ទីរវិទ្យាសាស្ត្រ និងបច្ចេកវិទ្យាខេត្ត Phu Tho បានឱ្យដឹងថា មូលដ្ឋានកំពុងជំរុញយ៉ាងខ្លាំងក្លានូវការកសាងមូលដ្ឋានទិន្នន័យ ហេដ្ឋារចនាសម្ព័ន្ធ និងថ្នាលបច្ចេកវិទ្យាឌីជីថល ដោយបោះជំហានមួយៗឆ្ពោះទៅកាន់ការគ្រប់គ្រងដោយផ្អែកលើទិន្នន័យ។

នៅក្នុងទម្រង់រដ្ឋបាលមូលដ្ឋានពីរថ្នាក់ ហត្ថលេខាឌីជីថល និងសេវាទំនុកចិត្តកាន់តែក្តាប់តួនាទីចាំបាច់ រួមចំណែកធានាឱ្យសកម្មភាពប្រព្រឹត្តទៅដោយរលូន និងមានប្រសិទ្ធភាព។

នៅក្នុងសន្និសីទ បណ្តាប្រតិភូបានផ្លាស់ប្តូរយោបល់អំពីដំណោះស្រាយចុះហត្ថលេខាឌីជីថលពីចម្ងាយ ការធ្វើសមាហរណកម្មហត្ថលេខាឌីជីថលក្នុងដំណើរការដោះស្រាយ ការអនុម័តឯកសារ និងការគ្រប់គ្រងកិច្ចសន្យាអេឡិចត្រូនិក។ អ្នកចូលរួមក៏ត្រូវបានណែនាំអំពីរបៀបបើកដំណើរការ និងការប្រើប្រាស់ហត្ថលេខាឌីជីថលនៅលើទូរស័ព្ទដៃផងដែរ។

ពិធីចុះហត្ថលេខាលើកិច្ចព្រមព្រៀងសហប្រតិបត្តិការជួយគាំទ្រការអនុវត្តហត្ថលេខាឌីជីថល និងកិច្ចសន្យាអេឡិចត្រូនិកសម្រាប់សហគ្រាស និងពលករនៅតាមបណ្តាតំបន់ឧស្សាហកម្មលើភូមិសាស្ត្រខេត្ត Phu Tho។

ក្នុងក្របខ័ណ្ឌនៃសន្និសីទ NEAC មន្ទីរវិទ្យាសាស្ត្រ និងបច្ចេកវិទ្យាខេត្ត Phu Tho គណៈគ្រប់គ្រងបណ្តាតំបន់ឧស្សាហកម្មខេត្ត Phu Tho និងតំណាងសហគមន៍បញ្ជាក់ភាពត្រឹមត្រូវនៃហត្ថលេខាឌីជីថលសាធារណៈ បានចុះហត្ថលេខាលើកិច្ចព្រមព្រៀងសហប្រតិបត្តិការជួយគាំទ្រការអនុវត្តហត្ថលេខាឌីជីថល និងកិច្ចសន្យាអេឡិចត្រូនិកសម្រាប់សហគ្រាស និងពលករនៅតាមបណ្តាតំបន់ឧស្សាហកម្ម។

យោងតាមកិច្ចព្រមព្រៀង ភាគីទាំងឡាយនឹងសហការជួយគាំទ្រការផ្តល់ជូនដោយឥតគិតថ្លៃនូវហត្ថលេខាឌីជីថលផ្ទាល់ខ្លួនសម្រាប់ពលករ ព្រមទាំងជួយគាំទ្រសហគ្រាសធ្វើសមាហរណកម្មហត្ថលេខាឌីជីថល និងកិច្ចសន្យាអេឡិចត្រូនិកទៅក្នុងប្រព័ន្ធគ្រប់គ្រងដែលមានស្រាប់។

សកម្មភាពនេះឆ្ពោះទៅកាន់ការនាំយកហត្ថលេខាឌីជីថល និងសេវាទំនុកចិត្តឱ្យផ្សារភ្ជាប់កាន់តែជិតស្និទ្ធជាមួយតម្រូវការជាក់ស្តែងក្នុងផលិតកម្ម អាជីវកម្ម ដោយបោះជំហានមួយៗសម្រេចឱ្យបាននូវហេដ្ឋារចនាសម្ព័ន្ធទំនុកចិត្តឌីជីថល ដើម្បីបម្រើរដ្ឋាភិបាលឌីជីថល សេដ្ឋកិច្ចឌីជីថល និងសង្គមឌីជីថល៕

វិទ្យាសាស្ត្រនិងបច្ចេកវិទ្យា ការច្នៃប្រឌិតបង្កើតថ្មីព្រមទាំងការបំប្លែងជាឌីជីថល៖ ស្ថាប័នបានគ្រប់ដណ្តប់ហើយ ការផ្តោតអារម្មណ៍គឺការអនុវត្តគោលនយោបាយ យុគសម័យ - ក្រោយពេលបង្កើនភាពល្អឥតខ្ចោះជាមូលដ្ឋាននូវប្រព័ន្ធស្ថាប័នសម្រាប់វិទ្យាសាស្ត្រ បច្ចេកវិទ្យា ការច្នៃប្រឌិតបង្កើតថ្មីព្រមទាំងការបំប្លែងជាឌីជីថលរួចមក នោះការផ្តោតអារម្មណ៍នាពេលបច្ចុប្បន្នគឺការដោះស្រាយបណ្តាចំណុចស្ទះនៅក្នុងដំណើរការដាក់ឱ្យដំណើរការអនុវត្ត នាំយកបណ្តាយន្តការនិងគោលនយោបាយឱ្យឈានចូលទៅក្នុងជីវភាពរស់នៅយ៉ាងឆាប់រហ័ស ព្រមទាំងបង្កើតកម្លាំងចលករសម្រាប់ការអភិវឌ្ឍន៍។

VPBank ធ្វើឌីជីថលរូបនីយកម្មដំណើរការកម្ចី៖ ទទួលបានលទ្ធផលអនុម័តបឋមត្រឹមតែក្នុងរយៈពេល ១ នាទី យុគសម័យ - ជាមួយដំណើរការធ្វើឌីជីថលរូបនីយកម្ម ១០០% នៅលើកម្មវិធី VPBank Race ធនាគារកំពុងតែកាត់បន្ថយពេលវេលាដោះស្រាយសំណុំលិខិតកម្ចីហ៊ីប៉ូតែចរបស់អតិថិជនយ៉ាងខ្លាំង។ ជាមួយលទ្ធផលអនុម័តបឋមត្រឹមតែក្នុងរយៈពេលប្រហែល ១ នាទី ជំនួសឱ្យការរង់ចាំច្រើនថ្ងៃដូចពីមុន VPBank បានក្លាយជាធនាគារត្រួសត្រាយផ្លូវនៅលើទីផ្សារដែលផ្តល់ជូននូវខ្សែចរន្តអនុម័តកម្ចីហ៊ីប៉ូតែចលឿនបំផុត បើកនូវបទដ្ឋានថ្មីអំពីបទពិសោធន៍ហិរញ្ញវត្ថុទំនើប។

ឌឿងង្វៀន