ភាពទាក់ទាញដ៏ពិសេសរបស់ស៊ីក្លូហាណូយក្នុងក្រសែភ្នែកភ្ញៀវទេសចរអន្តរជាតិ

ភ្ញៀវទេសចរចាប់អារម្មណ៍យ៉ាងខ្លាំងខណៈដែលធ្វើដំណើរដោយស៊ីក្លូ (រូបថត៖vnexpress.net)

ស៊ីក្លូគឺជាមធ្យោបាយដឹកជញ្ជូនដ៏ពេញនិយមមួយសម្រាប់ប្រជាជនទីក្រុងហាឈាំចាប់តាំងពីឆ្នាំ១៩៣៩។ ក្នុងដើមសតវត្សរ៍ទី២០ មានតែវណ្ណៈអភិជននិងអ្នកមានទ្រព្យសម្បត្តិទើបមានសិទ្ធិប្រើស៊ីក្លូដើម្បីធ្វើដំណើរផងដែរ។ នៅប៉ុន្មានឆ្នាំ១៩៩០ នៅពេលដែលភ្ញៀវទេសចរបរទេសបានមកកាន់ទីក្រុងហាណូយកាន់តែច្រើនឡើងៗនោះ ស៊ីក្លូក្លាយទៅជា មធ្យោបាយដ៏ពេញនិយមក្នុងវិស័យទេសចរណ៍ ដោយមានតម្លៃសមរម្យ ងាយស្រួលធ្វើដំណើរ ដែលធ្វើឱ្យការចាប់អារម្មណ៍យ៉ាងខ្លាំពីសំណាក់ភ្ញៀវទេសចរផងដែរ។

គេហទំព័រទេសចរណ៍ដ៏ល្បីនៅលើពិភពលោក Lonely Planet បានលើកឡើងថា ភ្ញៀវទេសចរមិនគួររំលងចោលនឹងបទពិសោធន៍របស់ខ្លួននៅពេលដែលធ្វើដំណើរដោយស៊ីក្លូនៅប្រទេសវៀតណាម។ យោងតាមទំព័រនេះ ស៊ីក្លូតែងតែលេចឡើងនៅក្បែរសណ្ឋាគារធំៗ ហើយអ្នកបើកបរអាចនិយាយភាសាអង់គ្លេសនៅកម្រិតមូលដ្ឋាន។ ក្រុមហ៊ុនរទេសចរណ៍ Kouni នៅប្រទេសស្វ៊ីស ដែលមានសាខាជាច្រើននៅទូទាំងពិភពលោក ក៏បានវាយតម្លៃថាធ្វើដំណើរទស្សនាដោយ ស៊ីក្លូនៅជុំវិញទីក្រុងហាណូយគឺជាអនុស្សាវរីរយ៍ដ៏គួរអោយចាប់អារម្មណ៍បំផុតសម្រាប់ភ្ញៀវទេសចរបរទេស។

ភោជនីយដ្ឋានស៊ីក្លូវៀតណាម នៅទីក្រុងរ៉ូមប្រទេសអ៊ីតាលី (រូបថត៖vnexpress.net)

ប្រហែលជាដោយសារលក្ខណៈពិសេសទាំងនេះរបស់ស៊ីក្លូនោះ ម្ចាស់ភោជនីយដ្ឋានវៀតណាមជាច្រើននៅបរទេសបានយកស៊ីក្លូជារូបសញ្ញាសម្រាប់ភោជនីយដ្ឋានរបស់ពួកគេ។ "ភោជនីយដ្ឋានស៊ីក្លូវៀតណាម " (Cyclo Vietnamese Restaurant) បានបង្ហាញខ្លួននៅក្នុងទីក្រុងប៉ារីស ទីក្រុងឡុងដ៌ ទីក្រុងមូនិច ទីក្រុងរ៉ូម និងតូក្យូជាដើមហើយយានយន្តនេះនឹងបន្តក្លាយទៅជារូបសញ្ញាដ៏ពិសេសសំរាប់ការចងចាំរបស់សំណាក់មិត្តអន្តរជាតិផងដែរ៕

（បកប្រែដោយហេង វុធ្ធី）

（បកប្រែដោយហេង វុធ្ធី）