យុគសម័យ - ជំងឺផ្លូវដង្ហើមដែលបណ្តាលមកពីវីរុស Corona ថ្មី (COVID-១៩) នៅតែមានភាពស្មុគស្មាញដែលជះឥទ្ធិពលដល់ការអភិវឌ្ឍសេដ្ឋកិច្ច - សង្គមរបស់វៀតណាម រួមទាំងវិស័យទេសចរណ៍ផងដែរ។
កេរ្តិ៍ដំណែលប្រវត្តិសាស្ត្រ Ngoc Son បានបើកនិងទទួលភ្ញៀវទេសចរជាធម្មតា។ (រូបថត៖ ទីភ្នាក់ងារសារព័ត៌មានវៀតណាម)
ប៉ុន្តែវិស័យទេសចរណ៍ក៏បានចូលរួមយ៉ាងឆាប់រហ័សរដោយចាត់ទុកនេះជាឱកាសមួយ ដើម្បីរៀបចំរចនាសម្ព័ន្ធទីផ្សារឡើងវិញ កាត់បន្ថយការពឹងផ្អែកលើទីផ្សារធំៗ។ វិស័យទេសចរណ៍នៅពេលនេះគួរតែសកម្ម ដើម្បីលើកកម្ពស់គុណភាពសេវាកម្ម គុណភាពធនធានមនុស្ស…
ការប្រគល់ម៉ាស់ជូនដល់ភ្ញៀវទេសចរដោយឥតគិតថ្លៃ ដើម្បីការពារការឆ្លងជំងឺ COVID-១៩។ (រូបថត៖ ទីភ្នាក់ងារសារព័ត៌មានវៀតណាម)
ព័ត៌មានពីអគ្គនាយកដ្ឋានទេសចរណ៍ជាតិ (ក្រសួងវប្បធម៌ កីឡានិងទេសចរណ៍) បានឲ្យដឹងថា ទេសចរណ៍វៀតណាមកំពុងឆ្លើយតបយ៉ាងសកម្មចំពោះផលប៉ះពាល់នៃ COVID-១៩ (nCov) ។ ទីកន្លែងទេសចរណ៍ កេរ្តិ៍ដំណែលប្រវត្តិសាស្ត្រនៅតែបើកជាធម្មតា។
ចាប់ពីពេលដែលរោគរាតត្បាត COVID-១៩ បានលេចចេញរហូតដល់ពេលដែលរដ្ឋាភិបាលបានប្រកាសជាផ្លូវការនូវការរាតត្បាតជំងឺ នេះ ថ្ងៃទី ១/២០/២០២០ ប្រទេសវៀតណាមបានគ្រប់គ្រងជំងឺនេះប្រកបដោយល្អប្រសើរ។ ការព្យាបាលនិងការការពារឆ្លងជំងឺ COVID-១៩ មានប្រសិទ្ធិភាព។ ដូច្នេះ គ្មានស្ថានភាពរីករាលដាលវីរុស nCoV នៅក្នុងសហគមន៍ក្នុងប្រទេសវៀតណាមទេ។ បច្ចុប្បន្ននេះ កេរ្តិ៍ដំណែលប្រវត្តិសាស្ត្រ កេរ្តិ៍ដំណែលនានា ភោជនីយដ្ឋានកំពុងបម្រើភ្ញៀវទេសចរជាធម្មតា។
ម៉្យាងទៀត អគ្គនាយកដ្ឋានទេសចរណ៍ជាតិបានសហការជាមួយតំបន់និងសហគ្រាសទេសចរណ៍ ដើម្បីចាត់វិធានការបង្ការនិងកាត់បន្ថយការឆ្លងជំងឺ COVID-១៩ ធានាសុវត្ថិភាពសម្រាប់ភ្ញៀវទេសចរ។ ទីកន្លែងទេសចរមួយចំនួនបានបង្កលក្ខខណ្ឌល្អបំផុត ដើម្បីពង្រឹងការបង្ការនិងការការពារការឆ្លងជំងឺនេះ ដូចជា ការបាញ់ថ្នាំសំលាប់មេរោគ ការផ្តល់ម៉ាស់ ការផ្សព្វផ្សាយនិងឃោសនាសម្រាប់ភ្ញៀវទេសចរ។
ដោយការត្រួតពិនិត្យប្រកបដោយប្រសិទ្ធភាព វិធានការបង្ការជំងឺកំពុងត្រូវបានអនុវត្តនៅគ្រប់មូលដ្ឋាន ដូច្នេះវិសម័យទេសចរនៅវៀតណាមបានបញ្ជាក់ថា ភ្ញៀវទេសចរមកវៀតណាមនៅពេលនេះត្រូវបានធានាសុវត្ថិភាព។
ចាប់ពីថ្ងៃទី ១៣-១៥ ខែកុម្ភៈ សមាគមទេសចរណ៍វៀតណាមនិងសមាគមទេសចរណ៍សហគមន៍វៀតណាមបានសហការជាមួយគ្នា ដើម្បីរៀបចំថ្នាក់បណ្តុះបណ្តាលវិជ្ជាជីវៈ នៅទីក្រុងហាណូយ សំដៅលើកកម្ពស់គុណភាពធនធានមនុស្ស ក្នុងបរិបទ COVID-១៩ (nCoV) ៕
（បកប្រែដោយឌីណា）
មតិពីមិត្តអ្នកអាន