យុគសម័យ - ថ្ងៃទី ៥ ខែកុម្ភះ ក្រុមការងារនៃខេត្ត Lang Son បានចុះត្រួតពិនិត្យការបង្ការជំងឺ កូរ៉ូណាថ្មី នៅតាមច្រកទ្វារព្រំដែនអន្តរជាតិ Huu Nghị មុននឹងសម្រេចចិត្តអំពីការបើកច្រកទ្វារព្រំដែន Huu Nghị ឡើងវិញ ដើម្បីជំរុញការនាំចេញកុងតឺន័រដឹកកសិផលចំនួន ៦៦ គ្រឿង។ បន្ទាប់ពីតៃកុងនិងពាណិជ្ជករត្រូវស្នាក់នៅឯកន្លែងដាច់ដោយឡែក ស្ថិតនៅច្រកព្រំដែន។
ក្រុមការងារនៃខេត្ត Lang Son ដឹកនាំដោយលោក Nguyen Cong Truong - អនុប្រធាន គណៈ កម្មាធិការប្រជាជនខេត្ត ប្រធានគណៈកម្មាធិការដឹកនាំ ៣៨៩ នៃខេត្ត Lang Son បានចុះពិនិត្យ និងត្រួតពិនិត្យ ដោយផ្ទាល់នូវការងារបង្ការនិងការប្រឆាំងនឹងការរីករាលដាលវីរុសកូរ៉ូណាថ្មី នៅច្រកព្រំដែន Huu Nghi ការរក្សាទំនិញនៅចំណតរថយន្ត ស្ថិតនៅច្រកទ្វារព្រំដែន មុនពេលសំរេចចិត្តនូវការនាំចេញទំនិញ។
កុងតឺន័រដឹកកសិផលឆ្លងកាត់ការត្រួតពិនិត្យ។ (រូបថត៖ tuoitre)
បរិមាណទំនិញដែលដឹកជញ្ជូនទៅកាន់ច្រកព្រំដែនបន្ទាប់ពីថ្ងៃទី ៥ ខែកុម្ភះនឹងត្រូវបង្ខំឲ្យទុកក្នុងទីកន្លែងដាច់ដោយឡែកក្នុងអំឡុងពេល ១៤ ថ្ងៃ ដើម្បីអនុវត្តវិធានការត្រួតពិនិត្យជំងឺ។ ទំនិញកកស្ទះនៅច្រកព្រំដែន Huu Nghi (ប្រទេសវៀតណាម) និងច្រកព្រំដែន Huu Nghi Quan (ប្រទេសចិន) នឹងត្រូវបាននាំចេញនិងនាំចូល។
ការនាំចេញនិងការនាំចូលតាមរយៈច្រកព្រំដែនអន្តរជាតិ Huu Nghi ក្រោមការត្រួតពិនិត្យយ៉ាងតឹងរឹងរបស់គយ កងទ័ពការពារព្រំដែន ចក្តាឡីស័ក សុខភិបាលគណៈកម្មការសេដ្ឋកិច្ចច្រកព្រំដែនខេត្ត Lang Son តាមទិសស្លោក ការគ្រប់គ្រង នៅចំតំបន់ជាប់ព្រំដែន។
ជាក់ស្តែងសម្រាប់កសិផលដែលនាំចេញពីប្រទេសវៀតណាមទៅកាន់ប្រទេសចិន សមត្ថកិច្ចនៅច្រកព្រំដែននឹងស្នើសហគ្រាស ពាណិជ្ជករ សន្យាថា បន្ទាប់ពីនាំចេញទំនិញឆ្លងកាត់ព្រំដែនពេលវិលត្រឡប់មកប្រទេសវៀតណាមវិញ ពួកគេនឹងស្នាក់នៅទីកន្លែងដាក់ដោយឡែកក្នុងរយៈពេល ១៤ ថ្ងៃ។
ដូចគ្នានេះដែរ រថយន្តដឹកទំនិញរបស់ប្រទេសចិននាំចេញទៅកាន់ប្រទេសវៀតណាម តាមច្រកទ្វារអន្តរជាតិ Huu Nghi ត្រូវបានប្រមូលផ្តុំ នៅក្នុងចំណតរថយន្ត Xuan Hai ស្ថិតក្នុងច្រកទ្វារអន្តរជាតិ Huu Nghi ។ នៅឯចំណតនេះសកម្មភាពផ្លាស់ប្តូរពាណិជ្ជកម្មនឹងត្រូវធ្វើឡើងរវាងទាំងសងខាង។
ពាណិជ្ជករនិងតៃកុងទាំងសងខាងនឹងត្រូវស្នាក់នៅទីកន្លែងដាច់ដោយឡែកនៃចំណតរថយន្ត Xuan Hai ដើម្បីធានាមិនឲ្យការរីករាលដាលជំងឺទៅខាងក្រៅ។ ចុងបញ្ចប់នៃការផ្លាស់ប្តូរពាណិជ្ជកម្ម ពាណិជ្ជករនិងទំនិញមកពីប្រទេសចិនត្រូវចាកចេញនិងត្រឡប់មកប្រទេសចិនវិញដើម្បីចៀសវាងលទ្ធភាពនៃការរីករាលដាលនៃជំងឺកូរ៉ូណាថ្មី។
ប្រសិនបើទទួលបានជោគជ័យ ទាំងការនាំចេញនិងនាំចូលទំនិញ ទាំងការត្រួតពិនិត្យជំងឺ ខេត្ត Lang Son នឹងដឹកនាំសមត្ថកិច្ចនៅច្រកទ្វារព្រំដែនបន្តការនាំចេញនិងនាំចូលទំនិញជាធម្មតា ម៉្យាងទៀតក៏ត្រួតពិនិត្យនូវការរីករាលដាលជំងឺផងដែរ៕
（បកប្រែដោយឌីណា）
មតិពីមិត្តអ្នកអាន