យុគសម័យ - កាសែតអាល្លឺម៉ង់ (Neues Deutschland) នៅថ្ងៃទី ២៨ ខែវិច្ឆិកាបានចុះផ្សាយអត្ថបទមួយអំពីការប្រយុទ្ធប្រឆាំងនឹងការរីករាលដាលនៃជំងឺ COVID-១៩ នៅវៀតណាម។ នៅក្នុងអត្ថបទនេះអ្នកនិពន្ធបានសង្កត់ធ្ងន់លើការឆ្លើយតបយ៉ាងឆាប់រហ័សចំពោះរោគរាតត្បាត ក៏ដូចជាការពិតដែលថារដ្ឋាភិបាលវៀតណាមតែងតែ“យកចិត្តទុកដាក់ខ្លាំងលើសុខភាពរបស់ប្រជាជន ជាងការរកប្រាក់ចំណេញ” ។
អ្នកនិពន្ធអត្ថបទ Julia Behrens បាននិយាយថា ក្នុងរយៈពេល ៣ ខែកន្លងមកនេះប្រទេសវៀតណាមមិនមានករណីឆ្លងថ្មី នៅ ក្នុងសហគមន៍ទេ ហើយករណីឆ្លងថ្មីគឺជាជនអន្តោប្រវេសន៍ ហើយត្រូវបានដាក់ឲ្យនៅដាច់ពីគេ។ ជាលទ្ធផលក្លឹបត្រូវបានបើក ព្រឹត្តិការណ៍សំខាន់ៗ ត្រូវបានរៀបចំឡើង សន្និសីទត្រូវបានធ្វើឡើង តាមរយៈប្រព័ន្ធវីដេអូ ហើយជីវិតប្រចាំថ្ងៃស្ទើរតែធម្មតា។ ។
កាសែតអាល្លឺម៉ង់បានកោតសរសើររដ្ឋាភិបាលវៀតណាម “ យកចិត្តទុកដាក់ខ្លាំងលើសុខភាពរបស់ប្រជាជន ជាងការរកប្រាក់ចំណេញ” នៅពេលជំងឺ COVID-19
អត្ថបទនេះក៏ដកស្រង់សំដីរបស់លោកសាស្រ្តាចារ្យវេជ្ជបណ្ឌិត Thirumalaisamy P. Velavan នៃសាកលវិទ្យាល័យ Tübingenប្រទេសអាល្លឺម៉ង់និងជាប្រធានមជ្ឈមណ្ឌលស្រាវជ្រាវវេជ្ជសាស្រ្តវៀតណាម - អាល្លឺម៉ង់ (VG-CARE) នៅទីរដ្ឋធានី Ha Noi បានមានប្រសាសន៍ថា ការឆ្លើយតបយ៉ាងឆាប់រហ័សចំពោះការរីករាលដាលនៃជំងឺរាតត្បាត COVID-19 គឺជាកត្តាសំខាន់មួយដែលសម្រេចចិត្តក្នុងជោគជ័យនៃយុទ្ធសាស្ត្រប្រឆាំងនឹងការរាតត្បាតរបស់វៀតណាម។
លោកបានសង្កត់ធ្ងន់ថា ៖“ វៀតណាមបានឆ្លើយតបយ៉ាងទូលំទូលាយនិងរហ័សចំពោះការរាតត្បាត ចាប់តាំងពីវៀតណាមមានការរីករាលដាលនៃជំងឺ COVID-19 រដ្ឋាភិបាលវៀតណាមបានកំណត់អ្នកទាក់ទងនិងអ្នកជំងឺនិងអនុវត្តវិធានការដាក់ឲ្យនៅដាច់ដោយឡែក និងប្រមូលការចូលរួមនៃស្ថាបន ប្រកបដោយប្រសិទ្ធភាព។
លើសពីនេះទៀត ប្រទេសវៀតណាមក៏បានអនុវត្តវិធានការពាក់ម៉ាស់ រក្សាអនាម័យរោគរាតត្បាត ការរក្សាគម្លាតសង្គាមនិងការដាក់ឲ្យនៅដាច់ដោយឡែកពីគេសម្រាប់អ្នកទាក់ទងជាមួយអ្នកជំងឺ កម្រិត ៣ (F3) ។ លោកសាស្រ្តាចារ្យក៏បានសង្កត់ធ្ងន់ថា គោលដៅនៃការលុបចោលវីរុស SARS-CoV-2 ចេញពីប្រទេសដែលត្រូវបានកំណត់យ៉ាងច្បាស់ តាំងពីដំបូងប្រជាជនគោរព តាមវិធានការប្រឆាំងនឹងការរីករាលដាល។
យោងតាមលោកសាស្រ្តាចារ្យ Velavan រដ្ឋាភិបាលវៀតណាមបានយកចិត្តទុកដាក់ខ្លាំងលើសុខភាពរបស់ប្រជាជន ជាងការរកប្រាក់ចំណេញ។ លោកបន្តថា សេដ្ឋកិច្ចវៀតណាមក៏រងផលប៉ះពាល់ពីការរីករាលដាល ធ្ងន់ធ្ងរបំផុតគឺឧស្សាហកម្មទេសចរណ៍ ខណៈពេលកំណើនសេដ្ឋកិច្ចត្រូវបានរំពឹងថា នឹងធ្លាក់ចុះប៉ុន្តែនៅតែមានលក្ខណៈវិជ្ជមាន។ បច្ចុប្បន្នឧស្សាហកម្មទេសចរណ៍មិនអាចបង្កើតប្រាក់ចំណូលពីភ្ញៀវទេសចរបរទេសបានទេ។ ក្រុមហ៊ុនទេសចរណ៍និងសណ្ឋាគារជាច្រើនត្រូវបានបណ្តេញបុគ្គលិករបស់ខ្លួនឬបិទក្រុមហ៊ុនរបស់ពួកគេទាំងស្រុង។ ក្នុងរយៈពេល ៧ ខែដើមឆ្នាំនេះប្រាក់ចំណូលពីទេសចរណ៍និងការធ្វើដំណើរបានថយចុះជាង ៥៥% ហើយគេប៉ាន់ស្មានថា ពេញមួយឆ្នាំ ២០២០ ចំនួននេះនឹងថយចុះគួរឱ្យកត់សម្គាល់។
លោក Kenneth Atkinson អនុប្រធានក្រុមប្រឹក្សាទេសចរណ៍វៀតណាម (TAB) បានមានប្រសាសន៍ថា ឧស្សាហកម្មទេសចរណ៍របស់ប្រទេសវៀតណាមនឹងខាតបង់ប្រហែល ២៣ ពាន់លានដុល្លារ នៅឆ្នាំនេះ។ មុននេះកាសែតអាល្លឺម៉ង់ Panoramic (FAZ) នៅថ្ងៃទី ៦ ខែតុលាបានចុះផ្សាយអត្ថបទមួយអំពីការវាយតម្លៃខ្ពស់ចំពោះប្រសិទ្ធភាពនៃការប្រយុទ្ធប្រឆាំងនឹងជំងឺ COVID-19 ហើយបានសន្និដ្ឋានថា វៀតណាមគួរតែចាត់ទុកជាគំរូក្នុងការប្រយុទ្ធប្រឆាំងនឹងវីរុស SARS-CoV -២ ។ ខណៈពេលដែលប្រទេសអាល្លឺម៉ង់បានកត់ត្រាការស្លាប់ជិត ១០,០០០ នាក់ដោយសារជំងឺ COVID-19 ប្រទេសវៀតណាមដែលជាប្រទេសមានប្រជាជនច្រើនជាងនេះដែលមានប្រជាជនប្រហែល ១០០ លាននាក់ មានតែចំនួន ៣៥ នាក់ប៉ុណ្ណោះដែលបានស្លាប់។ យោងតាមកាសែតនេះ បណ្តាប្រទេស ដូចជា វៀតណាម ចិន សិង្ហបុរីឬកូរ៉េខាងត្បូងបានគ្រប់គ្រងនូវការរីករាលដាលនៃជំងឺនេះបានយ៉ាងល្អ។ រដ្ឋាភិបាលបណ្តាប្រទេសនេះបានចាត់វិធានការយ៉ាងម៉ឺងម៉ាត់ ហើយជូនដំណឹងអំពីហានិភ័យនៃការរីករាលដាលនេះដែលមានគុណប្រយោជន៍ក្នុងការប្រយុទ្ធប្រឆាំងនឹងជំងឺ COVID-19។
យោងតាមអត្ថបទ FAZ មួយផ្សេងទៀត ដែលបានចេញផ្សាយនៅថ្ងៃដដែល បណ្តាប្រទេសដូចជា វៀតណាម ថៃ និងសិង្ហបុរីស្ទើរតែមិនបានរកឃើញការឆ្លងថ្មីនៅក្នុងសហគមន៍ទេ។ ប្រទេសទាំងនេះទទួលបានជោគជ័យជាដំបូង ដោយការបិទព្រំដែននិងការដាក់ចេញនូវវិធានការណ៍ដាក់ឲ្យនៅដាច់ដោយឡែកពីគេ។ រហូតមកដល់ពេលនេះការឆ្លងកាត់ព្រំដែននៅតាមបណ្តាប្រទេសទាំងនេះ នៅមានកម្រិតនៅឡើយ លើកលែងតែករណីលើកលែង។ ចំពោះប្រទេសវៀតណាម ទោះបីមានការដាក់ចេញនូវវិធានការប្រឆាំងនឹងការរាតត្បាតប្រកបដោយតឹងរឹងក៏ដោយ ក៏វានៅតែរំពឹងថា នឹងទទួលបានកំណើនសេដ្ឋកិច្ចជាង ២% ក្នុងឆ្នាំនេះ./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន