នាថ្ងៃទី ១២ ខែកញ្ញា ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេសវៀតណាម លោក Pham Binh Minh បានធ្វើជាអធិបតីក្នុងសន្និសីទកាសែតអន្តរជាតិដោយប្រកាសលទ្ធផលនៃកិច្ចប្រជុំ AMM-53 និងកិច្ចប្រជុំពាក់ព័ន្ធ។
ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេសវៀតណាម លោក Pham Binh Minh បានធ្វើជាអធិបតីក្នុងសន្និសីទកាសែតអន្តរជាតិ (រូបថត៖ VGP)
ថ្លែងនៅក្នុងសន្និសីទកាសែត ឧបនាយករដ្ឋមន្រ្តី និងជារដ្ឋមន្រ្តីការបរទេស លោក Pham Binh Minh បានឲ្យដឹងថា រដ្ឋមន្រ្តីការបរទេសអាស៊ានបានបន្តអះអាងនូវការប្តេជ្ញាចិត្តរបស់ខ្លួនក្នុងការអនុវត្តគោលដៅ និងអាទិភាពយ៉ាងពេញលេញ និងមានប្រសិទ្ធភាព។ ក្នុងស្មារតីនៃ "ភាពស្អិតរមួត និងការឆ្លើយត" នៃឆ្នាំអាស៊ាន ២០២០ ។ រដ្ឋមន្ត្រីការបរទេសអាស៊ានបានព្យាយាមពិភាក្សាអំពីការកសាងទិសដៅអភិវឌ្ឍន៍សម្រាប់អាស៊ានក្នុងដំណាក់កាលថ្មី បន្ទាប់ពីបញ្ចប់ចក្ខុវិស័យសហគមន៍អាស៊ាន ២០២៥ ។
រដ្ឋមន្រ្តីទាំងអស់បានស្វាគមន៍ចំពោះការចូលរួមវិភាគទានពីបណ្តាប្រទេសលើមូលនិធិសម្រាប់ឆ្លើយតបនឹង Covid-19 របស់អាស៊ាន ហើយឯកភាពកែប្រែការកំណត់នានារបស់មូលនិធិដើម្បីសម្រួលដល់ការរួមវិភាគកទានពីបណ្តាប្រទេសជាដៃគូលើមូលនិធិនេះ។ ។
នៅក្នុងកិច្ចប្រជុំនេះដែរ រដ្ឋមន្រ្តីទាំងអស់បានបញ្ជាក់ពីការប្តេជ្ញាចិត្តរក្សាតំបន់អាស៊ីអាគ្នេយ៍ប្រកបដោយសន្តិភាព សន្តិសុខ អព្យាក្រឹត និងស្ថិរភាព ពង្រឹងសាមគ្គីភាព ខ្លួនទីពឹងខ្លួន លើកកម្ពស់តួនាទីជាមជ្ឈភាពរបស់អាស៊ាន និងពង្រឹងការកសាងទំនុកចិត្ត លើកស្ទួយស្មារតីគោរពច្បាប់។ រដ្ឋមន្ត្រីការបរទេសអាស៊ាន និងដៃគូទាំងអស់បានបញ្ជាក់ជាថ្មីពីការប្តេជ្ញាចិត្តគាំទ្រកិច្ចសហប្រតិបត្តិការពហុភាគី និងក្របខ័ណ្ឌនៃទំនាក់ទំនងរវាងប្រទេសនានា ដោយឈរលើគោលការណ៍ច្បាប់អន្តរជាតិ។
អាស៊ានក៏បានយល់ព្រមផ្តល់បទប្បញ្ញត្តិភាពជាដៃគូអភិវឌ្ឍន៍ដល់បារាំង និងអ៊ីតាលី ហើយបានទទួលយកកូឡុំប៊ី និងគុយបាឱ្យចូលរួមក្នុងសន្ធិសញ្ញាមិត្តភាព និងសហប្រតិបត្តិការនៅអាស៊ីអាគ្នេយ៍ (TAC) ។
ទាក់ទងនឹងបញ្ហាសមុទ្រខាងកើត ជំហរជាគោលការណ៍របស់អាស៊ានបានសង្កត់ធ្ងន់ទៅលើសារៈសំខាន់ និងផលប្រយោជន៍នៃសន្តិភាព ស្ថិរភាព សន្តិសុខ សុវត្ថិភាព និងសេរីភាពនៃការធ្វើនាវាចរណ៍ និងអាកាសរណ៍នៅសមុទ្រខាងកើត ដែលជាផលប្រយោជន៍រួមសម្រាប់ប្រទេសទាំងអស់ និងបន្តទទួលបានការគាំទ្រពីបណ្តាប្រទេសជាដៃគូ។ រដ្ឋមន្រ្តីទាំងអស់បានបញ្ជាក់ថាចាំបាច់ត្រូវបន្តជំរុញការសន្ទនា និងពង្រឹងការកសាងទំនុកចិត្ត អត់ធ្មត់ គ្មានសកម្មភាពបង្កើនភាពតានតឹង និងភាពស្មុគស្មាញដល់ស្ថានភាព មិនធ្វើយោធូបនីយកម្ម មិនប្រើ និងគំរាមកំហែងប្រើអាវុធ ដំណោះស្រាយជំលោះដោយសន្តិវិធី ស្របតាមមូលដ្ឋានច្បាប់អន្ដរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ១៩៨២។ រដ្ឋមន្រ្តីទាំងអស់ក៏បានបង្ហាញពីគោលបំណងចង់ឲ្យសេចក្តីប្រកាសស្តីពីការប្រព្រឹត្តរបស់ភាគីនានានៅសមុទ្រខាងកើត (DOC) ត្រូវបានអនុវត្តបានយ៉ាងពេញលេញ និងមានប្រសិទ្ធិភាព ហើយបានអំពាវនាវឱ្យសម្រេចក្រមប្រតិបត្តិនៅសមុទ្រខាងកើត (COC) មានប្រសិទ្ធភាព ស្របតាមច្បាប់អន្តរជាតិ ក្នុងពេលឆាប់ៗនេះ៕
(យោងតាមកាសែតកងទ័ពប្រជាជន)
មតិពីមិត្តអ្នកអាន