ប្រព័ន្ធផ្សព្វផ្សាយព័ត៌មានក្នុងតំបន់និងអន្តរជាតិបានរាយការណ៍ក្នុងពេលដំណាលគ្នាថាកិច្ចប្រជុំកំពូលអាស៊ានលើកទី ៣៧ និងកិច្ចប្រជុំជាន់ខ្ពស់ដែលពាក់ព័ន្ធបានបញ្ចប់ដោយជោគជ័យជាមួយនឹងការចុះហត្ថលេខាលើកិច្ចព្រមព្រៀងពាណិជ្ជកម្មដ៏ធំបំផុតនៅលើពិភពលោក ក្នុងនោះគេបានសង្កត់ធ្ងន់ថាលទ្ធផលនេះមានឥទ្ធិពលដ៏អស្ចារ្យរបស់វៀតណាមក្នុងនាមជាប្រធានអាស៊ានឆ្នាំ២០២០។
សារព័ត៌មានអន្តរជាតិកោតសរសើរចំពោះវៀតណាមក្នុងតួនាទីជាប្រធានអាស៊ានឆ្នាំ២០២០
ក្នុងពេលជាមួយគ្នានោះ កាសែត Khmer Times របស់កម្ពុជាកាល ពីថ្ងៃទី១៦ វិច្ឆិកា បានចាត់ទុកថា ក្នុងនាមជាសមាជិកមួយដ៏សកម្មនិងមាន ការទទួលខុសត្រូវ វៀតណាមមានការរួមចំណែកជាច្រើនដល់អាស៊ាន។ ការជ្រើសរើសមូលបទ “ភាពស្អិតរមួតនិងការឆ្លើយតប” សម្រាប់ឆ្នាំអាស៊ាន ២០២០ នោះ បានបង្ហាញគោលបំណងរបស់វៀតណាមចង់ធានាអាស៊ាន មួយប្រកបដោយឯកភាពដែលអាចឈររឹងមាំនៅចំពោះមុខផលប៉ះពាល់នៃស្ថានភាពអន្តរជាតិ។
សារព័ត៌មានតំបន់និងអន្តរជាតិបានចុះផ្សាយដោយព្រមៗគ្នាថា កិច្ច ប្រជុំកំពូលអាស៊ានលើកទី៣៧ និងកិច្ចប្រជុំពាក់ព័ន្ធនានាបានប្រព្រឹត្តទៅ ប្រកបដោយជោគជ័យដោយការចុះហត្ថលេខាលើកិច្ចព្រមព្រៀងពាណិជ្ជ កម្មធំបំផុតលើពិភពលោក ក្នុងនោះដាក់អាស៊ីអាគ្នេយ៍នៅទីតាំងស្នូល។ សារព័ត៌មានអន្តរជាតិបានសង្កត់ធ្ងន់ថា លទ្ធផលនេះមានសញ្ញាសម្គាល់ដ៏ ធំធេងរបស់វៀតណាមក្នុងនាមជាប្រធានអាស៊ានឆ្នាំ២០២០។ តាមនោះ ប្រទេសអាស៊ានទាំង១០រួមជាមួយចិន កូរ៉េខាងត្បូង ជប៉ុន អូស្ត្រាលីនិង នូវែលហ្សេឡង់បានចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ច ទូលំទូលាយក្នុងតំបន់ (RCEP) ក្នុងគោលដៅជំរុញការអភិវឌ្ឍសេដ្ឋកិច្ច ក្រោយពីជម្ងឺ Covid-19។ បណ្ដាសមាជិកនៃកិច្ចព្រមព្រៀងនេះស្រូបយក ជិត១/៣ចំនួនប្រជាជនពិភពលោក និង២៩% GDP សកល។
សារព័ត៌មានអន្តរជាតិកោតសរសើរចំពោះវៀតណាមក្នុងតួនាទីជាប្រធានអាស៊ានឆ្នាំ២០២០
ទីភ្នាក់ងារសារព័ត៌មាន Reuters របស់អង់គ្លេសបានពណ៌នាថា RCEP ជាលទ្ធផលមួយក្នុងចំណោមលទ្ធផលដែលត្រូវបានទន្ទឹងរង់ចាំបំផុតនៅកិច្ចប្រជុំកំពូលអាស៊ានកន្លងទៅ។ ទីភ្នាក់ងារសារព័ត៌មាន Sputnik បានវាយតម្លៃថា វៀតណាមបាន សម្រេចយ៉ាងល្អប្រពៃនូវភារកិច្ចជាប្រធានអាស៊ានឆ្នាំ២០២០ ជាមួយនឹង ការត្រៀមរៀបចំយ៉ាងយកចិត្តទុកដាក់ ការជ្រើសរើសគោលដៅនិង អាទិភាពដ៏សមស្រប ដែលបានបន្សល់ទុកនូវសញ្ញាសម្គាល់សំខាន់ ជាច្រើន។ អាណត្តិប្រធានអាស៊ានឆ្នាំ២០២០របស់វៀតណាមបានបិទ បញ្ចប់ដោយការចុះហត្ថលេខាលើកិច្ចព្រមព្រៀងពាណិជ្ជកម្មធំបំផុតលើ ពិភពលោក៕
（ប្រែសម្រួលដោយ ហេង វុធ្ធី）
（ប្រភពព័ត៌មាន: baotintuc.vn）
មតិពីមិត្តអ្នកអាន