យុគសម័យ - ថ្ងៃទី ១០ ខែកុម្ភៈ ក្រសួងការបរទេសចិន បាន ថ្លែងអំណរគុណចំពោះប្រទេសរុស្ស៊ី ប្រទេសវៀតណាមនិងបណ្តាប្រទេសអាហ្វ្រិកដែលបានគាំទ្រ និងជួយឧបត្ថម្ភរដ្ឋាភិបាលចិនក្នុងការប្រយុទ្ធប្រឆាំងនឹងវីរុស nCov ថ្មី ថែមទាំងការប្រគល់សម្ភារៈ បរិក្ខាពេទ្យជូនរដ្ឋាភិបាលនិងប្រជាជនចិន ។
អ្នកនាំពាក្យក្រសួងការបរទេសចិនលោក Gengshuang ។ (រូបថត៖ ក្រសួងការបរទេសចិន)
នៅក្នុងសន្និសីទកាសែត នៅថ្ងៃទី ១០ ខែកុម្ភ: អ្នកនាំពាក្យក្រសួងការបរទេសចិនលោក Gengshuang បានបញ្ជាក់ថា សម្ភារៈ បរិក្ខាពេទ្យរបស់រដ្ឋាភិបាលវៀតណាមបានបញ្ជូនទៅកាន់ទីក្រុង Wuhan ហើយ! "យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះបណ្តាប្រទេសដែលគាំទ្រនិងជួយឧបត្ថម្ភប្រទេសចិន " កាសែត Global Times បានដកស្រង់សម្តីប្រសាសន៍របស់លោក Gengshuang។
នៅថ្ងៃទី ៩ ខែកុម្ភៈ ពីធីប្រគល់សំភារៈ បរិក្ខាពេទ្យ រួមមាន៖ ម៉ាស៊ីនដកដង្ហើម សម្លៀកបំពាក់ សម្លាប់មេរោគ ស្រោមដៃនិងម៉ាស់វេជ្ជសាស្ត្រ ដែលមានទឹកប្រាក់សរុប ៥០ ម៉ឺនដុល្លារអាមេរិក ដែលជាអំណោយរបស់បក្សរដ្ឋាភិបាលនិងប្រជាជនវៀតណាមជូនបក្សរដ្ឋាភិបាលនិងប្រជាជនចិន។គិតត្រឹមម៉ោង ១២ នាថ្ងៃទី ៨ ខែកុម្ភៈ ប្រទេសចិនបានទទួលឧបករណ៍និង សម្ភារៈបរិក្ខាពេទ្យ មកពីប្រទេសនិងអង្គការអន្តរជាតិទាំង ២១ ផងដែរ៕
(បកប្រែដោយឌីណា)
មតិពីមិត្តអ្នកអាន