យុគសម័យ - ឆ្លើយតបទៅនឹងការអំពាវនាវរបស់ដៃគូកាត់បន្ថយគ្រោះមហន្តរាយក្រសួងកសិកម្មនិងអភិវឌ្ឍន៍ជនបទវៀតណាម អង្គការ UNDP បានផ្តល់កញ្ចប់ជំនួយឧបត្ថម្ភជាផ្លូវការដោយមានទឹកប្រាក់ចំនួន ១៨៥.០០០ ដុល្លារអាមេរិកដល់ប្រជាជននៅតំបន់ដីសណ្ដទន្លេ Cuu Long
UNDP ផ្តល់ជំនួយឧបត្ថម្ភជាទឹកប្រាក់ ១៨៥.០០០ ដុល្លារអាមេរិកដើម្បីទប់ទល់នឹងគ្រោះរាំងស្ងួតនិងការជ្រាបជាតិប្រៃនៅតំបន់វាលសណ្តរទន្លេ Cuu Long
នេះគឺជាថវិការក្នុងក្របខ័ណ្ឌនៃកិច្ចព្រមព្រៀងស្តីពីការជួយឧបត្ថម្ភគាំទ្រដល់បណ្តាខេត្តដែលរងផលប៉ះពាល់នៃគ្រោះរាំងស្ងួតដោយសារការជ្រាបជាតិប្រៃនៅតំបន់ដីសណ្តទន្លេ Cuu Long ដោយដៃគូកាត់បន្ថយគ្រោះមហន្តរាយក្រសួងកសិកម្មនិងអភិវឌ្ឍន៍ជនបទវៀតណាមនិងកម្មវិធីអភិវឌ្ឍន៍សហប្រជាជាតិ (UNDP) បានចុះហត្ថលេខានៅទីក្រុងហាណូយនាពេលថ្មីៗនេះ។
ឆ្លើយតបទៅនឹងការអំពាវនាវរបស់ដៃគូកាត់បន្ថយគ្រោះមហន្តរាយក្រសួងកសិកម្មនិងអភិវឌ្ឍន៍ជនបទវៀតណាម អង្គការ UNDP បានផ្តល់កញ្ចប់ជំនួយឧបត្ថម្ភជាផ្លូវការដោយមានទឹកប្រាក់ចំនួន ១៨៥.០០០ ដុល្លារអាមេរិកដល់ប្រជាជននៅតំបន់ដីសណ្ដទន្លេ Cuu Long តាមរយៈក្រសួងកសិកម្មនិងអភិវឌ្ឍន៍ជនបទដែលដកពីមូលនិធិសង្គ្រោះបន្ទាន់សកល ដើម្បីជួយទប់ទល់នឹងគ្រោះរាំងស្ងួតនិងការជ្រាបជាតិប្រៃនៅដែនដីសណ្តរនៃទន្លេ Cuu Long។
សកម្មភាពរបស់ UNDP រួមមានៈផ្គត់ផ្គង់អាងផ្ទុកទឹកចំនួន ៣០០ ដល់គ្រួសារដែលរងផលប៉ះពាល់នៅខេត្ត Ben Tre និងគាំទ្រដល់ជីវភាពរស់នៅរបស់ប្រជាជន ១៧៦ គ្រួសារនៅខេត្ត Ca Mau ព្រមទាំងគាំទ្រដល់ការសន្ទនាគោលនយោបាយក្នុងការការពារនិងការប្រយុទ្ធប្រឆាំងនឹងគ្រោះមហន្តរាយធម្មជាតិអំបិលជាដើម៕
(បកប្រែដោយ ហេងវុធ្ធី)
(ប្រភពព័ត៌មាន: tapchithongtindoingoai.vn)
មតិពីមិត្តអ្នកអាន