យុគសម័យ - នាថ្ងៃទី ១២ ខែមិថុនា នៅទីក្រុងហូជីមិញ បានប្រព្រឹត្តទៅពិធីបើកពិព័រណ៌អន្តរជាតិស្តីពីហេដ្ឋារចនាសម្ព័ន្ធកំពង់ផែសមុទ្រនិងដឹកជញ្ជូនឆ្នាំ២០១៩ (VIPILEC 2019) ។ នេះគឺជាលើកដំបូងដែលការតាំងពិព័រណ៍នេះត្រូវបានរៀបចំឡើងនៅវៀតណាម។
ពិធីកាត់ខ្សែពរបើកសម្ពោធព្រឹត្តិការណ៍ VIPILEC 2019 (tuoitrethudo.com.vn)
យោងតាមគណៈកម្មការរៀបចំពិព័រណ៍នេះបានឲ្យដឹងថា នេះគឺព្រឹត្តិការណ៍ដែលធ្វើបច្ចុប្បន្នភាពស្ថានការណ៍និងនិន្នាការថ្មីបំផុតនៃវិស័យកំពង់ផែសមុទ្រនិងដឹកជញ្ជូននៅប្រទេសវៀតណាមក៏ដូជាជានៅលើពិភពលោក ព្រមទាំងជាកន្លែងតភ្ជាប់អ្នកជំនាញខាងពាណិជ្ជកម្ម ធុរជន និងអ្នកជំនាញខាងដឹកជញ្ជូនក្នុងស្រុកនិងអន្តរជាតិជាដដើម។ មិនត្រឹមតែប៉ុណ្ណោះទេ VIPILEC 2019 នៅតែមានសកម្មភាពជាច្រើនបន្ថែមទៀតក្នុងគោលបំណងលើកកំពស់ចំណេះដឹងទូទៅដែលក្នុងនោះរួមមាន វេទិកាបច្ចេកវិទ្យា សិក្ខាសាលាឯកទេស។ ការតាំងពិព័រណ៍លើកនេះនឹងក្លាយទៅជាឱកាសមួយសំរាប់សហហគ្រាសអាចទទួលបានបទពិសោធន៍ជាច្រើនទៀតអំពីផលិតផលបច្ចេកវិទ្យាឈានមុខគេនៃវិស័យដឹកជញ្ជូនផងដែរ។ ព្រឹត្តិការណ៍ត្រូវបានធ្វើឡើងចាប់ពីថ្ងៃ១២ ដល់ថ្ងៃទី ១៤ ខែមិថុនា៕
（ប្រភព៖ tuoitrethudo.com.vn បកប្រែដោយហេង វុធ្ធី）
មតិពីមិត្តអ្នកអាន