យុគសម័យ - នារសៀលថ្ងៃទី ៣០ ខែមេសា នៅរដ្ឋធានី Ha Noi លោកឧត្តមសេនីយ៍ត្រី Nguyen Xuan Kien ប្រធាននាយកដ្ឋានពេទ្យយោធា នៃអគ្គនាយកដ្ឋានភស្តុភារ និងជាប្រធានក្រុមប្រឹក្សាភិបាលមជ្ឈមណ្ឌលពេទ្យយោធាអាស៊ាន (ACMM) បានអញ្ជើញជាអធិបតីក្នុងកិច្ចប្រជុំតាមប្រព័ន្ធវីដេអូ ជាមួយគណៈនាយកនៃ ACMM ជាលើកទី ៣ ។
ទិដ្ឋភាពនៃកិច្ចប្រជុំនេះ។ (រូបថត៖ ក្រសួងការពារជាតិវៀតណាម)
នៅក្នុងកិច្ចប្រជុំនេះ ប្រតិភូទាំងឡាយបានឯកភាពថា ការធ្វើហាត់សមដែលសំដៅលើខ្លឹមសារមួយចំនួននដូចជា៖ ការពិនិត្យឡើងវិញនូវបទពិសោធន៍របស់ផ្នែកពេទ្យយោធានៃប្រទេសនីមួយៗក្នុងការទប់ទល់នឹងជំងឺរាតត្បាត Covid-19; ការកំណត់លើវិស័យនានាដែលត្រូវការពឹងពាក់គ្នាទៅវិញទៅមករវាងផ្នែកពេទ្យយោធា និងកំលាំងផ្សេងទៀត និងការរៀបចំផែនការធ្វើសកម្មភាព ដើម្បីលើកកំពស់ការត្រៀមលក្ខណៈរបស់ផ្នែកយោធាអាស៊ាន ដោយផ្អែកលើផែនការរបស់អង្គការសុខភាពពិភពលោក។
នៅចុងបញ្ចប់នៃកិច្ចប្រជុំនេះ សមាជិកទាំងឡាយនៃគណៈនាយក ACMM បានឯកភាពលើផែនការនានាក្នុងការធ្វើហាត់សម នឹងជម្រាបជូនក្នុងកិច្ចប្រជុំអនុរដ្ឋមន្រ្តីក្រសួងការពារជាតិនៃបណ្តាប្រទសអាស៊ាន ដើម្បីអនុម័ត ។ តាមការគ្រោងទុក ការហាត់សមយន្តការប្រយុទ្ធប្រឆាំនឹងជំងឺ Covid-19 នឹងរៀបចំឡើង នៅចុងខែឧសភាខាងមុខនេះ./.
(បកប្រែដោយឌីណា)
មតិពីមិត្តអ្នកអាន