យុគសម័យ- នាពេលថ្មីៗនេះប្រព័ន្ធផ្សព្វផ្សាយរបស់ឆែកដូចជា Lidovky, Romea ... បានចុះផ្សាយព័ត៌មានអំពី សហគមន៍ជនជាតិវៀតណាមនៅសាធារណរដ្ឋឆែកមានសកម្មភាពសប្បុរសធម៌ជាច្រើននិងបង្ហាញសាមគ្គីភាពជាមួយប្រជាជន នៅប្រទេសសាមីក្នុងការបង្ការនិងទប់ទល់នឹងជំងឺ Covid-19 ។
អ្នកតំណាងសហគមន៍ជនជាតិវៀតណាមនៅសាធារណរដ្ឋឆែកប្រគល់ម៉ាស់ជូនដល់អភិបាលទីរួមស្រុក Vestec (រូបថត៖ ទីភ្នាក់ងារសារព័ត៌មានវៀតណាម)
ក្នុងបរិបទដែល Covid-19 កំពុងរីករាលដាលកាន់តែខ្លាំង ម៉ាស់និងឧបករណ៍ធ្វើតេស្តទទួលលទ្ធផលឆាប់រហ័សដែល មិនត្រូវបានរៀបចំនិងឆ្លើយតបទាន់ពេលវេលាទេ។ ស្ថាប័នអង្គភាពឆែកជាច្រើន បម្រើការបង្ការការរីករាលដាលនៃជំងឺនេះដូចជា មន្ទីរពេទ្យ ប៉ូលីសនិងសេវាជួយសង្គ្រោះបន្ទាន់មិនទាន់បានផ្តល់ឱ្យនូវឧបករណ៍វេជ្ជសាស្ត្រចាំបាច់គ្រប់គ្រាន់ទេ។
ដោយប្រឈមមុខនឹងតម្រូវការនេះរួមជាមួយប្រជាជននៃប្រទេសសាមី ជនជាតិវៀតណាមជាច្រើននាក់នៅសាធារណរដ្ឋឆែកបានកៀរគរម៉ាស៊ីនដេរ ទិញក្រណាត់ ហើយកាត់ដេរ ដើម្បីបរិច្ចាគម៉ាស់ជូនដល់អ្នកដែលមានតំរូវការ។ ហាងលក់ម្ហូបរបស់ជនជាតិវៀតណាមជាច្រើនក៏បង្ហាញសាមគ្គីភាព ដោយផ្តល់កាហ្វេ តែនិងអាហារសម្រន់ដោយឥតគិតថ្លៃដល់អ្នកជំនាញផ្នែកសុខភិបាលនិងកម្លាំងជួយសង្គ្រោះបន្ទាន់ និងប៉ូលីសឆែក។
រហូតមកដល់ពេលនេះ ជនជាតិវៀតណាមនៅតាមតំបន់ជាច្រើននៃសាធារណរដ្ឋឆែកបានបរិច្ចាកដល់ប្រទេសសាមី ក្នុងការបង្ការនិងទប់ទល់នឹងជំងឺ Covid-19 ដូចជា ការបរិច្ចាកម៉ាស់និងស្រោមដៃចំនួន ៦.០០០ ជូនដល់អាជ្ញាធរ Vyssi Brod និង Cesky Krumlov។ ម៉ាស់រាប់រយត្រូវបានចែកចាយទៅដល់អាជ្ញាធរកងកម្លាំងប៉ូលីស នៅ Ricany, Vectek, មន្ទីរពេទ្យនៅ Znojmo ឬមន្ទីរពេទ្យ Motol នៅ Prague ។
លើសពីនេះទៀត ដើម្បីជួយដល់ជនជាតិវៀតណាមដែលមិនចេះភាសាឆេកជាច្រើន សហគមន៍ជនជាតិវៀតណាមបានបង្កើតឡើងគេហទំព័រមួយគឺ covidinfo ដើម្បីជូនដំណឹងជាបន្ទាន់នូវស្ថានភាពជំងឺដល់ប្រជាជនវៀតណាមនិងអំពាវនាវមនុស្សរាប់សិបនាក់នៅទូទាំងប្រទេសឆេកជួយបកប្រែសម្រាប់ប្រជាជនដែលមិនចេះភាសាឆេកក្នុងអំឡុងពេលជំងឺ Covid-19 រីករាលដា ល ។
សមាគមនិសិត្សវៀតណាម រៀនសូត្រនៅសាធារណឆេកកំពុងផ្សំទឹកសម្លាប់មេរោគជូនដល់សហគមន៍។ (រូបថត៖ ទីភ្នាក់ងារសារព័ត៌មាន)
ដើម្បីទប់ទល់នឹងការរីករាលដាលនៃជំងឺនេះជនជាតិវៀតណាមនៅសាធារណរដ្ឋឆែកបានអនុវត្តន៍យ៉ាងម៉ឹងម៉ាត់ តាំងពីដំបូងមកជនជាតិវៀតណាមបានទិញឧបករណ៍បង្ការដូចជា ម៉ាស់ឬទឹកសម្លប់មេរោគ។ មនុស្សមួយចំនួនលុបចោលការធ្វើដំណើរតាមជើងហោះហើរត្រឡប់ទៅប្រទេសវៀតណាមវិញ ដោយសារពួកគេមានការព្រួយបារម្ភអំពីការឆ្លងមេរោគ នៅឯព្រលានយន្តហោះ។ នាពេលបច្ចុប្បន្ននេះប្រជាជនវៀតណាមក៏មានការព្រួយបារម្ភចំពោះការឆ្លងវីរុស Sar- Cov2 ពីប្រជាជនឆែក ពីព្រោះ ជនជាតិ ឆេកជាច្រើនមិនបានពាក់ម៉ាស់./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន